PHILIPPI 3:9 - Pathien Lekhabu Inthieng (BSI)

⁹ Hi lei hin a nih: Amaa ka um theina ding le, mâni felna (Dâna felna) ringawt nei lova, Krista ringna leia felna, (ringna leia Pathiena inthawka felna) chu nei lemin;

PHILIPPI 3:9 ပူးပေါင်းရင်းမြစ်များ

INṬANNA 7:23

Chuongchun, hnuoi chunga thil hringna nei tinrêng, mihriem dâm, ran dâm, thilhring bawkinvâk chi dâm, chunglêng vate dâm, hnuoia inthawka sukbohmangin an um ta a: Noa le a kuoma lawnga umhai chau chu hlain an um ta a.

1 LALHAI 8:46

I chungah thil an suksuol a, (tukhawm thil suksuol naw an um si naw a) an chungah i lunginsen a, hmêlma kuta i pêk a, hmêlma ram hlataka manih, hnaitaka manih khawma sala an ṭhuoi a;

2 CHANCHIN SUINA 32:25

Nisienlakhawm, ama chunga ditsakna thaw ang huin Hezekia chun a ngaisak nâwk ta naw a; a lungril chu ân ngaisâng si a; chuleichun, ama chunga chun lunginsenna chu a um a, Jerusalem le Juda ram chunga khawm chun.

2 CHANCHIN SUINA 32:31

Nisienlakhawm, Babulon lalhai, chu rama thilmakhai chu indawn suok dinga a kuoma mi hungtirhai chungthua chun, a lungrila umhai po po chu a hriet theina dingin, fie dingin Pathien chun ama chu a thlathlam a.

INPÂKNA HLABU 14:3

Anaw tieng an lo pêt vawng ta a, pawrchetakin an lo um ta vawng a, Tukhawm thil ṭha thaw hrim an um nawh, pakhat bêk khawm an um dêr nawh.

INPÂKNA HLABU 143:2

I siehlaw chunga hin rorêl naw la, I mithmua chun mihring hrim hrim thiem chang an um âwm si naw a.

INPÂKNA HLABU 19:12

Tuin am mâni suksuolhai hre thei a ta? Suol inthuphaia inthawk hin mi sukkieng rawh.

THUHRILTU 7:20

Indiktakin, hnuoi chunga hin mi fel thil ṭha thaw a, thil suksuol ngailo an um nawh.

ISAI 46:13

chuongchun, ka ropuina Israelhai ta dingin sandamna chu Ziona chun sieng ka tih.

ISAI 53:11

A hringna sininrim ra chu hmûng a ta, lungawi tâng a tih; ka siehlaw feltak chun a hrietnain mi tamtak chu thiem inchangtir a ta, an khawhlonahai chu phurpêk a tih.

ISAI 53:6

Ei rêng hin berâm angin ei invâk hmang a, mâni lampui sengah ei pêt a; Lalpa chun ama chunga chun ei rênga khawhlona chu ân nghat ta a.

ISAI 6:5

Chu phingleh kei chun, “Hmûr tirdakum put mi ka na, hmûr tirdakum put mihai laia um ka ni leiin ka chung a va rik de! Ka bohmang a ni hi, ka mitin, Lal, sipaihai Lalpa chu a hmu ta si a,” ka ti a.

JEREMIA 23:6

Ama dam sûng chun Juda chu sandam nîng a ta, Israel khawm chu himtakin chêng a tih, chun, hi hi hming ama kona ding chu nîng a ta, “Lalpa chu ei felna a nih,” ti hi.

JEREMIA 33:16

Chuong nihaia chun Juda chu sandam ni tâng a ta, Jerusalem khawm chu himtakin chêng tâng a tih: chun, ‘Lalpa chu ei felna a nih,’ ti hi koa a umna ding hming chu ni ta bawk a tih.

DANIEL 9:24

Hapta sâwm sarihai chu i mihai le khaw inthieng ta dinga bawsietnahai insûmna ding le suolnahai bânsanna ding le, khawhlona ta dinga inremna siema, kumkhuoa felna chu insuona ding le, thilhmulâwk le hrillâwkna chu khârkhumna ding le, Hmun Inthiengtak chu hriek nâlna hun dinga pêk a nih.

MATTHAI 9:13

Chuongchun, ‘Inthâwina dit lovin lunginsietna ka dit ie,’ ti hi, fe unla, a umzie vân chûk ro; mi fel takhai indawn dinga hung ka ni naw a, mi suolhai lem indawn dinga hung ka nih in sawnnaw,” a ta.

ROM MIHAI KUOMA TIRKO PAULA LEKHATHAWN (THE LETTER OF PAUL TO THE ROMANS) 1:17

Chutaka chun awi nâwkzuolna dingin, ringnain Pathien felzie chu a hung inlang a, “Ringna leia mifel chu hring a tih” tia ziek ang khan.

ROM MIHAI KUOMA TIRKO PAULA LEKHATHAWN (THE LETTER OF PAUL TO THE ROMANS) 10:10

Mihaiin an lungrilin an ring a, felna an hmu hlak, bauin an ṭan a, sandamna an hmu bawk hlak a nih.

ROM MIHAI KUOMA TIRKO PAULA LEKHATHAWN (THE LETTER OF PAUL TO THE ROMANS) 16:7

Ka chipui Andronika le Junia kân tângpuihai kha chibai mi bûkpêk ro; anni chu tirkohai laia hming inthang an na, keia nêka Kristaa um hmasa lem an nih.

ROM MIHAI KUOMA TIRKO PAULA LEKHATHAWN (THE LETTER OF PAUL TO THE ROMANS) 5:21

suol chun thinain ro a rêl ang takin, lunginsietna chun, felnain kumkhaw hringna changna khawp hielin ei Lalpa Isu Krista zârah ro a rêl theina dingin.

ROM MIHAI KUOMA TIRKO PAULA LEKHATHAWN (THE LETTER OF PAUL TO THE ROMANS) 8:1

Chuongchun, tuhin chu Krista Isua umhai ta ding chun thiemnaw inchangtirna hrim a um ta nawh.

ROM MIHAI KUOMA TIRKO PAULA LEKHATHAWN (THE LETTER OF PAUL TO THE ROMANS) 8:3

Tisa leiin Dân chu a hrât naw a, a thaw thei ruol naw chu Pathienin ama Naupa ngei tisa suol ang putin suol thawina dinga hung tirin, tisaa suolna um chu thiemnaw ân changtir tah a nih,

1 KORINTH 1:30

Nangni ruok chu ama zârah, Krista Isua chun in um a nih; ama chu Pathien kuoma inthawka ei ta dinga varnaa siem a nih, felnaa dâm, inthiengnaa dâm, intlannaa dâm leh.

2 KORINTH 5:17

Chuleichun, tûkhawm Kristaa a um chun thilsiem thar a hung ni ta a; thil hluihai chu a bo ta a, ngai ta u, a hung thar tah.

2 KORINTH 5:21

Amaa chun Pathien felna ei hung ni theina dingin suol hrim hrim hre lo chu Pathienin eini leiin suolah a siem a.

GALATI 2:16

nisienlakhawm, Dân thilthaw leiin mi thiem changin a um naw a, Isu Krista ring lei chauin thiem changin a um lem ti kan hriet si a. Keini khawmin Dân thilthaw lei ni lovin, Krista awina leia thiem changa kan um theina dingin, Krista Isu chu kan awi a nih; Dân thilthaw leiin mihriem hrim hrim thiem changin um si naw ni hai a.

DÂN PAHNINA 27:26

“‘Hi dân thu pawm nghet lotu chu ṭawngsephurin um raw se,’ tîng an ta, mipui po po chun, ‘Amen’ an lo ti ding a nih.

PHILIPPI 3:6

ṭhahnemngai tienga chun kohranhai suknawmnatu ka nih; Dân thua felna tienga chun sawisêlbo ka nih.

2 TIMOTHE 1:9

Ama chun ei thilthawhai ang ni lovin, ama ruot le a lunginsietna ang lemin a mi sandam a, kona inthiengin a mi ko bawk a, chu lunginsietna chu leilung insieng hmâin Krista Isua chun ei kuoma pêk a ni tah;

TITA 3:5

thil feltaka thaw, eini ngeia thawhai chu, chu lei chun ni lovin, Thlarau Inthieng siem tharna sâwpna le siem ṭhat nâwkna chun, a lunginsietna chun a mi sandam tah.

HEBRAIHAI 6:18

Pathien inkhêl ruol a ni nawna, thil danglam thei naw pahni leiin, eini, insanhimna dinga ei hmaa beiseina um chel dinga tlânhai infuina nasatak ei nei theina dingin.

JAKOB 3:2

Thil tamtaka chun ei rêngin ei suol hlak si a. Tûkhawm thuhril kawnga a suol naw chun, ama chu puitling a nih, a taksa pum khawm vêng thei mi a nih.

2 PETER 1:1

Simon Peter, Isu Krista suok le tirko chun: Isu Krista kan Pathien le Sandamtu felna leia ringna hlutak kan chang ang chang vehai kuomah:

1 JOHAN 3:4

Tûkhawm thil suksuol taphawt chun dân khawm a bawsiet a nih; suol hi dân bawsietna a ni si a.