PHILIPPI 3:2 - Pathien Lekhabu Inthieng (BSI)

² Uihai laia chun fîmkhur ro, thil ṭha naw thawtuhai laia chun fîmkhur ro, mâni taksa sukrimsi hlakhai laia chun fîmkhur ro.

PHILIPPI 3:2 ပူးပေါင်းရင်းမြစ်များ

INPÂKNA HLABU 119:115

Nangni thil ṭha naw thawtuhai, mi mâksan ro, Ka Pathien thilpêkhai ka vawng ṭhat theina dingin.

INPÂKNA HLABU 22:16

Uihai chun an mîn huolvêl si a, Thil ṭha naw thawtu um khâwmhai chun an mîn huol tlat a, Ka kut le ka kehai hi an sukpawp a.

INPÂKNA HLABU 22:20

Ka hringna hi kâwlhnâma inthawk chun sanhim la. Ka hringna hi ui thilthawtheinaa inthawk chun sanhim rawh.

THUVARHAI 26:11

Mi invêt ân vêtna thu hril hriltu chu, Ui ama luok bawka kîr nâwk ang chu a nih.

MATTHAI 24:10

Chu phâ chun mi tamtak tlûng an ta, inmantir tuo tâwl an ta; intheida tuo tâwl an tih.

MATTHAI 7:15

“Zâwlnei tehlêmhai lai chun fîmkhur ro; chuonghai chu berâm vun silin in kuomah an hung hlak a; an sûng tienga ruok chu satene hnukinrâwltakhai an ni si a.

MATTHAI 7:6

“Ui kuoma dâm thil inthieng chu pe naw ro; vawk hmaa dâm in lunghlu pei bawk naw ro; chîl se hlau rawi an ta; ngha lêtin phirthlêr rawi an ti cheu.”

ROM MIHAI KUOMA TIRKO PAULA LEKHATHAWN (THE LETTER OF PAUL TO THE ROMANS) 2:28

Ân lang ela Juda mi ni chu Juda mi tak a ni naw a; ân langa taksa mei meia sertan chu sertan tak tak a ni chuong naw bawk.

2 KORINTH 11:13

Mi chuong ang mi chu, Krista tirkoa insiem fâwm, tirko tehlêmhai, sinthawtu mi hlêm hmanghai an ni si a.

GALATI 5:13

Nangni, unauhai, suok ni lo dinga ko in ni si a; nisienlakhawm, suok in ni nawna chu tisa ta dinga remchângah hmang naw unla, hmangainain rawng inbâwl tuo pêk seng lem ro,

GALATI 5:15

Nisienlakhawm, in inse a, in infâk tuo si chun, in insukbohmang tuo nawna dingin fîmkhur ro.

GALATI 5:6

Krista Isua chun sertan iengkhawm a ṭhahnem naw a, sertannaw khawm iengkhawm a ṭhahnem chuong nawh, ringna hmangainaa thaw ruok chu a ṭhahnem a nih.

PHILIPPI 3:19

Chuonghai tâwpna chu bohmangna a nih, an Pathien chu an phîng a nih, an ropuina khawm chu an muolphona a nih, khawvêl thil an dit hlak a nih.

PHILIPPI 3:3

Eini Pathien Thlarau zâra Pathien bie le, Krista Isu suong le, taksa chunga ringna innghat nawhai hi, Sertanhai ei ni lem si a.

1 TIMOTHE 1:19

ringna le sie le ṭha hrietna inthiengtak pawm tlatin. Mi ṭhenkhathaiin chuong chu pei thlain, ringna kawnga chun lawngkawi angin an kawi se ta a.

TITA 1:16

“Pathien kan hriet,” tiin an ṭhang hlak a; nisienlakhawm, tirdakum dâm, thu awi naw dâm, thil ṭha tinrêng thaw kawnga Pathien dit naw zâwnghai an nih, an thilthawin an inphatsan hlak si a.

2 PETER 2:22

“Ui ama luok tieng a kîr nâwk a, vawkpui insilfai ta khawm chirhakah insil dingin a kîr nâwk a,” ti thuvartawi indiktak ang thu chu an chungah a hung um ta a nih.

JUDA 1:4

Mi tuhai amanih arûka lût an um si a; chuonghai chu Pathien ngaisak naw mihai an na, Pathien lunginsietna chu hurnaah an inchangtir a, ei hotu le ei Lalpa neisun Isu Krista chu, an awi naw bawk a. Chuong ang mihai thiemnaw chang ding zie chu tienlaia inthawk tah ziek a nih.

THUPUONGSUO 2:9

I rinumzie dâm, i pasietzie dâm, (nisienlakhawm i hausa si), Juda tak ni lova, Setan inkhâwmna inhai ni lem si a, Juda intihai i hrilsiet zie dâm ka hriet.

THUPUONGSUO 21:8

Amiruokchu, mi dawi dâm, awinaw dâm, tirdakum dâm, tuolthat dâm, indit hmang dâm, dawithiem dâm, milim bie dâm, khêlinhlip po po dâm chan ding chu mei le kâta kâng dîla chun um a tih; chu chu thi hnina chu a nih,” a ta.

THUPUONGSUO 22:15

Tuola chun, ui dâm, dawithiem dâm, indit chîng dâm, tuolthat dâm, milim bie dâm, khêl ngaina le khêlinhlip taphawthai chu um an tih.

THUPUONGSUO 3:9

Ngai ta, Setan inkhâwmna inhai laia mi, Juda tak ni lova, khêl hrila Juda intihai laia mi chu, ka tir ding a nih, ngai ta, i ke bulah chibai hung inbûktir ka ta, ka hmangai che ti inhriettir bawk ka tih.