PHILIPPI 3:14 - Pathien Lekhabu Inthieng (BSI)

¹⁴ Krista Isua Pathien chungtieng kona san lâwmman hmu dingin, tiem chin tieng chu ka pan ṭâl ṭâl a nih.

PHILIPPI 3:14 ပူးပေါင်းရင်းမြစ်များ

LUKA 16:16

Johan a hung hma po khan Dân le Zâwlneihai kha hmang an nih. A hung chena inthawk ruok chun Pathien ram chanchin ṭha hril a ni a, mitinin lût ngei an tum seng a,

ROM MIHAI KUOMA TIRKO PAULA LEKHATHAWN (THE LETTER OF PAUL TO THE ROMANS) 11:29

Pathienin a thilthlâwnpêkhaia le a konaa chun a lungril a lêt ngai si naw a.

1 KORINTH 9:24

Intlânsiekhai chu an rêngin an tlân a; nisienlakhawm, pakhat chauin lâwmman a hmu hlak ti in hriet naw am a nih? In hmu theina dingin chuong ang tak chun tlân ro.

2 KORINTH 4:17

Kan rinum nêptak, hi mit inkhap kâr chaua um ding hin ropuina nasatak, kumkhuoa dingin a mi siem pêk nasa deu deu a nih;

PHILIPPI 3:3

Eini Pathien Thlarau zâra Pathien bie le, Krista Isu suong le, taksa chunga ringna innghat nawhai hi, Sertanhai ei ni lem si a.

KOLOSSA 2:18

Mâni insukhnuoi fâwmna le vântirko biekna ngaisâng a, inlârnaa innghat a, an tisa tieng nuom zâwng hlêmna mei meia insukpuithu mi an um a; chuong ang mihai chun in lâwmman chu inchântir naw raw hai se cheu.

1 THESSALONIKA 2:12

Ama ram le ropuinaa kolûttu cheu Pathien mi ni tlâka in um theina dingin.

2 TIMOTHE 1:9

Ama chun ei thilthawhai ang ni lovin, ama ruot le a lunginsietna ang lemin a mi sandam a, kona inthiengin a mi ko bawk a, chu lunginsietna chu leilung insieng hmâin Krista Isua chun ei kuoma pêk a ni tah;

HEBRAIHAI 3:1

Chuongchun, unau inthieng vân kona chang vehai, ei thuringa Tirko le Thiempu Laltak, Isu chu ngaituo ro;

HEBRAIHAI 6:1

Chuongchun, Krista thu bul hril ta lovin puitling tieng pan ei tiu; lungphûm chu phûm nâwk ta lovin simna dâm, Pathien tienga ringna dâm,

1 PETER 1:13

Chuleiin, in lungril dier keiin, ngaiven unla, Isu Krista inlâr pha chun lunginsietna a hung chawipêk ding cheu chu beidawng lovin beisei tlat ro;

1 PETER 5:10

Chun, lunginsietna po po Pathien, a chatuon ropuina chang dinga Kristaa kotu cheu chun, sâwt nawtê in tuor hnungin siemṭha famkimin, sukdetin, sukhrât a ti cheu.

2 PETER 1:3

Ama ropuina le ṭhatna zâra a mi kotu, a chanchin hriet leiin a Pathien thilthawtheinain hringna le Pathien ngaisakna kawnga chun thil po po a mi pêk si a.

THUPUONGSUO 3:21

A hnetu taphawt chu ka lalṭhungphaah ka kuomah inṭhungtir ka tih; kei khawmin ka hne a, ka pa kuomah lalṭhungphaa ka ṭhung ang khan.