PHILIPPI 2:17 - Pathien Lekhabu Inthieng (BSI)

¹⁷ Anih, in ringna inthâwina le rawngbâwlna chunga chun bunthlâka um ding ni lang khawm ka lâwm a nih, in rêngin ka lâwmpui bawk cheu a nih.

PHILIPPI 2:17 ပူးပေါင်းရင်းမြစ်များ

NAMBAR 28:6

Lalpa ta dinga meia thilinhlân riminhnika dingin Sinai tlânga ruot pumrawhmang thilinhlân hrim kha a nih.

NAMBAR 28:7

Chun, Berâmte pakhat inhlânnaa dâwnmi thilinhlân chu, hin hmun lia ṭhea hmun khat a ni ding a nih; Lalpa ta dinga uoin, dâwn ding thilinhlân chu hmun inthiengah i bun suok ding a nih.

THILTHAWHAI 20:24

Nisienlakhawm, kân tlânsiekna lam ka hmabâk suo ding le, Pathien lunginsietzie Chanchin Ṭha inhriettir ding, Lalpa Isua inthawka kha rawngbâwl sin ka hmu kha, thaw zo phawt lang chu, ka hringna khawm thlâkhlâ tlâkah ka ruot nawh.

THILTHAWHAI 21:13

Paula chun a dawn a, “Iem a ta, in ṭap in ṭap a, ka thla in suksie ie! Lalpa Isu hming lei chun Jerusalema khuop chau ni lovin, thi khawm ka huom in sawnnaw,” a ta.

ROM MIHAI KUOMA TIRKO PAULA LEKHATHAWN (THE LETTER OF PAUL TO THE ROMANS) 12:1

Chuongchun, unauhai, Pathien lunginsietna lei hin inthâwina hring le inthieng le Pathien ilâwmtlâk ni dingin, in taksa chu inhlân dingin ka ngên cheu a nih; chu chu in rawngbâwlna âwm hrim a nih.

ROM MIHAI KUOMA TIRKO PAULA LEKHATHAWN (THE LETTER OF PAUL TO THE ROMANS) 15:16

Jentailhai inhlânna chu, Thlarau Inthieng sukthienga lâwmtlâk an ni theina dingin Pathien Chanchin Ṭha kawngah thiempu sin ka thaw a nih.

2 KORINTH 12:15

Kei chu ka nei po po in thlarau ta dingin lâwm takin hmang zo ka ta, kei ngei khawm inhmang zo vawng bawk ka tih. Chuong lâwma ka hmangai si cheu chun in mi hmangai tlâwm lem bîk el ding maw?

2 KORINTH 4:12

Chuongchun, keinia hin thinain sin a thaw hlak a, nangnia ruok chu hringnain sin a thaw hlak a nih.

2 KORINTH 6:10

lungngai angin, nisienlakhawm, lâwm rawp siin; pasie angin, nisienlakhawm, mi tamtak sukhausa siin; iengkhawm neilo angin, iengkim hau siin.

2 KORINTH 7:4

Nangni tienga chu ka ṭawng ngamzie hi a nasa a, ka suongzie cheu hi a nasa a nih; thlamuongnain ka sip a, kan rinumna po poa chun hlimin ka sip liem a nih.

PHILIPPI 1:20

Ka beiseina le ka înhâwkna ang peiin ienga khawm sukmuolphoin um naw ningah a, huoitakin, ka um pângngai ang rawpin, tu khawm hin, hringna leiin amanih, thina leiin amanih, ka taksaa hin Krista chu chawimawiin a um ding a nih.

PHILIPPI 2:18

Chuong ang bawkin nangni khawm lâwm unla, mi lâwmpui ve ro.

PHILIPPI 2:30

In mi sawmdâwlna tlin bâk chu sunzawm dingin thi huoma thâtak suoin, Krista sinthawna leiin thi vângin a lo um ta si a.

PHILIPPI 4:18

Nisienlakhawm, iengkim ka nei a, ka hau a nih: Epaphrodita kuta in iengkhat hung inphurhai kha ka lo hmu a, ka phuiinsui tah. Chuongchu thil riminhnik rim, inthâwina dawn tlâk, Pathien lâwm zâwng a nih.

KOLOSSA 1:24

Tuta ka tuorpêkna cheua hin ka lâwm a, Krista rinum tuor bâk chu a taksa leiin ka taksaa hin ka sunzawm pei a nih, a taksa chu kohran hi a nih.

1 THESSALONIKA 2:8

Chuong ang bawkin, kan dit zâwng tak in hung ni ta lei khan, kan dit ngawi ngawi cheu a, Pathien Chanchin Ṭha chau ni lovin kan hringna rau khawm pêk cheu kan inhuom kha.

2 TIMOTHE 4:6

Kei chu tu khawm hin inhlânin ka um zing ta si a, ka suok pha a tlung tah.

1 PETER 2:5

ama kuoma chun hungin, nangni khawm lung hringhai angin thlarau tieng ina remin in um, Isu Krista zâra Pathien lâwm zâwng thlarau tieng inthâwina inhlân dinga, thiempu inthienghai in hung nina dingin.

1 JOHAN 3:16

Hitaka hin hmangaina chu ieng am a ni ei hriet, ama chun ei ta dingin a hringna a pêk ta leiin, eini khawmin unauhai ta dingin ei hringna ei pêk ve ding a nih.