PHILIPPI 2:11 - Pathien Lekhabu Inthieng (BSI)

¹¹ Pa Pathien sukropuina dingin, “Isu Krista chu Lal a nih,” tia lei tinrêngin a puongna dingin.

PHILIPPI 2:11 ပူးပေါင်းရင်းမြစ်များ

INPÂKNA HLABU 110:1

Lalpa chun ka Lalpa kuomah, “I hmêlmahai i ke innghatnaa ka siem hmakhat chu, Ka changtieng ṭhung rawh,” a ti a.

INPÂKNA HLABU 18:49

Chuleiin, aw Lalpa, hnam tin lai chun lâwmthu hril ka ti che a, I hming inpâkin hla sak bawk ka tih.

JEREMIA 23:6

Ama dam sûng chun Juda chu sandam nîng a ta, Israel khawm chu himtakin chêng a tih, chun, hi hi hming ama kona ding chu nîng a ta, “Lalpa chu ei felna a nih,” ti hi.

MATTHAI 10:32

“Chuongchun, mihai hmaa a mi ṭan taphawt chu, ka Pa vâna mi hmaah ṭan vêng ka tih.

LUKA 2:11

Vawisûn hin in ta dingin David khuoah Sandamtu a pieng tah, Lal Krista chu.

JOHAN 12:42

Nisienlakhawm, thuneituhai ṭhangsin mi tamtakin Isu an ring ta a; amiruokchu, Pharisaihai leiin an inpuong nawh; chuong naw chun, inkhâwmna in a hnawngin um an tih.

JOHAN 13:13

Nangnîn Inchûktirtu le Lalpa in mi ti hlak; in ti indik hle, ka ni ngei hrim a.

JOHAN 13:14

Kei Lalpa le Inchûktirtu hmanin in ke ka sâwp chun, nangni khawmin in ke in insâwppêk ding a nih.

JOHAN 14:13

Chun, keia hminga iengkhawm in hni taphawt chu, thaw pei ka tih, Pa, Naupa leia chawimawia a um theina dingin.

JOHAN 14:23

Isûn a dawn a, a kuomah, “Mîn a mi hmangai chun ka thu zâwm a ta; ka Pain ama chu hmangai a ta, a kuomah hung kan ta, a kuomah um zing kan tih.

JOHAN 17:1

Chuong thu chu Isûn a hril a; chun vântieng nghain, “Pa, a hun a tlung tah; i Naupa chawimawi rawh, Naupa hin a chawimawina ding chein;

JOHAN 20:28

Thoman a kuomah ,“Ka Lalpa le ka Pathien i nih,” a ta, a dawn a.

JOHAN 5:23

mi po poin Pa an inza angin Naupa khawm an inzana dingin. Tûkhawm Naupa inza naw chu Pa, ama tirtu inza naw a nih.

JOHAN 9:22

Judahai an ṭi leiin a nu le pa chun chuong thu chu an hril a nih; Judahaiin, chu hma khawm chun tûkhawmin “Ama chu Krista a nih,” tia an ṭan chun, inkhâwmna inah hnawng an tih ti hi an remti sa a na.

THILTHAWHAI 10:36

Ama chun thlamuongna Chanchin Ṭha Isu Krista baua hrilin Israel mipuihai kuomah thu ân phur a, (Isu chu mi po po Lal a nih).

THILTHAWHAI 2:36

“Chuongchun, Isu in hemde ngei kha, Pathienin Lal le Krista ni fâwmin a siem tah ti, Israel hnam tinin hre mawl raw hai se,” a ta.

ROM MIHAI KUOMA TIRKO PAULA LEKHATHAWN (THE LETTER OF PAUL TO THE ROMANS) 14:11

“Lalpa chun, ‘Mi tinrêng Ka hmaah kûn an ta, Lei tinrêng khawm Pathien kuomah inpuong an tih,’ Tiin ṭawng kân khâm a nih,” a ti a, ti ziek ang khan.

ROM MIHAI KUOMA TIRKO PAULA LEKHATHAWN (THE LETTER OF PAUL TO THE ROMANS) 14:9

Krista thina le a hung hring nâwkna san chu mi dam le mi thi Lalpa a ni theina hi a ni si a.

ROM MIHAI KUOMA TIRKO PAULA LEKHATHAWN (THE LETTER OF PAUL TO THE ROMANS) 15:9

lunginsietna leia Jentailhaiin Pathien an chawimawi theina dingin; “Chuleiin, Jentailhai lai chun, Inpâk ka ti che a, I hming chawimawina dingin Hla sak ka tih,” tia ziek ang khan,

1 KORINTH 12:3

Chuleiin, tûkhawmin Pathien thlaraua thu hrilin, “Isu chu ṭawngsephur a nih,” an ti ngai nawh; chun, tûkhawmin Thlarau Inthienga chau naw chun, “Isu chu Lalpa a nih,” an ti thei ngai nawh ti kân hriettir cheu.

1 KORINTH 15:47

Mihriem hmasatak chu hnuoia mi pila siem a nih; mihriem pahnina chu vâna mi a nih.

1 KORINTH 8:6

Eini ta ding chun Pathien pakhat chau (Pa chu) a um a, ama kuoma inthawkin tinrêng a suok a, eini khawm ama ta dinga um ei nih; Lalpa pakhat chau (Isu Krista chu) a um bawk a, ama leiin iengkim a um a, eini khawm ama lei bawka um ei nih.

1 PETER 1:21

ama leiin mithi laia inthawka a keithotu le a ropuina petu Pathien ringtuhai in na, in ringna le in beiseina chu Pathiena a um theina dingin.

1 JOHAN 4:15

Tûkhawm, “Isu hi Pathien Naupa a nih,” tia ṭan taphawt chu, amaa chun Pathien a um zing a, ama khawm chu Pathienah a um zing bawk a nih.

1 JOHAN 4:2

Hi hin Pathien Thlarau chu hrieng in tih; thlarau iengkhawm Isu Krista tisaah a hung inchang ti ṭan chu Pathiena inthawk a nih; thlarau iengkhawm Isu ṭan naw chu Pathiena inthawk a ni nawh.

2 JOHAN 1:7

Hlêmtu tamtak Isu Krista chu tisain a hung ti ṭan nawtuhai kha khawvêla hin an hung suok ta si a. Chuong ang mi chu an nih, hlêmtu le Krista kaltu chu.

THUPUONGSUO 3:5

A hnetu taphawt chu chuong ang chun puon vârhai insiltir nîng a tih; chun, Hringna Bua inthawkin a hming chu thai hmang naw tawp ka tih, ka Pa hmaa le vântirkohai hmaa chun a hming chu ṭan lem ka tih.