PHILIPPI 1:20 - Pathien Lekhabu Inthieng (BSI)

²⁰ Ka beiseina le ka înhâwkna ang peiin ienga khawm sukmuolphoin um naw ningah a, huoitakin, ka um pângngai ang rawpin, tu khawm hin, hringna leiin amanih, thina leiin amanih, ka taksaa hin Krista chu chawimawiin a um ding a nih.

PHILIPPI 1:20 ပူးပေါင်းရင်းမြစ်များ

INPÂKNA HLABU 119:116

Ka hring theina dingin i thu ang peiin mi chel zing la, Ka beisei chunga hin inzakin mîn umtir naw rawh.

INPÂKNA HLABU 119:80

Ka muolpho nawna dingin, Ka lungril hi i thuruothaia chun ṭha famkimin um raw se.

INPÂKNA HLABU 25:2

Aw ka Pathien, nang ka ring che a, Muolphoin mîn umtir naw la, A mi dotuhai mi ngam ding chu phal naw rawh.

INPÂKNA HLABU 62:5

Ka hringna, Pathien chau nghâk rawh; Ka beiseina hi ama kuoma inthawka suok a ni si a.

THUVARHAI 10:28

Mi fel beiseina chu lâwmna nîng a ta, Mi khawhlo beiseina ruok chu bohmang a tih.

THUVARHAI 23:18

Matheilovin chutaka chun lâwmman a um a, I beiseina chu thlâwn dêr naw nih.

ISAI 45:17

Israelhai ruok chu kumkhaw sandamnaah, Lalpa sandamin um an tih: chatuon chen khawmin muolphoin inzak naw ti niu.

ISAI 50:7

Lalpa Pathien chun a mi ṭhangpui ding a ni si a; chuleiin, kân zak ngai naw a; chuleiin, meitâwklung ang tlatin ka ngha hlak, muolpho naw ning ti ka hriet.

ISAI 54:4

Ṭi naw, i muolpho âwm si naw a; beidawng bawk naw, muolphoin i um âwm bawk si naw a, i tleirâwl lai muolphona chu i theinghil tain, i hmeithaina hmingsietna khawm chu i hriet zing ta âwm si naw a.

JOHAN 21:19

Chuong thu chu ienganga thiin am Pathien a chawimawi ding ti inhriettirna dingin a hril a nih. Chun, chu chu a hril zoin a kuomah, “Mi zui rawh,” a ta.

THILTHAWHAI 20:24

Nisienlakhawm, kân tlânsiekna lam ka hmabâk suo ding le, Pathien lunginsietzie Chanchin Ṭha inhriettir ding, Lalpa Isua inthawka kha rawngbâwl sin ka hmu kha, thaw zo phawt lang chu, ka hringna khawm thlâkhlâ tlâkah ka ruot nawh.

THILTHAWHAI 21:13

Paula chun a dawn a, “Iem a ta, in ṭap in ṭap a, ka thla in suksie ie! Lalpa Isu hming lei chun Jerusalema khuop chau ni lovin, thi khawm ka huom in sawnnaw,” a ta.

THILTHAWHAI 4:31

Chun, an ṭawngṭai zo chun an umna in chu a hung inhnîng a, an rêngin Thlarau Inthiengin an hung sip a, huoitakin Pathien thu an hril ta a.

ROM MIHAI KUOMA TIRKO PAULA LEKHATHAWN (THE LETTER OF PAUL TO THE ROMANS) 12:1

Chuongchun, unauhai, Pathien lunginsietna lei hin inthâwina hring le inthieng le Pathien ilâwmtlâk ni dingin, in taksa chu inhlân dingin ka ngên cheu a nih; chu chu in rawngbâwlna âwm hrim a nih.

ROM MIHAI KUOMA TIRKO PAULA LEKHATHAWN (THE LETTER OF PAUL TO THE ROMANS) 5:5

Chun, Thlarau Inthieng ei kuoma a mi pêk khan Pathien hmangaina chu ei lungrilah a hung buok ta leiin beiseina chun a mi sukbeidawng naw a.

ROM MIHAI KUOMA TIRKO PAULA LEKHATHAWN (THE LETTER OF PAUL TO THE ROMANS) 6:13

In taksa pênghai khawm fel nawna hriemhrei dingin suolna kuomah pe phal bawk naw ro; nisienlakhawm, mithi laia inthawka hring nâwk angin Pathien kuomah inpe unla, in taksa pênghai khawm chu felna hriemhrei dingin Pathien kuomah pe phal lem ro.

ROM MIHAI KUOMA TIRKO PAULA LEKHATHAWN (THE LETTER OF PAUL TO THE ROMANS) 6:19

(In taksa hrât nawna leiin mihriem dânin thu ka hril a nih). In taksa pênghai chu inthieng nawna kuoma le bawsietna dinga bawsieta kuomah suoka in pêk phal ang khan, tuhin in taksa pênghai chu inthiengna dingin felna kuomah suok dingin pe phal ro.

ROM MIHAI KUOMA TIRKO PAULA LEKHATHAWN (THE LETTER OF PAUL TO THE ROMANS) 8:19

Thilsiemhai chun beiseitakin Pathien nauhai hung inlangna chu an nghâkhla hle si a.

ROM MIHAI KUOMA TIRKO PAULA LEKHATHAWN (THE LETTER OF PAUL TO THE ROMANS) 9:33

“Ngai ta, Ziona chun Tlûkna lung le, Dangna lungpui ka sie a; Tûkhawm ama ring taphawt chu Muolpho naw ni,” tia ziek ang khan.

1 KORINTH 15:31

Unauhai, ei Lalpa Isu Kristaa ka suongna cheu chu sâlin, “Ni tinin ka thi hlak,” ka ti a nih.

1 KORINTH 6:20

mana inchâwk in ni tah in sawnnaw; chuleiin, in taksaa chun Pathien chawimawi ro.

1 KORINTH 7:34

Chun, pasal nei le nunghâk inthieng chu an inang bawk naw a; pasal neinaw chun a taksa le a thlaraua inthiengtaka a um theina dingin Lalpa tieng thil chu a lungkham hlak a, pasal nei ruok chun a pasal suklâwm dân ding ngaituoin khawvêl tieng thil a lungkham lem hlak.

2 KORINTH 10:8

Kan thuneina (Nangni ṭhiekna ding ni lova nangni siem ṭhatna dinga Lalpain a mi pêk hi), suong nasa nâwk zuol lang khawm ka muolpho âwm si naw a,

2 KORINTH 3:12

Chuongchun, chuong ang beiseina chu kan nei leiin iengkim kan hril suok hlak a nih;

2 KORINTH 4:10

Kan taksaa hin kumkhuoin Isu thina chu kan put pei hlak a, Isu hringna khawm kan taksaa hin ân lang theina dingin.

2 KORINTH 5:15

Chun, a hringhai chu anni ta dinga hring ni ta lova, an thi aia thia thonâwk ta ding chun an hring ta lemna dingin a nih, mi po po aia a thi chu.

2 KORINTH 7:14

A kuomah ieng kawnga khawm nangni suong lang cheu khawm, ka muolpho si naw a; muolpho nêk hmanin iengkim in kuoma thu taktaka kan hril hlak ang kha, Tita hmaa kan suong chu thu taktak a hung ni ta ngei a.

2 KORINTH 7:4

Nangni tienga chu ka ṭawng ngamzie hi a nasa a, ka suongzie cheu hi a nasa a nih; thlamuongnain ka sip a, kan rinumna po poa chun hlimin ka sip liem a nih.

PHILIPPI 1:14

Lalpaa unau tam lemhai khawm chun ka kawl bunnahai leia lo awi tlatin, ṭi lovin Pathien thu hril kawngah an huoi nasa zuol a nih.

PHILIPPI 2:17

Anih, in ringna inthâwina le rawngbâwlna chunga chun bunthlâka um ding ni lang khawm ka lâwm a nih, in rêngin ka lâwmpui bawk cheu a nih.

KOLOSSA 1:24

Tuta ka tuorpêkna cheua hin ka lâwm a, Krista rinum tuor bâk chu a taksa leiin ka taksaa hin ka sunzawm pei a nih, a taksa chu kohran hi a nih.

1 THESSALONIKA 5:23

Chun, inremna Pathien ngei chun, in pumin sukthieng raw se cheu; chun, in thlarau le, in lungril le in taksa chu ei Lalpa Isu Krista a hung pha chun, sawisêlboa a puma humhimin um raw se.

1 PETER 4:16

Amiruokchu, kristien a ni leiin tuor sienla, inzak naw raw se; chu hming lei chun Pathien chawimawi lem raw se.

1 JOHAN 2:28

Chuongchun, nauhai, amaah um zing ro; chuongchun, ama chu hung inlâr sien khawm, a hungin a hmaah inzak lovin huoitakin um thei ei tih.