PHILIPPI 1:13 - Pathien Lekhabu Inthieng (BSI)

¹³ Chuongchun, ka kawl bunnahai hi Praitorian sipai pâwl po po lai le mi dang po po kuoma chun Krista lei a nih ti ân lang suok tah.

PHILIPPI 1:13 ပူးပေါင်းရင်းမြစ်များ

THILTHAWHAI 26:29

Paula chun, “Sâwt sienla, sâwt naw sienla, nang chau ka ti naw a, vawisûna ka thu hretuhai po po khawm hi, keia ang bawka um dingin Pathien kuomah ka hni a nih, kawlhai ruok hi chu bun ve lovin,” a ta.

THILTHAWHAI 26:31

chun, a tumin an fe a, an inbiek a, “Hi mipa hin thina le kawl bunna khawp rau iengkhawm thil a lo thaw luo naw hi,” an ta.

THILTHAWHAI 28:17

Chun, ni thum chenah Paula chun Judahai hotuhai deu deu a ko khâwm a; chun, an hung inkhâwmin, an kuomah, “Unauhai, mi po po le ei thlatuhai dân chungah iengkhawm ka thaw naw khawmin Jerusalema inthawkin Roma mihai kuomah an mîn tângtir a nih.

THILTHAWHAI 28:20

Chuong kawnga chun nangni inhmupui ding cheuin le inbiekpui ding cheuin ka ko cheu a nih; Israelhai beisei kân ṭâwmpui leia hi khaidiet hi bun ka ni si a,” a ta.

THILTHAWHAI 28:30

Chun, Paula chu kum hni pumhlûm ama in hawah a um a, a kuoma lût taphawt a lâwm hlak a,

EPHESI 3:1

Chuleichun, kei Paula, nangni Jentailhai leia Krista Isu mi intâng hin.

EPHESI 4:1

Chuongchun, kei Lalpaa mi intâng hin ka ngên cheu, a kona cheu chu phua um dingin,

EPHESI 6:20

chu kawnga chun ka thu hril ding ang chu huoitaka ka hril theina dingin. Chu Chanchin Ṭha palai khaidiet bun ka nih.

PHILIPPI 1:30

indona keimaa in hmu hlak, tu khawm hin keimaa a um ti in ihriet, chu ngei chu in nei ve ta hi.

PHILIPPI 1:7

Nangni po po tienga chuong ang lungril put chu keia ta ding chun a âwm hrim a nih, lungrila ka vawn cheu leiin; ka kawl bunnahai, Chanchin Ṭha thiemna thu ka hrilna le ka sukdetnahaia khawm in rêngin lunginsietna chu a mîn ṭâwmpuituhai in ni si a.

PHILIPPI 4:22

Mi inthieng po poin chibai an bûk cheu a; abîktakin Kaisar sûnghai laia mihai hin an bûk cheu a nih.

2 TIMOTHE 2:9

Chu Chanchin Ṭha lei chun thil suksuoltu angin khuop hiel khawpin rinumhai ka tuor hlak a nih; nisienlakhawm, Pathien thu chu khuopin a um si nawh.