OBADIA 1:7 - Pathien Lekhabu Inthieng (BSI)

⁷ I tienga ṭhanghai po poin ramri hiel an hung intlun che a, mi inremtaka i umpuihai khan an hlêm che a, an hne ta che a nih; i bei fatuhai khan i hnuoiah châng an kam a: Amaa chun hrietthiemna hrim a um naw a nih.

OBADIA 1:7 ပူးပေါင်းရင်းမြစ်များ

INPÂKNA HLABU 41:10

Nisienlakhawm, aw Lalpa, nangin mi lunginsiet la, Anni chu ka thung theina dingin mi keitho nâwk rawh.

INPÂKNA HLABU 41:9

Anih, ka ruol pâwlngei, ka ringtak, ka bei fâkpui ngei chun, A kekhawng chu ka chungah ân let ta a.

ISAI 27:11

A kauhai chu a vuoi pha chun thliekin um a ta, nuhmeihai hung an ta, raw el an tih; hriet theina hrim hrim nei naw mihai an ni si a; chuleiin, anni siemtu chun anni chu lunginsiet naw ni a, anni inngîrtu chun anni chu a ditin ditsak hrim hrim bawk naw nih.

JEREMIA 20:10

Sîr tina ṭium le, mi tamtakhai hrilsietna chu ka hriet a. Ka ruol, hmêlhriettakhai, ka tlûk nghâktuhai chun, “Hril se ro, ama chu hrilsieng ei ta, ama chu ailâkin um a ta, ama chu hnêng ei ta, ama chunga chun ei phuba chu lâng ei tih,” an ti a.

JEREMIA 30:14

Nangma hmangaituhai po po che hlaka an theinghil che a; an zawng ta naw che a: mi rilo hremna le hmêlma inhliemna chun kân hliem si che a, i suolnahai an pung pei lei chun i khawhlona chu a nasa hle si a.

JEREMIA 38:22

Ngai ta, Juda ram lal ina nuhmei mâksana umhai po po kha Babulon lal rorêltuhai kuoma hung ṭhuoi suok nîng an ta; chuong nuhmeihai chun, ‘I ruol hmêlhriettakhai chun an hlêm che a, an hne ta che a ni hi; tuhin i kehai chu chirhaka chun a tluma, an hnungkîr nâwk a ni ta hi,’ tîng an ta.

JEREMIA 4:30

Chun, nang suksieta um, ieng am thâwng i ta? Sen inlârin inthuom la khawm, rângkachak thuomhnawhaiin inchei la khawm, i mithai khawm chu rawnga nâlin suklien la khawm; nang le nang în sukhmêlṭha thlâwn el nîng a tih; i hmangaihai chun an hnâwl che a, i hringna lâk an tum a nih.

JEREMIA 49:7

Edom chungthu, Sipaihai Lalpa chun hieng hin a tih: “Temana chun varna a um ta naw a ni maw? Mi vara inthawka thurâwn an bohmang ta a ni maw? An varna chu a bohmang a ni ta maw?

ṬAP HLA 1:19

Ka hmangaituhai chu ka hei ko a, nisienlakhawm, an mi hlêm a, Ka thiempuhai le ka upahai chu khawpuia chun an bohmang ta a, An hringnahai sukhrât dinga bu an zawng lai chun.

HOSEA 13:13

Nuhmei nauha invawi lungngaina ang chu a chungah hung tlung a tih, Ama chu naupa varna nei lo a nih, A huntakah nau hung suokna hmunah a um si nawh.

HOSEA 7:11

Ephraim chu vaṭhu inhai, hrietthiemna nei lo ang a lo na, Aigupta tieng an ko vak a, Assuria tienga chun an fe vak a;

JOHAN 13:18

In rênga thu ka hril nawh; ka ithlang hai chu ka hriet, nisienlakhawm, chu chu, ‘Ka bei fatu chun, A kekhawng chu ka chungah ân let tah,’ ti Pathien Lekha Thu kha a hung tlung theina dingin a nih.