OBADIA 1:20 - Pathien Lekhabu Inthieng (BSI)

²⁰ Benjamin chun Gilead ram chang a tih. Kanaan mihai laia hi Israel thla sal intâng mipuihai hin Phoiniki ram Zarephath chenin, chang an tih; Sepharad rama Jerusalem khaw mihai sal intâng chun Simtieng khawpuihai chu chang an tih.

OBADIA 1:20 ပူးပေါင်းရင်းမြစ်များ

JEREMIA 13:19

Sim ram khawpuihai chu khârin an um ta a, a hawng ding tukhawm an um nawh; Juda chu a rêngin sala ṭhuoiin a um a: a rêng a ramin sala ṭhuoiin a um a nih,” tiin.

JEREMIA 3:18

Chuong nihaia chun Juda sûngkuo chu Israel sûngkuo le chun intlawn an ta, hmâr tieng rama inthawk chun hung suok hmunkhat an ta, in thlatuhai kuoma rochan dinga ka pêk rama chun hung an tih.

JEREMIA 32:44

Mihaiin lohai chu tangka sumin inchâwng an ta, thuziek chu ziek det an ta, châr an tih, hrietpuituhai ko an ta, Benjamin rama dâm, Jerusalem vêla hmunahai dâm, tlângram khawpuiahai dâm, phairuoma khawpuihaia dâm, Sima khawpuiahai dâm chun: an sal intângnaa inthawkin kân kîrtir ding a ni si a, Lalpa chun a tih” tiin.

JEREMIA 33:13

Tlângrama khawpuiahai le, phairuoma khawpuiahai le, Sima khawpuiahai le, Benjamin rama khawpuiahai le, Jerusalem vêl hmunhaia le, Juda khawpuiahai chun berâm ruolhai chu anni tiemtu kut hnuoiah la tla nâwk an tih, Lalpa chun a tih:

JEREMIA 33:26

Abraham hai, Isak hai, Jakob hai thlahai chunga rorêltuhai ding ka lâk nawna dingin, ka siehlaw David le Jakob thla chu peihâwn vêng ka tih; an sal intângna chu kân kîrtir ding a na, an chunga chun zângaina ka nei ding a ni si a”tiin.

EZEKIEL 36:12

Anih, in chunga chun mihai inlâwntir ka ta, ka mi Israelhai ngei chun nei an ti che a, nang chu an rochan hung nîng i tih; chuongchun, chu chena inthawk chu an thlahai chu thisanin inumtir ta naw ti ni.

LUKA 4:26

nisienlakhawm, anni laia tukhawm kuomah Elija tir a ni naw a, Sidon ram tienga Sarepta, nuhmei pakhat hmeithai kuoma chau tir a ni lem kha.