OBADIA 1:10 - Pathien Lekhabu Inthieng (BSI)

¹⁰ I unaupa Jakob chunga inpâwngnêkna leiin inzaknain inkhum a ti che a, kumkhuoa sukbohmangin um i tih.

OBADIA 1:10 ပူးပေါင်းရင်းမြစ်များ

INṬANNA 27:11

Jakob chun a nu Rebeka kuoma chun, “Ngai ta, ka u Esau chu mi inhmultak a ni a, kei ruok chu mi innâmtak ka ni si a.

INṬANNA 27:41

Chun, a pain mal a sâwmna lei chun Esau chun Jakob chu a theida ta a. Esau chun a lungrilin, “Ka pa sûn ni ding chu a hnai ta a, chu pha chun ka sang Jakob chu that el ka tih,” a ti a.

2 CHANCHIN SUINA 28:17

Edom mihai chu an hung nâwk a, Juda ram chu an hung rûn a, salah an ṭhuoi tâwl si a.

INPÂKNA HLABU 109:29

A mi dotuhai chu inzakna puon insiltirin um hai sienla, Zakuoa intuom angin, anni muolphona chun intuom raw se.

INPÂKNA HLABU 132:18

Ama dotuhai chu muolphonain inthuom ka ta, Ama chunga ruok chun a lallukhum chu tle sur a tih,” tiin.

INPÂKNA HLABU 137:7

Aw Lalpa, Jerusalem ni chu Edom thlahai chungah a se tiengin hre zing rawh: “A lungphûm chen khawmin, Sukchim ro, sukchim ro,” tituhai kha.

INPÂKNA HLABU 69:7

Nangma leia hrilsiet ka tuor leiin. Inzaknain ka hmai ân khum zo tah.

INPÂKNA HLABU 89:45

A tlangvâl lai nihai chu i suktâwipêk a, Ama chu muolphonain în khum ta si a.

THUVARHAI 10:6

Mi fel lu chunga chun malsâwmnahai a um a, Mi khawhlo bau ruok chu nunsietnain ân khum.

THUVARHAI 17:5

Tukhawm mi pasie nuisan chun a siemtu a hmusit a nih. Vângduoina diriemtu chu hrem lo ni naw nih.

JEREMIA 12:14

Ka tuolbâwm rilohai po po, ka mi Israelhai hluo dinga ka ti lo tâwksetu chunga chun Lalpa chun hieng hin a tih: Ngai ta u, an rama inthawk chun anni chu hmalthlâng ka ta, anni laia inthawk chun Juda sûngkuo chu hmalthlâng ka tih.

JEREMIA 3:25

inzakin zâl ei tiu khai, ei muolphona chun mîn khum raw se; Lalpa ei Pathien chunga chun thil ei lo suksuol ta si a; ei tleirâwl laia inthawk tah vawisûn chen hin eini ni leh, ei thlatuhai ni leh; chuongchun, Lalpa ei Pathien râwl chu ei lo awi ta naw a nih.

JEREMIA 49:13

Keima insâlin kân khâm ta si a, Lalpa chun a tih: Bozra chu makti ding el nîng a ta, thusekawk, suksieta um, ṭawngsephur nîng a tih; chun, chutaka khawpuihai po po chu kumkhuoa sie ni bawk an tih.

JEREMIA 51:51

Kâwkna chu ei hriet tâk leiin ei inzak a, buoinahai chun ei hmaihai khawm an inkhum ta a, Lalpa ina hmun inthienga chun mikhuolhai chu an hung lût ta si a.

ṬAP HLA 4:21

Uz rama um, nang aw Edom naunu, hlimin lâwm rawh; Nanga kuoma khawm no chu hung tlung a ta; inrui i ta; chun, nang chu ruokin insiem i tih.

ṬAP HLA 4:22

Aw Zion naunu, i suolna hremna chu a famkim ta a nih; Sal ninaa chun hrên zing ta naw ni che a, Aw Edom naunu, i rîtlona chu hung hrem a ta; I suolnahai chu hmusuok a tih.

EZEKIEL 35:9

Kumkhuoa râusanah siem ka ta, i khawpuihai chu hluo ni nâwk ta ngai naw nih; chun, Lalpa chu ka nih ti mi hre tâng i tih.

EZEKIEL 7:18

Saiip puonhaiin inchei an ta, ṭitnain anni chu inkhum a tih; an hmaihai chunga chun inzakna um a ta, an luhai po po chunga chun lukâwkna um a tih.

JOEL 3:19

Juda nauhai chunga nunsetaka thawa, an ramah mi thiem thisen an insuo leiin Aigupta ram chu bo a ta, Edom ram chu thlalêr ram ṭâwl nîng a tih.

AMOS 1:11

Lalpain hieng ang hin a tih, “Edom bawsietna pathum leiin, anih, pali leiin, a hremna sukbo naw ning; a unau chu kâwlhnâm leh a hnawt a, a lunginsietna po po a peihâwn vawng a, a lunginsenna chu ân puokdartir rawp hlak a, kumkhuoin a lunginsenna chu a vawng zing leiin;

MIKA 7:10

Chuongchun, ka hmêlma ka kuoma, “Khâwlai am Lalpa i Pathien?” titu chun hmûng a ta, muolphonain ama chu inkhum a tih. Ka mithai hin ama chu en a ta; tuhin chu kawthlêr chirhak anga sirde ni tâng a tih.

DÂN PAHNINA 23:7

“Edom mihai chu in thîm ding a ni nawh, in unauhai an ni si a; Aigupta mihai chu in thîm ding a ni nawh, an rama chun in va mikhuol ta leiin.

DÂN PAHNINA 23:8

An thlahai chu suon thumnaa inthawkin Lalpa mihai pungkhâwmhai laia chun an ṭhang ding a nih.