NEHEMIA 9:38 - Pathien Lekhabu Inthieng (BSI)

³⁸ Chuong po po lei chun thu dettak kan thlung a, kan ziek a, kan mi lienhai, kan Levi mihai le kan thiempuhaiin an namdetpui a.

NEHEMIA 9:38 ပူးပေါင်းရင်းမြစ်များ

2 LALHAI 23:3

Chun, lal chu ban hrûlah a ngîr a, chu lekhabua chuong thuthlung thu chu sukdet dingin lungril po po le thlarau po poa Lalpa zui ding le a thupêkhai, a thu inhriettirhai, a thuruothai pawm dingin Lalpa hmaa chun thu a thlung a;

2 CHANCHIN SUINA 23:16

Chun, Jehoiada chun ama le mipuihai po po le, lal inkâra chun Lalpa mihai chu an ni ding a nih, tiin thuthlung a siem ta a.

2 CHANCHIN SUINA 29:10

Tuhin, einia inthawka a lunginsenna ṭiumtak chu lâk hmang a ni theina dingin Israel Pathien Lalpa le chun thuthlung siem ka lungril a nih.

2 CHANCHIN SUINA 34:31

Chun, lal chu a hmuna chun a ngîr a, Lalpa chu zui a, a thupêkhai, a thuinhriettirhai, a thuruothai chu a lungril po po le a lungvar po poa zâwm a, lekhabua thuthlung thu zieka umhai po po chu thaw dingin Lalpa hmaa chun thuthlung a siem ta a.

EZRA 10:3

Chuleiin, tuhin, chuong nuhmeihai po po chu ma ding le, annia inthawka pieng taphawt chu sie hmang dingin, Lalpa le ei Pathien thupêka inthintuhai rorêl ang peiin, ei Pathien leh thuthlung siem ei tiu; chuongchun, dân ang taka thaw ni raw se.

NEHEMIA 10:1

Chuongchun, a mi namdetpuituhai chu Hakalia naupa, ram awptu Nehemia le Zedekia,

NEHEMIA 10:29

an unauhai, an mi lienhai chu an chel tlat a, ṭawngsephur dinga inkhâm rauin thu an tiem a; Pathien siehlaw Mosie pêk Pathien Dân zâwm dinga Lalpa ei Lalpa thupêkhai po po le a rorêlnahai le a thuruothai chu zâwm ve vawng a;

ISAI 44:5

Mi pakhatin Lalpa ta ka nih tîng a ta, mi dangin Jakob hming inbûk a ta; mi dangin a kutah, Lalpa ta tiha ziekin, Israel hming chu a chi hmingah hmang a tih,” tiin.

MATTHAI 27:66

Chuongchun, vêngtu sipaihai leh an fe a, thlân chu an invêng ṭhattir a, lung chu an inchik a.