NEHEMIA 6:10 - Pathien Lekhabu Inthieng (BSI)

¹⁰ Chu hnunga chun Mehetabel nau Delaia naupa Semaia, insuktumpa ina chun ka fe a; ama chun, “Pathien inah, biekin sûng ngeiah inhmûng ei ti khai; biekin kawtkhârhai chu khâr tlat ei ta; nangma that ding chein an hung ding a nih, zânah a nih that ding chea an hung nghe nghe ding chu,” a lo ti a.

NEHEMIA 6:10 ပူးပေါင်းရင်းမြစ်များ

INṬANNA 36:39

Akbor naupa Baal-hanan chu a thi a, Hadar chun a aiin ân lal a; a khawpui hming chu Pau a nih; a nuhmei hming chu Mezahab naunu Matred naunu Mehetabel a nih.

1 LALHAI 6:5

Chun, in bang vêlin, biekna in bang vêla khawm, biekna hmun inthieng bang vêla khawm chun, chu in bang sik chun in sâwng nei a bâwl a; chun, a vêl el chun pindanhai a siem a;

2 LALHAI 11:3

Chun, ama chu amanu le chun Lalpa inah kum ruk an inbihmang a, chuongchun, Athalia chun chu rama chun ro a rêl ta a.

2 LALHAI 9:8

Ahab sûnghai po po chu bohmang vawng an ta; Ahaba inthawk hin naupasal taphawt chu Israel rama mi khuokhir amanih, khuokhir naw amanih khawm ka sukbohmang ding a nih.

2 CHANCHIN SUINA 28:24

Chun, Ahaz chun Pathien ina bûr le bêlhai chu a lâk khâwm a, Pathien ina bûr le bêlhai chu a vuoknawi vawng a;Lalpa in kawtkhârhai chu a khâr vawng ta a; chun, Jerusalem kil tina chun ama ta dingin maichâm a siem a.

2 CHANCHIN SUINA 29:3

A rorêl a kum khatna, a thla khatnaa chun Lalpa in chu kawtkhârhai a hawng a, a siem ṭha ta a.

2 CHANCHIN SUINA 29:7

Chun, tuolpûk kawtkhârhai chu an khâr a, khâwnvarhai chu an herhlum ta a, riminhnik khawm an raw ta naw a, Israel Pathien kuoma chun hmun inthiengah pumrawhmang thilinhlânhai khawm chu an inhlân ta bawk naw a.

EZRA 10:31

Harim naupasalhai chu: Eliezer, Issija, Malkija, Semaia, Simeon,

EZRA 8:16

Chuongchun, Eliezer, Ariel, Semaia, Elnathan, Jarib, Elnathan, Nathan, Zekaria, Mesullam hai mi lutakhai chu kân cha a, Joiarib le Elnathan inchûktirtuhai chu kân cha sa bawk a.

NEHEMIA 6:12

Chun, ka hang hriet dawk a, Pathien tir a lo ni dêr da el a; keima mi dodâlin chuong thu chu a hril a lo ni lem a, Tobia le Sanballatin an ruoi a lo ni zing a.

INPÂKNA HLABU 12:2

Mi tin chun an vênghai kuomah thu teplo mei mei an hril hlak si a; Mi inpâk tehlêmna hmûr le, hlêmna lungril putin thu an hril hlak a;

INPÂKNA HLABU 37:12

Mi rilo chun mi fel a phierrûk a, A ha a râwt khum hlak.

THUVARHAI 11:9

Pathien ngaisak naw mi chun a bauin a tuolbâwm chu a suksiet a, Mi fel ruok chu hrietna leia sanhim a nih.

JEREMIA 36:5

Jeremia chun Baruk chu thu a pêk a, “Kei chu khum ka na, Lalpa ina chun ka fe thei naw a;

EZEKIEL 3:24

Chun, thlarau chu keimaa chun a hung lût a, ka kehai chun a mîn ngîrtir ta a; chun, a mîn biekpui a, ka kuomah, “Fe la, i inah inkhâr khum rawh.

MALAKI 1:10

Nangni laia mi pakhat bêk, ka maichâma a thlâwna mei a sêm nawna dinga kawtkhârhai khâr hlak chu um unla chu aw! sipaihai Lalpa chun a tih, nangnia hin lâwmna hrim ka nei naw a nih; in kuta thilinhlân hrim hrim khawm lâwm naw ningah.

MATTHAI 7:15

“Zâwlnei tehlêmhai lai chun fîmkhur ro; chuonghai chu berâm vun silin in kuomah an hung hlak a; an sûng tienga ruok chu satene hnukinrâwltakhai an ni si a.

JOHAN 3:20

Tûkhawm thil suksuol taphawt chun var an theida hlak, vara khawm an hung nawh, chuong naw chun, an thilthawhai inlang a tih.

THILTHAWHAI 21:30

A khuo chun an inlap ta mer mur a, mihai chu an tlân khâwm a. Paula an man a, Pathien biekina inthawk chun an kei dawk a, kawthai chu an khâr nghâl ta a.