NEHEMIA 5:13 - Pathien Lekhabu Inthieng (BSI)

¹³ Ka dierkei chu ka thin a, “Hi thutiem anga thaw naw taphawt chu Pathien chun a ina inthawk le a sinthawa inthawkin hieng ang hin thinthla raw se; hieng anga thin thlâkin um sienla, sukruokin um raw se,” ka ti a. Chun, a pungkhâwmhai po po chun, “Amen,” an ti a, Lalpa an inpâk a. Chun, mipuihai chun chu thutiem ang chun an thaw ta a.

NEHEMIA 5:13 ပူးပေါင်းရင်းမြစ်များ

2 LALHAI 23:3

Chun, lal chu ban hrûlah a ngîr a, chu lekhabua chuong thuthlung thu chu sukdet dingin lungril po po le thlarau po poa Lalpa zui ding le a thupêkhai, a thu inhriettirhai, a thuruothai pawm dingin Lalpa hmaa chun thu a thlung a;

1 CHANCHIN SUINA 16:36

Lalpa Israelhai Pathien chu inpâkin um raw se. Chatuona inthawka chatuon chenin. Chun, mipui po po chun, “Amen,” an lo tih a, Lalpa an inpâk ta a.

NEHEMIA 8:6

chuongchun, Ezra chun Lalpa Pathien ropuitak chu ân pâk a; chun, mipui po po chun an bân pharin, “Amen, Amen,” tiin an lo dawn a; chun, an kûn a, an hmaia hnuoi sikin Lalpa chu chibai an bûk a.

INPÂKNA HLABU 119:106

I rorêlna feltakhai chu zâwm dingin, Ṭawng kân khâm a, ka sukdet bawk a.

INPÂKNA HLABU 50:14

Pathien kuoma lâwmthu hrilna inthâwina inhlân lem la, I thutiem khawm Achunghnungtak kuomah hlen rawh.

INPÂKNA HLABU 76:11

Thu tiem unla, Lalpa in Pathien kuoma chun hlen ro, A vêla mi po po chun ṭidingpa chu lâwmmanhai hung chawipêk raw hai se.

THUVARHAI 28:4

Dân mâksantuhai chun mi rilo chu an inpâk a, Dân vawngtuhai chu anni leh an inkhing.

THUHRILTU 5:5

În khâma i hlen si naw nêk chun, în khâm naw law law kha a ṭha lem.

NAMBAR 5:22

Ṭawngsie intlungtirtu hi tui hi i rilah lût a ta, i phing sukvûng a ta, i êlpui inkâr sukzûr a tih, tîng a ta; chun, nuhmei chun, Amen, Amen a lo ti ding a nih.

MATTHAI 10:14

Chun, tukhawm lâwm lo cheu a, in thu khawm ngai naw taphawt chu, chu ina inthawka manih, chu khuoa inthawka manih in suok pha chun in kephaa pilvut chu thin thla ro;

THILTHAWHAI 13:51

Chun, anni chun an chungah an kephaa pilvut an thinthlâk a, Ikoniom an tlung ta a.

THILTHAWHAI 18:6

Paulân a puon a thin a, an kuomah, “In thina maw chu nangnîn phur ro, kei chu ka hul a nih, tuta chen chu Jentailhai lai fe tâng ka tih,” a ta.

1 KORINTH 14:16

Chuong naw chun, thlarauin mal sâwmpêk la khawm, a hrenawhai umnaa um chun i lâwmthu hrila chun iengtin am “Amen” ti thei a ta, i thu hril chu hre thei si lovin?

1 SAMUEL 15:28

Chun, Samuel chun a kuomah, “Vawisûna inthawk hin Lalpa chun Israel ram hi a lâkpêk ta che a, i nêka ṭha lem i tuolbâwm a pêk tah a nih.