NAMBAR 9:18 - Pathien Lekhabu Inthieng (BSI)

¹⁸ Lalpa thupêkin Israel mihai chu an fe pei a, Lalpa thupêk bawkin umhmun an khuor hlak a; biekbûk chunga sûm chu a um sûng po umhmun an khuor zing a.

NAMBAR 9:18 ပူးပေါင်းရင်းမြစ်များ

FESUOKNA 17:1

Israel mipui po po chu Lalpa thupêk angin, an inzin dânbi ang peiin, Sin thlalêra inthawk chu an suok ta a, Rephidimah puon in an zar a; nisienlakhawm, chu hmuna chun mipui ta dingin tui dâwn ding a um naw a.

NAMBAR 10:13

Mosie hmanga Lalpa thupêk angin an suok ṭan ta a.

NAMBAR 9:16

Chuong ang chun a um zing a; sûm chun a tuom zing a, zâna chun mei angin ân lâng a.

NAMBAR 9:19

Biekbûk chunga sûm chu sâwttak a um chun Israel mihai chun Lalpa thu chu an zâwm a, an fe ngai nawh.

NAMBAR 9:20

A châng chun sûm chu biekbûk chunga chun sâwt nawtê chau a um hlak a; chuongchun, Lalpa thupêk angin an fe hlak.

1 KORINTH 10:1

Unauhai, hieng hi in hriet naw ka nuom naw ie, khânga ei thlatuhai po po sûm hnuoiah an um vawng a, an rêngin tuipuia khawm an kai vawng a;

2 JOHAN 1:6

Chun, hi hi hmangaina a nih, ama thupêk ang peia ei um hi. Thupêk a tîra inthawka in ihriet ang chu hi hi a nih, hmangainaa chun um ro, ti hi.