NAMBAR 9:13 - Pathien Lekhabu Inthieng (BSI)

¹³ Amiruokchu, thieng si, thanghmangna khawm nei chuong lova Fekân ruoiṭhea ṭhang lo chu a chipuihai laia inthawk sât thlâk nîng a ta; a hunbia Lalpa kuoma thilinhlân chu ân hlân naw leiin ama chun a suol maw chu phur a tih.

NAMBAR 9:13 ပူးပေါင်းရင်းမြစ်များ

INṬANNA 17:14

Chun, pasal ser tan lo, a ser hmawr vun taksaa sertanna um naw chu, chu ngei chu a chipui laia sukbohmang nîng a ta: ama chun ka thuthlung chu a bawsiet a nih,” a ti nâwk a.

FESUOKNA 12:15

Ni sari sûng chu chawl ṭhanglo bei in fâk ding a na, ni khat nia inthawk khawmin in inhaia inthawkin chawl sie hmang vawng in ta; ni khat nia inthawka ni sari ni chen chun mi tukhawmin chawl ṭhang bei a fâk chun, chu mi chu Israel mihaia inthawka tuithlâr a ni ding a ni si a.

FESUOKNA 12:19

Ni sari sûng chu chawl hrim hrim in inhaiah hmu a ni ding a ni nawh: mi tukhawm chawl ṭhang bei fatu chu, mikhuol khawm, a rama pieng khawm, chu mi chu Israel mipuihai laia inthawka tuithlâr nîng a tih.

FESUOKNA 12:47

Israel mipuihai chun hi hi an zâwm tlat ding a nih.

FESUOKNA 30:33

Tukhawm ama angtaka lo chawkpawl amanih, mi narân chunga lo nâl amanih, an um chun, ama chu a mihai laia inthawka tuithlâr nîng a tih,’ tiin,” a ta.

FESUOKNA 30:38

Mi tukhawm mâni hmang dinga chuong anga rim nei siemtu chu a mihai laia inthawka tuithlâr nîng a tih,” tiin.

EZEKIEL 23:49

Chun, in hurna chu in chungah thung an ti cheu a, in milimhai suolna chu phur in ta, chun, Lalpa Pathien chu ka nih ti mi hre tâng in tih,” tiin.

LEVI DÂN 17:10

“Chun, tukhawm Israel sûngkuo laia mi amanih, ram dang mi anni laia khawsa amanih, ieng thisen khawm fa taphawt chu, chu thisen fatu chunga chun ka hmai sukthim ka ta, a chipuihai laia inthawka tuithlârin inumtir ka tih.

LEVI DÂN 17:4

Lalpa riebûk hmaa Lalpa ta dinga thilinhlâna intuokna puon in kawtkhâr bula hung la naw taphawt chu, ama chu thisen insuoa ngai nîng a tih; thisen insuo ngei a na, ama chu a chipuihai laia inthawkin tuithlârin a um ding a nih.

LEVI DÂN 20:20

Mîn a pami nuhmei a zâlpui chun, a pami saruokna hlîm a na, suol maw chu phur an ta, nau boin thîng an tih.

LEVI DÂN 22:9

Chuleiin, ka thupêk chu an pawm ding a nih, chuong naw chun suol maw chu phurin, anni insukpawrchein thi pal rawi an tih: Kei hi Lalpa anni sukthiengtu chu ka nih.

LEVI DÂN 24:15

Chun, Israel mipuihai chu hril la, an kuomah, ‘Tukhawm a Pathien ṭawngsie inphur taphawt chun a suol maw chu phur a tih.

NAMBAR 19:13

Tukhawma tu ruong khawm a thema ân thien naw chun Lalpa biekbûk a sukpawrche a nih; ama chu Israel mihaia inthawka tuithlâr ding a nih; inthienna tui chu a chunga the lo a ni leiin thieng naw a nih, ân thieng nawna chu a chungah a la um a nih.

NAMBAR 19:20

Mi thienglo, inthien lo ruok chun Lalpa hmun inthieng a sukpawrche leiin ama chu pungkhâwmhai laia inthawka tuithlâr ding a nih; inthienna tuia the lo a na, thienglo a nih.

NAMBAR 5:31

Chuongchun, pasal chu rîtlonaa chun fihlîm a ta, nuhmei chun a suolna maw chu phur a tih,’ ti rawh,” tiin.

NAMBAR 9:7

Chuonghai chun a kuomah, “Mithi ruong leiin kan inthieng naw a ni ta a, iengleiin am Israel mihai laia a hunbia Lalpa kuoma thilinhlân kan inhlân ding in mi khap a na?” an ti a.

HEBRAIHAI 12:25

Thu hriltu chu lo dit naw rawi in tih, fimkhur ro. Hnuoia anni kâwk hmasatu kha an dit naw hmana, hremna an pumpel si naw chun, eini vâna inthawka mi kâwktu nghatsantuhai hin pumpel naw nâwkzuol ei tih.

HEBRAIHAI 2:3

hieng ang lâwma sandamna ropui hi inthlathlam inla, iengtin am tlân suok thei hlak ei ta? Chu Sandamna thu chu Lalpa hmanga a tîra hril a ni ta a, a hretuhai chun an mi sukdet pêk pei a.

HEBRAIHAI 6:6

tlûksanhai kawng thu chu chuong mihai chu an simna dingin siem thar nâwk ruol an ni nawh, Pathien Naupa chu anni ta dinga hemde nâwka sukmuolpho an ni leiin.

HEBRAIHAI 9:28

chuong ang bawkin Krista khawm mi tamtakhai suol fepui dinga vawi khat inhlâna um tain, sandamna hmu dinga ama lo nghâktuhai kuoma chun, suol ṭhang lovin vawi hninaah hung inlang nâwk a tih.