NAMBAR 8:12 - Pathien Lekhabu Inthieng (BSI)

¹² Levi mihai chun bâwngchal luahai chun an kut innghat an ta; chun, Levi mihai ta dinga inremna siemna dingin, pakhat chu suol thâwina dingin, pakhat chu pumrawhmang thilinhlâna dingin Lalpa kuomah în hlân ding a nih.

NAMBAR 8:12 ပူးပေါင်းရင်းမြစ်များ

FESUOKNA 29:10

Intuokna puon in tuola chun bâwngchal ṭhuoi i ta, Aron le a naupasalhai chun bâwngchal lu chunga chun an kut innghat an tih.

LEVI DÂN 1:4

Pumrawhmang thilinhlân lu chunga chun a kut innghat a ta; chuongchun, a ta dingin intlanna siemna dingin pawmpêk ning a tih.

LEVI DÂN 14:22

chun, vaṭhu tuok khat amanih, pârvate tuok khat amanih, a nei thei lem lem chu pakhat chu suol inthâwina ding, a dang chu pumrawhmang thilinhlân dingin.

LEVI DÂN 16:11

“Aron chun ama puola suol inthâwina bâwngchal chu lâng a ta, ama le a sûnghai ta dingin intlanna siem a ta; ama puola suol inthâwina bâwngchal chu that a tih.

LEVI DÂN 16:21

Aron chun kêl hring lai lu chunga chun,a kut a khing pahniin innghat a ta, a chunga chun Israel mipuihai rîtlonahai po po, an bawsietnahai po po, a suolna po po chenin insam a ta, chuonghai chu kêl lu chunga chun innghat a ta, mi pakhat a iruotsa khan thlalêr tieng ṭhuoi hmang dai a tih.

LEVI DÂN 16:6

“Chun, Aron chun ama puola suol inthâwina bâwngchal chu inhlân a ta, ama le a sûnghai ta dingin intlanna siem a tih.

LEVI DÂN 4:15

Chun, pungkhâwmhai laia upahai chun Lalpa hmaah bâwng lu chunga chun an kuthai innghat an ta, bâwng chu Lalpa hmaa chun that ding a nih.

LEVI DÂN 4:20

Chuong ang chun bâwng chu thâwng a ta; suol inthâwina bâwng a thaw ang charin hi khawm hi a thaw ding a nih; chun, thiempu chun intlanna siempêk a ta, ngaidam ni tâng an tih.

LEVI DÂN 4:35

A thâu po po chu, berâmte thâu intlanna thilinhlân inthâwinaa mi lâk angin la vawng a ta; chun, thiempu chun Lalpa ta dinga mei hmanga thilinhlân angin maichâmah a râw ding a nih; chun, thiempu chun a thil suksuol ta chungchânga chun intlanna siempêk a ta, ngaidam nîng a tih.

LEVI DÂN 4:4

Bâwng chu intuokna puon in kawtkhâr bulah Lalpa hmaa chun hung kei a ta, a lu chungah a kut innghat a ta, Lalpa hmaah bâwng chu a that ding a nih.

LEVI DÂN 5:7

“A neiin berâmte chu a tlin naw ruok chun, Lalpa kuoma inhlân dingin, a suol thaw ta leia bawsietna inthâwina dingin; vaṭhu pahni amanih, pârvate pahni amanih a hung chawi ding a nih; pakhat chu suol inthâwina dingin, pakhat chu pumrawhmang thilinhlân dingin.

LEVI DÂN 8:14

Chun, suol inthâwina ding bâwngchal chu a hung kei a, Aron le a naupasalhai chun, suol inthâwina ding bâwngchal lu chunga chun an kut an innghat a.

LEVI DÂN 8:15

Mosie chun a that a; thisen chu a lâk a, intlanna siemna dingin, maichâm kihaia chun a kutpârin a vêlin a nâl a, maichâm chu ân hlân thieng a, maichâm bula chun thisen chu a bunthlâk a, a sukthieng ta a.

LEVI DÂN 8:18

Pumrawhmang thilinhlân berâmchal chu a hung inhlân a, Aron le a naupasalhai chun berâmchal lu chunga chun an kut an innghat a.

LEVI DÂN 8:34

Tuta thaw ang hin intlanna siempêk ding cheuin Lalpa chun thaw ding thu a pêk a nih.

LEVI DÂN 9:7

Chun, Mosie chun Aron kuomah, “Maichâm kha hung hnai la, i suol inthâwina dâm, i pumrawhmang thilinhlân dâm inhlân la; nangma ta ding le mipuihai ta dingin intlanna siem rawh; chun, mipuihai thilinhlân chu inhlân la, intlanna siempêk rawh, Lalpain thu a pêk ta angin,” a ti a.

NAMBAR 6:14

Chun, Lalpa ta dinga thilinhlân dingin berâmchal kum khat mi demkailo pumrawhmang thilinhlâna dingin pakhat, suol inthâwina dingin berâmte, a la, kum khat mi demkailo pakhat,

NAMBAR 6:16

Thiempu chun chuong chu Lalpa hmaa chun inhlân a ta, a suol thâwina le pumrawhmang thilinhlân chu inhlân a tih.

NAMBAR 8:13

Levi mihai chu Aron le a naupasalhai hmaa chun inumtir i ta; Lalpa ta dinga a thêna thên thilinhlânah în hlân ding a nih.

NAMBAR 8:8

Bâwngchal tuoi pakhat, a fâkmi thilinhlân, hrieka pawl beiphit inditak leh inlâktir la; suol thâwina dingin bâwngchal tuoi dang pakhat i kei bawk ding a nih.

HEBRAIHAI 9:22

Chun, Dân chun chu iengkim deuthaw hi thisena sukthiengin a um hlak a, thisen insuo naw chun ngaidamna hrim a um nawh.