NAMBAR 6:5 - Pathien Lekhabu Inthieng (BSI)

⁵ Insuktumna thu ân tiem sûng po chun a lu khawm vâw dêr lo ding a nih. Lalpa ta dinga insuktum ni a kim hmakhat chun suktum nîng a ta, a sam khawm a hla ding a nih.

NAMBAR 6:5 ပူးပေါင်းရင်းမြစ်များ

EZEKIEL 44:20

“An luhai chu an vâw kawl ding a ni naw a, an sam chu inṭhang seitir chu an phal bawk ding a ni naw a; an lu chu a ṭhawlin an ṭhawl chau ding a nih.

NAMBAR 6:4

Ân suktum sûng po chun grêp hruia mi a laimu khawm, a hâwng khawm a fâk ding a ni nawh.

THILTHAWHAI 18:18

Chun, chu hnunga chun, Paula chu ni sâwttak a la châm zing a; chu zoa chun, unauhai chu ṭawngbauṭhain a ṭhe a, chutaka inthawk chu Suria ram tieng lawngin a fe ta a, a kuomah Priskilla le Akuila chu an fe ve bawk a; Paulain thutiem a nei leiin Kenkrieiah a lu a vâw zet a.

RORELTUHAI 13:5

ngai ta, inrai i ta, naupasal i nei ding a ni si a, a lua chun bakmêt chem hrim ruoi ni naw ni a, naupang chu sula a um laia inthawkin Pathien ta dinga Nazarit mi a ni ding a ni si a, ama chun Israel mihai hi Philistin mihai kuta inthawk chun sansuok ṭan a tih,” a ti a.

RORELTUHAI 16:17

Chuongchun, a lungril po po chu a hril ta vawng a, a kuomah, “Ka lua hin bakmêt chem hrim ruoi a la ni ngai naw a, ka nu sula ka um laia inthawka Pathien ta dinga Nazarit mia hung um ka ni a, tuhin hung invaw ta lang chu ka hrâtna chu bo vawng el a tih; chuongchun, hung hrât nâwng ka ta, mi dang ang bawk hung ni el ka tih,” a ti a.

RORELTUHAI 16:19

Chun, a mal chungah a in innghiltir a, chun pasal a ko a, a sam phier sari chu ân âttantir ta vawng a, a sawisa ṭan ta a; chuongchun, a hrâtna chu a hung bo vawng el ta a.

1 SAMUEL 1:11

Chun, thu a tiem a, “Aw sipaihai Lalpa, i suoknu tlâwmzie hi i hriet tak meu a, i mi hriet zing a, i suoknu hi i mi theinghil naw a, i suoknu hi naupasal i pêk chun a dam sûng po chu Lalpa pe ve thung ka ta, a lu khawm vâw hrim hrim ni naw ni,” a ta.