NAMBAR 6:20 - Pathien Lekhabu Inthieng (BSI)

²⁰ Hi hi thiempu chanpuol inthieng chu nîng a ta, a thêna thên ir le a mal leh; chu zoa chun Nazarit chun uoin chu dâwn thei tâng a tih.

NAMBAR 6:20 ပူးပေါင်းရင်းမြစ်များ

THUHRILTU 9:7

Fe la, i bei chu hlimin fa la, i uoin chu lungril hlimin dâwn rawh; Pathien chun i sinthawhai chu a pawm ta si a.

ISAI 25:6

Chun, hi tlânga hin sipaihai Lalpa chun mi tinrênghai ta dingin thil thauhaiin ruoi ṭhêng a tih, uoinhai a fe le inchie zing, thil thautakhai thlina sip, uoinhai a fe le inchie zing ṭhataka thlit fai chu.

ISAI 35:10

chun, Lalpa intlanhai chu kîr nâwk an ta, hla sak pumin Zion chu tlung an tih; chatuona lâwmna an lu chungah um tâng a ta, hlimna le lâwmna hmûng an tih, lungngaina le inrûmna chu bo tâng a tih.

LEVI DÂN 10:15

A mal dawm kâng le a ir thên chu Lalpa hmaa a thêna thên thilinhlân dingin mei hmanga thilinhlân thâu leh an hung chawi ding a nih; chu chu nang le i naupasalhai leh kumkhuoa in chanpuol ding nîng a ta, Lalpa thupêk ang khan,” a ta.

LEVI DÂN 23:11

Chun, pawmpêk thei cheu a nina dingin, ama chun buphal chu Lalpa hmaa chun thên a tih; châwlni zînga chun thiempu chun a thên ding a nih.

LEVI DÂN 7:30

ama kuthai ngeiin mei hmanga thil inhlânhai chu Lalpa kuomah a hung chawi ding a na; a thâu chu a âwm pumin a hung lâk ding a nih, a âwm chu Lalpa hmaa thên thilinhlâna thên a ni theina dingin.

LEVI DÂN 7:31

Thiempu chun a thâu chu maichâmah rawng a ta; a âwm ruok chu Aron le a naupasalhai chanpuol ding a nih.

LEVI DÂN 7:32

A mal changtieng chu, i inremna thilinhlânhai inthâwinaa inthawka i thilinhlân dingin thiempu kuoma chun i pêk ding a nih;

LEVI DÂN 7:34

A âwm an ithên le a mal an inhlân hlak chu, Israel mihai an inremna thilinhlân inthâwinahaia inthawkin ka lâkpêk a, Israel mihai kumkhaw thaw dân dingah thiempu Aron le a naupasalhai ka pêk tah a nih.

LEVI DÂN 9:21

A ir le a mal changtieng ruok chu Aron chun Lalpa hmaa thêna thilinhlân dingin a thên a, Mosie thupêk angin.

ZEKARIA 10:7

Chun, Ephraimhai kha chu mi thilthawtheitak ang nîng an ta, uoin leiin an lungril chu hlim a tih; anih, an thlahai chu hmûng an ta, lâwm an tih; an lungril khawm chu Lalpaa chun lâwm bawk a tih.

ZEKARIA 9:15

Sipaihai Lalpa chun anni chu hliekhûng a ta; chun, fa zo an ta, vailungdêngin hnêng an ta; chun, dâwn an ta, uoin inrui angin risie siem an ta, mâichâm kilhai ang le thlêngkûmhai anga suksip nîng an tih.

ZEKARIA 9:17

A ṭhatna chu a va nasa lâwm lâwmin, a mawina chu a va nasa lâwm lâwm de aw! bu chun tlangvâlhai chu sukhlim a ta, uoin thar chun nunghâkhai chu sukhlim a tih.

NAMBAR 18:18

An sa chu i ta nîng a ta, a thêna thên thilinhlân ir le a mal changtieng i ta a ni ang hin.

NAMBAR 5:25

Chun, thiempu chun thîkna thilinhlân chu nuhmei kuta inthawk lâng a ta, Lalpa hmaah fâkmi thilinhlân chu thên a ta; maichâma chun fepui a ta,

NAMBAR 6:21

Hi hi a nih Nazarit thutiem dân le Lalpa hmaa an thilinhlân dân chu, ama nuomthua a înhlân tiem lovin, ân suktumna thutiem izir peiin a thaw ding a nih,’ ti rawh,” tiin.

MATTHAI 26:29

Nisienlakhawm, ka hril cheu hi, ka Pa rama nangni le a thar ka dâwn ni a tlung hmakhat chun tuta inthawkin grêp hrui raa hi dâwn nâwk ta naw ning,” a ta.

MARKA 14:25

Titakzetin ka hril cheu hi, Pathien rama a thar ka dâwn ni a tlung hmâkhat chu, grêp hrui raa hi dâwn nâwk ta naw ning,” a ta.

JOHAN 19:30

Chun, Isûn uoin thûr chu a lo dâwn zo chun, “A kin tah,” a ta. A lu a kûn a, a thlarau ân thla ta a.