NAMBAR 6:19 - Pathien Lekhabu Inthieng (BSI)

¹⁹ Chun, thiempu chun berâmchal dâr suong hmin le bâwma chawl ṭhanglo bei pakhat le chawl ṭhanglo beiphêk inphân pakhat lâng a ta. Nazarit mi chun ân suktumna lu chu a vâw zo chun inchawitir a tih; chun, thiempu chun thêna thilinhlân dingin Lalpa hmaa chun a thên ding a nih.

NAMBAR 6:19 ပူးပေါင်းရင်းမြစ်များ

LEVI DÂN 7:28

Lalpa chun Mosie a biek a,

LEVI DÂN 7:30

ama kuthai ngeiin mei hmanga thil inhlânhai chu Lalpa kuomah a hung chawi ding a na; a thâu chu a âwm pumin a hung lâk ding a nih, a âwm chu Lalpa hmaa thên thilinhlâna thên a ni theina dingin.

LEVI DÂN 8:27

A rêng chun Aron le a naupasalhai kuta chun a sie a; Lalpa hmaa chun thêna thilinhlân dingin an thên a.

LEVI DÂN 8:31

Mosie chun Aron le a naupasalhai kuoma chun, “Intuokna puon in kawtkhâr bulah sa kha suong unla, ‘Aron le a naupasalhai chun fa rawhai se,’ tia thu pêka ka um angin inhlân thiengna leikhâwra bei le chun chutaka chun fa ro.

NAMBAR 6:2

“Israel mipuihai kuomah hril la, an kuomah, ‘Pasal amanih, nuhmei amani khawma ieng amanih thutiem bîk, Lalpa ta dinga inpêkna Nazarit thutiem ân tiem ding lai chun,

1 SAMUEL 2:15

Anih, a thâu chu an raw hma chun thiempu siehlaw chu a hung a, ân thâwitu kuoma chun, “Thiempu ta dinga emhmin ding sa mi pe rawh, i sa suong chu a du naw a, a sel a dit a nih,” a ti hlak a.