NAMBAR 5:18 - Pathien Lekhabu Inthieng (BSI)

¹⁸ Thiempu chun nuhmei chu Lalpa hmaah inngirtir a ta, a sam inthlatir a ta, hrietzingna fâkmi thilinhlân, thîk inthâwina thilinhlân chu a kutah inchawitir a ta; thiempu chun ṭawngsie intlungtirtu khâkna tui chu chawi a tih.

NAMBAR 5:18 ပူးပေါင်းရင်းမြစ်များ

THUVARHAI 5:4

A tâwptieng ruok chu sairam khâkin a kha a, Kâwlhnâm ngeituo angin a ngei a.

THUHRILTU 7:26

Chun, nuhmei a lungril chu chânghai le lênhai, a kuthai chu hnâng ang el neitu chu, thina nêka ṭha lem ka hmu suok a; tukhawm Pathien suklâwmtu chu amaa inthawk suok thleng an ta, amiruokchu, mi suol chu amanu chun man a tih.

ISAI 38:17

Ngai ta, ka lungmuongna dingin a nih, ninginîpna nasatak ka nei kha; Nisienlakhawm, nang chun ka hringna i lunginsiet leiin, sietna khur sûnga inthawk chu i sanhim ta a; Ka suolhai po po kha i hnungtienga chun i pei vawng si a.

JEREMIA 2:19

Nangma rîtlona ngei chun sukdik a ti che a, i hnungtawlnahai chun nang chu kâwk a ti che; chuleiin, Lalpa i Pathien chu i nghatsan a, keima ṭina chu nangmaa hrim a um naw hi, thil rilotak le, thil kha a nih ti hi hmu la, hre rawh, Lalpa, sipaihai Lalpa chun a tih.

LEVI DÂN 13:45

“Inphâr hri invawi chu a puonhai keithlêr nîng a ta, a sam a tlâiin put a ta, a hmûr chungtieng tuom a ta, ‘Inthiengnaw, inthiengnaw,’ tiin a khêk ding a nih.

NAMBAR 5:15

chuong ang a ni chun a pasal chun a ta dinga thilinhlân buṭei beiphit epha hmun sâwma ṭhea hmun khat chawiin a nuhmei chu thiempu kuomah a ṭhuoi ding a nih, hriek a buok ding a ni naw a, riminhnik a nâl ding a ni bawk nawh; thîk inthâwina fâkmi thilinhlân, hrietzingna thilinhlân rîtlona hriet suokna a ni leiin.

NAMBAR 5:17

thiempu chun pil bêlin tui inthieng lâng a ta, biekbûk ṭuong pilvut lâng a ta, tuia chun phul a tih.

NAMBAR 5:19

Chun, thiempu chun nuhmei chu ṭawng inkhâmtir a ta, nuhmei kuoma chun, I pasal ni lo mi dang tukhawma an zâlpui naw che a, pawrchena tieng i la fe pet naw chun ṭawngsie intlungtirtu, hi tui khaa inthawk hin fihlîm i tih.

NAMBAR 5:22

Ṭawngsie intlungtirtu hi tui hi i rilah lût a ta, i phing sukvûng a ta, i êlpui inkâr sukzûr a tih, tîng a ta; chun, nuhmei chun, Amen, Amen a lo ti ding a nih.

1 KORINTH 11:15

Nuhmei ruok chun sam sei a nei chun a ta dinga ropuina a ni lem; a sam chu inkhumna dinga pêk a ni si a.

1 KORINTH 11:6

Nuhmei lukhum khum lova a um si chun, vâw kawl law law raw se; nisienlakhawm, nuhmei ta dingin vâw amanih, ziet kawl amanih inzâpui a um si chun lukhum khum raw se.

DÂN PAHNINA 29:18

Chuong naw chun, nangni laia pasal amanih, nuhmei amanih, sûngkuo amanih, hnam amanih, chuong hnam pathienhai be ding chun an lungrilin tuhin Lalpa ei Pathien chu nghatsanin, nangni lai thil kha le sairam zung ṭo suokna bul dâm lo um khiet rawi in tih.

HEBRAIHAI 13:4

Inneina hi mi po poin inzâ hai sienla, nupa khum khawm sukpawrche lovin um raw se; inditna suola tluhai le uirehai chu Pathienin an chungthu a ngaituo ding a ni si a.

1 SAMUEL 15:32

Chun, Samuel chun, “Amalek mihai lal Agag chu ka kuomah hung ṭhuoi ro,” a ti a. Chuongchun, Agag chu a kuoma chun inthin pumin a va fe a. Chun, Agag chun, “Thina kha chu ka pumpel ta chu ni âwmtak a na,” a ta.