NAMBAR 4:12 - Pathien Lekhabu Inthieng (BSI)

¹² Hmun inthienga an hmangruo, rawngbâwlna bûrlebêlhai po po chu la vawng an ta, puon dumpâwlin fûn an ta, inkhumna seal vunin inkhum an ta, zâwnnaa chun an sie ding a nih.

NAMBAR 4:12 ပူးပေါင်းရင်းမြစ်များ

1 CHANCHIN SUINA 9:28

Chun, anni laia ṭhenkhat chu rawngbâwlna bûr-le-bêlhai chunga enkawltu an na; a ni zât tiema la suok a, a ni zât tiema sie lût hlak ding an ni si a.

1 CHANCHIN SUINA 9:29

Mi ṭhenkhat chu thuomhnawhai, hmun inthiengtaka bûr le bêlhai po po chunga dâm, beiphit indi chunga dâm, uoin dâm, hriek dâm, riminhnik dâm, beraw dâm, enkawl dinga ruot an nih.

2 CHANCHIN SUINA 4:11

Chun, Huram chun bêlhai, thlêngkûmhai le suodûrhai chu a siem a. Chun, Huram chun Pathien ina lal Solomon ta dinga a sinthaw chu a thaw zo ta a,

2 CHANCHIN SUINA 4:16

Bêlhai, suodûrhai, sakuoikimhai le chutaka bûr le bêlhai po po chu Huram chun Lalpa ina ding chun dârsen tle miin lal Solomon ta ding chun a lo siem vawng a.

2 CHANCHIN SUINA 4:19

Chuongchun, Solomon chun Pathien ina bûr le bêlhai po po chu a siem a, rângkachak maichâm le, entirna bei siena dawkânhai;

2 CHANCHIN SUINA 4:22

khâwnvar vâm chepnahai, châwtawlhai, haihâwhai, meilâknahai chu rângkachak inthieng bawkin; chun, in lûtna chu, hmun inthiengtaka kawtkhâr sûngril lem le, in kawtkhârhai chu rângkachak an nih.

FESUOKNA 25:5

berâmchal vun suksen, seal vunhai le shittim thing leh;

FESUOKNA 25:9

Biekbûk riruong le a thuomhnawhai riruong kân entir che po po ang tak hin in bâwl ding a nih.

FESUOKNA 31:10

silfên ṭhataka siemhai le, thiempu Aron silfên inthienghai le, a naupasalhai silfênhai thiempu sina rawngbâwlnaa an hmanghai le;

NAMBAR 3:8

Thuomhnaw po po chu kawl an ta, Israel mihai puola biekbûk rawngbâwlna sin chu thâwng an tih.

NAMBAR 4:11

Chun, rangkachak maichâm chu puon dumpâwlin inkhum nâwk an ta, inkhumna seal vunin inkhum nâwk an ta, a zâwnfung chu inbûk an tih.

NAMBAR 4:13

Maichâma meivâm chu luok fai an ta, a chungah puon senduk phâng an ta,

NAMBAR 4:6

seal vunin inkhum an ta, chu chunga chun puon dumpâwlin inkhum an ta, a zâwnna hmawl chu inbûk an tih.

NAMBAR 4:7

Chun, inentirna bei dâwkân chunga chun thlênghai, riminhnik siena thlêngtêhai, thlêngkûmhai le dâwnmi thilinhlânna notung lienhai an sie ding a nih; chun, chatlak loa sie bei chu chutaka chun a um ding a nih;

NAMBAR 4:9

Êntu khâwnvar siena le chutaka dinga an hmang ding a khâwnvarhai, a chaichehai, a vut sienahai, hriek bûr po pohai puon dumpâwlin inkhum an tih;