NAMBAR 34:2 - Pathien Lekhabu Inthieng (BSI)

² “Israel mihai chu thu pe la, an kuomah, ‘Kanaan ram in tlung pha chun, (Kanaan rama ramri izir ang peia in hluo ding ram chu) simtienga in hluo ding chin chu Zin thlalêra inthawka Edom ram hrûl peiah nîng a tih;

NAMBAR 34:2 ပူးပေါင်းရင်းမြစ်များ

INṬANNA 10:19

Chun, Kanaan hnamhai ramri chu Zidona inthawkin Gerar pan zâwngin Gaza chenin; Sodom, Gomorra, Adma le Zeboiim pan zâwngin, Lasa chenin a nih.

INṬANNA 17:8

Chun, i kuoma le i hnunga i thlahai kuoma chun, i khuolchâmna ram, Kanaan ram po po hi, kumkhaw ro dingin ka pêk ding cheu a nih; chun kei hi an Pathien nîng ka tih,” a ta.

INPÂKNA HLABU 105:11

“Kanaan ram hi i kuomah pêng ka ti che, I rochan puol ding chu,” tiin;

FESUOKNA 23:31

Tuipui Sena inthawka Philistin tuipui chen le, thlalêra inthawka Euphrates vadung chenin i ramri chu khang ka ta; a ram hluotuhai chu i kutah ka pêk ding che a ni si a; chun, nangin i hmaa inthawkin hnawt suok i tih.

JEREMIA 3:19

“Kei chun, ‘hnamhai laia chun sie cheuin, ram inhawitak chu pe cheuin, hnamhai sipai pâwlhai rochan ṭhataka chun sie cheu ka lo lungril hlak a; chun, nangin, Pa, mi hung tîng i ta, i mi zuinaa inthawk hin fe hmang ta naw ti ni’ ka lo ti hlak a.

EZEKIEL 47:13

Lalpa Pathien chun hieng hin a tih: “Israel hnam sâwmpahni ang peia rochan dinga ram chu i semna ding, ramri chu hi hi nîng a tih: Josef khawma chan hni a nei ding a nih.

EZEKIEL 47:14

Chun, hluong in ta, inang sengin; chu dinga in thlatuhai kuoma pe dinga ka bân ka lo phar tah, hi ram hi in ta dinga rochan dingin a tlu ding a nih.

NAMBAR 34:1

Chun, Lalpain Mosie a biek a,

THILTHAWHAI 17:26

Chun, hnuoi chung po poa um dingin, bul hmunkhatin hnam tin mi a siem a. An ta dingin hun bihai a ruot a, an umna rihai khawm a khang pêk a;

THILTHAWHAI 26:18

An mit sukvar dingin an kuomah ka tir che hi, chuongchun, inthim chu var tieng nghatsan an ta, Setan thuneina chu Pathien tieng nghatsan an tih, suol ngaidamna an hmuna dingin le an mi ringna leia inthieng tahai kuomah ro chan an nei ve theina dingin,’ a ta.

EPHESI 1:14

Chu chu Pathien ropuizie inpâkna dinga, ama ta ngeihai intlan suok phaa ei rohluona dinga zakhamna a nih.

EPHESI 1:18

Chuongchun, in lungril mithai sukvara umin hieng hi hung hre thei in tih:

JOSUA 11:23

Chuongchun, Lalpain Mosie kuoma a hril po po ang khan Josua chun ram pumpui chu a lâk ta a; chun, Josua chun Israel mihai chu an hnam inṭhe dân ang peiin an rochan dingin a pêk tâwl a; chuongchun, ram chu râlmuongin a um ta a.

JOSUA 13:1

Josua chu a hung upa a, a hung tar ta hle el a; chun, Lalpa chun a kuomah, “I hung upain i hung tar ta hle el a, ram hlak chu lâk ding a la tam vieu si a.

JOSUA 21:43

Chuongchun, Lalpain an thlatuhai kuoma inkhâma pêk a lo tiem tah chuong ram po po chu Israelhai chu a pêk a; chuongchun, ram chu an hluo a, a sûngah an chêng ta a.