NAMBAR 33:52 - Pathien Lekhabu Inthieng (BSI)

⁵² Kanaan ram in lût pha chun, chu rama um po pohai chu hnawt suok vawng in ta, an lung milimhai po po chu sukse vawng in ta, an milim sunghai khawm sukse vawng in ta, an bâwlhmunhai khawm in ṭhiek vawng ding a nih;

NAMBAR 33:52 ပူးပေါင်းရင်းမြစ်များ

LEVI DÂN 26:1

“Milim hrim hrim in insiempêk fâwm ding a ni naw a, milim siem fâwm le lungphun dâm in inngîr ding a ni nawh; chibai bûk dingin chuong anga lung cher in ram sûngah in inngîr ding a ni nawh; kei hi Lalpa in Pathien chu ka ni si a.

FESUOKNA 23:24

An pathienhai kuoma chun i kûn ding a ni naw a, an rawng khawm i bâwl ding a ni naw a, an sin i thaw ding a ni bawk nawh; anni chu peithla letdêr i ta, an milimhai chu suknâwi vawng i tih.

RORELTUHAI 2:2

chun hi rama umhai le hin thu thlung naw unla, an maichâmhai chu sukchimpêk ro’, ka ti kha. Nisienlakhawm, ka râwl chu ngai lova, iengdinga hienga hi thaw am in ni a?

JOSUA 23:7

hieng hnam nangni laia la umhai le hin inchekpawl lovin an pathienhai hming khawm lam hlek lova, an hming sâla ṭawng khawm inkhâm lova an rawng khawm bâwl lova, kûna chibai inbûk nawna dingin,

DÂN PAHNINA 33:29

I hamṭha de, aw Israel, Nang ang hrim tu am an um a, Lalpa sandam mihai? Nangma ṭhangpuitu phaw, I ropuina kâwlhnâm a nih, I hmêlmahai i kuomah intuklût an ta, An hmun insânghai chu chîl i tih,” a ta.

DÂN PAHNINA 31:5

Lalpain anni chu inhlân a ti cheu a, thupêk ka pêk cheu po po ang khan an chungah in thaw ding a nih.

JOSUA 9:7

Israelhai ruok chun Hiv mihai kuoma chun, “Keini laia chêng ve hi in lo ni zing el rawi maw; iengtin am in kuomah thu thlung el thei kan ta?” an ti a.

JOSUA 11:15

Lalpain a siehlaw Mosie thu a pêk ang bawkin, Mosie khawmin Josua chu thu a pêk ve a, chuong ang tak chun Josua chun a thaw pei a, Lalpain Mosie thu a pêk po po chu thaw naw hrim a nei dêr nawh.

1 LALHAI 11:7

Chuongchun, Solomon chun Jerusalem bula tlângah Moab mihai pathien tirdakumtak Kemos ta dingin le, Ammon mihai pathien tirdakumtak Molek ta dingin bâwlhmun a lo siem ta a.