NAMBAR 33:4 - Pathien Lekhabu Inthieng (BSI)

⁴ Chu hun chu Aigupta mihai naulutir po po Lalpain a sukhlumpêkhai an phûm lai a nih. Lalpain an pathienhai chunga khawm a hremnain ro a rêl a.

NAMBAR 33:4 ပူးပေါင်းရင်းမြစ်များ

INPÂKNA HLABU 105:36

An rama nau lutîr um po po a sukhlum a, An hrâtna po po ra hmasatakhai chu.

FESUOKNA 12:12

Chu zân chun Aigupta ram fe thleng ka ta, ran le mihriem khawm, Aigupta rama nau lutîr po po chu ka sukhlum ding a ni si a; chun, Aigupta mihai pathienhai chunga khawm rorêlnahai intlungtir bawk ka tih, Lalpa chu ka ni hi!

FESUOKNA 18:11

Tuhin pathienhai po po nêkin Lalpa chu a ropui lem ti ka hriet, chapotaka anni an sawisak lai ngeia Aigupta mihai kut hnuoia inthawka a mihai chu a sansuok leiin,” a ti a.

ISAI 19:1

Aigupta ram phurrik chu, Ngai ta, Lalpa chu sûm hrâttak chunga chuongin Aigupta ram a hung tlung tah ie! Aigupta ram milimhai chu a hmaa chun inthin dar dar an ta, Aigupta mihai lungril chu an sûnga chun intuihmang el a tih.

ZEPHANIA 2:11

An chunga chun Lalpa chu ṭiumtak nîng a ta; hnuoi chunga pathienhai po po chu a sukbohmang ding a ni si a; chuongchun, mihriemhai chun ama chu be tâng an ta, mi tinin mâni hmun senga inthawk le, hnamhai po po chun mâni thlierkârhaia inthawk chun.

NAMBAR 3:13

nau lutîr po po chu ka ta an ni si a, Aigupta rama nau lutîr po po sukhlum ni khan Israelhai laia nau lutîr po po a mihriem a ranin ka puola dingin ka hau a nih; ka ta nîng an ta; kei hi Lalpa chu ka nih,” tiin.