NAMBAR 32:13 - Pathien Lekhabu Inthieng (BSI)

¹³ Chun, Israelhai chunga chun Lalpa lung chu a chawk a, Lalpa mithmua thil ṭha naw thawtu suon po po chu an bohmang vawng hmakhat chun thlalêrah kum sâwmli ân vâkvaitir a.

NAMBAR 32:13 ပူးပေါင်းရင်းမြစ်များ

INPÂKNA HLABU 107:4

Thlalêra ram ṭâwl lampuia chun an invâk an invâk a, Mihriem umna khuo hrim hrim an hmu naw a.

INPÂKNA HLABU 78:33

Chuleiin, an dam sûng nihai chu teplo mei meiin a sukbo pêk a, An dam sûng kumhai chu ṭitnain a sukbo pêk bawk a.

INPÂKNA HLABU 95:10

Kum sâwm li sûng zet chu, chu suonhai chunga chun ka lungninaw a, “An lungrila ngaisuol hmang mi an na, Ka lampuihai khawm an hriet nawh,” ka ti a.

FESUOKNA 16:35

Israel mihai chun mi umna ram an hung tlung hma po kum sawmli sûng chu manna chu an fâk ta a. Kanaan ram ramrihai an hung tlung chen chun an fâk a.

AMOS 2:10

Amor mihai ram chu nei dingin Aigupta rama inthawkin ka ṭhuoi suok cheu a, thlalêra khan kum sâwmli sûngin ka ṭhuoi cheu a.

AMOS 2:9

“Nisienlakhawm, anni hmaah Amor mihai sidar thing anga insâng le thingsaisuo anga hrât khawm kha ka sukbohmang ta a; a chungtienga a ra le, a hnuoitienga a zung khawm ka sukbo a.

NAMBAR 14:32

Nangni ruok chu in ruonghai chu hi thlalêra hin um a tih.

1 KORINTH 10:5

Nisienlakhawm, anni laia mi tam lem chunga chun Pathien a lungni ta naw a, thlalêra khan tluhlumin an um a.

DÂN PAHNINA 2:7

Lalpa in Pathien chun in thaw taphawthaia chun mal a sâwm hlak cheu a, hi thlalêr lientak hi in fe thleng dân dâm chu a hriet si a; hieng kum sâwmli sûng po hin Lalpa chu in kuomah a um a, iengkhawm in tlasam naw kha, tiin thu pe rawh,’ tiin.

RORELTUHAI 2:14

Chuongchun, Lalpa chu Israelhai chungah a lunginsen ta a; anni rawk hlaktuhai kuta chun a pêk tâwl ta a; an hmêlma an kâwl vêla umhai kuoma chun a zawr a: chuongchun, an hmêlmahai chu an dang zo ta naw a.

RORELTUHAI 2:20

Chun, Lalpa chu Israelhai chunga chun a lunginsen ta a; chuongchun, “Hi hnamhai hin an thlatuhai thu ka ipêk, ka thuthlung chu an bawsiet a, ka râwl khawm an ngai ta si naw a;