NAMBAR 30:12 - Pathien Lekhabu Inthieng (BSI)

¹² Amiruokchu, a pasalin a hriet nia iengkhawm ni lova a siem a, a sukbo el chun, ân tiemna thua a bâu thu suok taphawt hai, ama ân tiemkamnahai amanih, umta naw ni a; a pasal chun a hlîp ta leiin Lalpain ama chu ngaidam a tih.

NAMBAR 30:12 ပူးပေါင်းရင်းမြစ်များ

JEREMIA 44:17

Amiruokchu, kan baua thu suok po pohai, vâna lalnu kuoma riminhnik raw ding dâm, a kuoma dâwnmi thilinhlân buok ding dâm, Jerusalem kawtthlêrhaia le Juda ramhaia, keini le kan thlatuhai le, kan lalhai le kan rorêltuhai leh kan lo thaw ta hlak ang khan thaw ngei kan tih; chuong lai chun fâk ding tinrêng kan neiin, a ṭha hlea, a sietna kan hmu nawh.

JEREMIA 44:19

Chun, vân lalnu kuoma riminhnik kan raw a, dâwnmi thilinhlân kan buok lai chun, kan pasalhai ṭhang lovin dâwnmi thilinhlân chu kan buokin, ama biekna ding beithlumhai kan siem am a nih?” an ti a.

NAMBAR 15:25

Chun, thiempu chun Israel mipui pungkhâwm po po ta ding chun inremna siem a ta, ngaidam nîng an tih, thawpal a ni lei le, an thilinhlân Lalpa ta dinga meia thilinhlân le an suol aia suol thâwina an inhlân ta leiin.

NAMBAR 15:28

Hre lova Lalpa hmaa suksuoltu ta ding chun thiempu chun inremna a siem ding a nih; chuongchun, ngaidam nîng a tih.

NAMBAR 30:11

a phalnaw naw chun ân tiemkamna po po chu um zing a ta, ân khuokhirna tinrêng khawm chu um zing a tih.

NAMBAR 30:13

Thutiem po po le hringna sukrinum dinga khuokhirna inkhâmna po po chu a pasalin a sukhmangin a sukbo thei.

NAMBAR 30:5

Amiruokchu, a pain a hriet huna a phal naw chun ân tiemkamnahai, le ân khuokhirna thutiemhai a ieng ieng khawm chu puitling naw ni a, a pain a phal naw a ni leiin Lalpain ama chu ngaidam a tih.

NAMBAR 30:8

Amiruokchu, a pasal chun a hriet huna a phal naw chun a chunga thutiem um le thu dâwn lova ân tiemna chu sukbo a tih; chun, Lalpain ngaidam a tih.

1 KORINTH 11:3

Nisienlakhawm, pasal taphawt lu chu Krista a na, nuhmei lu chu a pasal a na, chun Krista lu chu Pathien a nih, ti in hrietchieng ka nuom a nih.

1 SAMUEL 1:23

A pasal Elkana chun a kuomah, “Ṭha âwma i ti ang phawt chun thaw el rawh; a nêne nêk în bântir chenin um rawh, amiruokchu, Lalpa chun a thu chu sukdet ngei raw se,” a ta. Chuongchun, a nêne nêk bân hmakhat chun nuhmei chu a um ta a, a naupa chu a enkawl a.