NAMBAR 3:38 - Pathien Lekhabu Inthieng (BSI)

³⁸ Biekbûk saktieng pang intuokna puon in bul, nisa suokna tieng panga puon in zartu ding chu Mosie le Aron le a naupasalhai nîng an tih, hmun inthienga chun Israel mihai puolin a ṭûl taphawt chu thâwng an tih; hnam dang hung inrawl taphawt chu sukhlum ding nîng an tih.

NAMBAR 3:38 ပူးပေါင်းရင်းမြစ်များ

1 CHANCHIN SUINA 23:32

chun, Lalpa ina rawngbâwlna dinga, an unau Aron thlahai sin kawl le, hmun inthieng enkawlna sin le, intuokna in enkawlna sin chu an kawl ding a nih;

NAMBAR 1:51

Chun, biekbûk chu a suok ding po leh Levi mihai chun ṭhiek hlak an ta, chun, biekbûk chu keizar ding a ni po leh, Levi mihai chun keizar hlak an tih, hnam dang a hung inrawl ve taphawt chu sukhlum ding nîng a tih.

NAMBAR 1:53

Levi mihai ruok chun Israel mi pungkhâwmhai chunga lunginsenna a um nawna dingin inhriettirna biekbûk vêla chun an zar ding a nih. Levi mihai chun inhriettirna biekbûk chu an enkawl ding a nih,” tiin a lo hril ta si a.

NAMBAR 2:3

Nisa hung suokna khawsak tieng panga an pâwl tam dân izir ang peia puon in zar dinghai chu Juda pâwlhai nîng an ta; chun, Juda thla puipa ding chu Amminadab naupa Nason nîng a tih.

NAMBAR 3:10

Aron le a naupasalhai chu ruot i ta, an thiempu nina chu chang zing an tih; hnam dang hung inrawlhai chu sukhlum nîng an tih,” tiin.

NAMBAR 3:23

Gerson mihai sûngkuohai chun an puon inhai chu biekbûk thlangtieng panga chun an zar ding a nih.

NAMBAR 3:29

Kohath naupasalhai sûngkuohai chun, biekbûk simtieng pangah an puon in an zar ding a nih.

NAMBAR 3:35

Merari sûngkuo pahnam ṭhuoitu ding chu Abihail naupa Zuriel a nih; biekbûk hmartieng pangah an puon in an zar ding a nih.

NAMBAR 3:37

a tuolzâwl inhuonna banhai dâm, an nghatna kerkuokhai dâm, a kildenahai le a hruihai leh.