NAMBAR 28:6 - Pathien Lekhabu Inthieng (BSI)

⁶ Lalpa ta dinga meia thilinhlân riminhnika dingin Sinai tlânga ruot pumrawhmang thilinhlân hrim kha a nih.

NAMBAR 28:6 ပူးပေါင်းရင်းမြစ်များ

2 CHANCHIN SUINA 2:4

Ngai ta, Lalpa ka Pathien hmingin ama kuoma inhlân ding le, riminhnikhai a hmaa râwna ding le, entirna bei sie zingna ding le, zîng le zâna le, châwlnia le, thla tharhaia le, Lalpa kan Pathien ruoiṭhe hunbihaia pumrawhmang thilinhlânna dingin in ka bâwl a. Hi hi Israel kuoma kumkhaw thuthlung a ni hrim a.

2 CHANCHIN SUINA 31:3

Chun, pumrawhmang thilinhlâna lal chan ding khawm ran a ruot a, anih, Lalpa dâna ziek anga zîngtieng le zântienga pumrawhmang thilinhlânhai le, châwlnia pumrawhmang thilinhlânhaia le, thla tharhaia le, ruoiṭhe hunbi neihaia ding chun.

EZRA 3:4

Chun, bâwkte ruoiṭhe khawm chu an nei a, zieka a um angin, thupêk ang peiin, ni tina thaw ding ṭul ang pei chun, ni tinin pumrawhmang thilinhlânhai chu an inhlân ta a;

INPÂKNA HLABU 50:8

I inthâwinahai leiin kâwk naw ning chenga a, I pumrawhmang thilinhlânhai chu ka hmaah a um rân si a.

FESUOKNA 24:18

Mosie chu sûm zîng hnuoia chun a lût a, tlânga chun a hang fe ta a. Mosie chu ni sâwmli le zân sâwmli tlânga chun a hang um ta a.

FESUOKNA 31:18

Chun, Sinai tlâng chunga ama le inbiekna chu a suktâwp chun Thuthlung phêk hni, lung phêk pahni Pathien kut ngeia ziekhai chu Mosie kuomah a pêk ta a.

EZEKIEL 46:14

Chun, zîng tin tin chun chu le chun bu thilinhlân khawm buotsai i ta, epha hmun ruka ṭhea hmun khat le, hriek hin hmun thuma ṭhea hmun khat, chu beiphit inditak chu suktlawr dingin; chun, dân um zing angin, Lalpa kuoma bu thilinhlân chu a ni zing zing ding a nih.

EZEKIEL 46:15

Chuong ang chun berâmte chu buotsai an ta, bu thilinhlân le, hriek leh, zîng tin tina pumrawhmang thilinhlân zing zing ni ding chun.

LEVI DÂN 27:34

Hienghai hi Sinai tlânga Israel mipuihai ta dinga Lalpain Mosie a pêk thupêkhai chu an nih.

LEVI DÂN 6:9

“Aron le a naupasalhai chu thu pe rawh. Hi hi pumrawhmang thilinhlân dân ding chu a nih. Pumrawhmang thilinhlân chu maichâm a chunga a râwnaa chun zânkhawvârin a zingkâr chen um a ta; chun, maichâm mei chu a hring zing ding a nih.

AMOS 5:25

“Aw Israel sûngkuohai, kum sâwmli sûngin thlalêra khan inthâwinahai le thil inhlânhai ka kuomah in hung lâk am a nih?

NAMBAR 28:5

beiphit thilinhlâna dingin beiphit indi mi epha hmun sâwma ṭhea hmun khat chawkpawl leh.

NAMBAR 28:7

Chun, Berâmte pakhat inhlânnaa dâwnmi thilinhlân chu, hin hmun lia ṭhea hmun khat a ni ding a nih; Lalpa ta dinga uoin, dâwn ding thilinhlân chu hmun inthiengah i bun suok ding a nih.

PHILIPPI 2:17

Anih, in ringna inthâwina le rawngbâwlna chunga chun bunthlâka um ding ni lang khawm ka lâwm a nih, in rêngin ka lâwmpui bawk cheu a nih.