NAMBAR 28:2 - Pathien Lekhabu Inthieng (BSI)

² “Israel mihai chu thu pe la, an kuomah, ‘Ka bu ka ta dinga riminhnik meia thilinhlân, ka kuoma thilinhlân chu a hun tak peiah in inhlân ding a nih,’ ti la.

NAMBAR 28:2 ပူးပေါင်းရင်းမြစ်များ

INṬANNA 8:21

Chun, Lalpain riminhnik chu a hriet a; chun, Lalpa chun a lungrilin, “Hnuoi chu mihriem lei chun ṭawngsie inphur nâwk ta naw ning, mihriem lungril ngaituonahai chu an chîntea inthawkin a suol si a; tuta ka hrem ang hin thilsiem hringna nei tinrêng chu hrem nâwk ta ngai nâwng ka tih.

1 CHANCHIN SUINA 23:31

châwlnihai dâm, thlatharhai dâm, ruoiṭhena bi ruotahai dâma Lalpa hmaa chuong chungthua thaw rawp a ni ding dân ang peia Lalpa kuoma pumrawhmang thilinhlân chu inhlân ding dâmin;

2 CHANCHIN SUINA 23:18

Chun, Jehoiada chun Lalpa ina sinthawnahai chu thiempu Levi mihai kuta chun a ruot ta a; chuonghai chu Mosie dâna ziek anga Lalpa kuoma pumrawhmang thilinhlânhai, David thu lo pêk ta anga hlimtak le hla sak puma inhlân dinga Lalpa ina Davidin a lo semdar tahai chu an nih.

2 CHANCHIN SUINA 31:3

Chun, pumrawhmang thilinhlâna lal chan ding khawm ran a ruot a, anih, Lalpa dâna ziek anga zîngtieng le zântienga pumrawhmang thilinhlânhai le, châwlnia pumrawhmang thilinhlânhaia le, thla tharhaia le, ruoiṭhe hunbi neihaia ding chun.

EZRA 3:2

Chun, Jozadak naupa Jesua le a unau thiempuhai, Sealtiel naupa Zerubbabel le a unauhai le chun an tho a, Pathien mi Mosie dâna ziek angin, chutaka chun pumrawhmang thilinhlânna dingin Israel Pathien maichâm chu an siem ta a.

EZRA 3:3

Chuongchun, maichâm chu ân ṭhutnaa chun an inṭhut ta a; chuong rama mihai lei chun an chunga chun ṭitna chu a um si a; chuongchun, pumrawhmang thilinhlânhai chu chutaka chun Lalpa kuomah, pumrawhmang thilinhlânhai ngei chu zîng le zânin an inhlân zie ta a.

NEHEMIA 10:34

Kan pi le puhai sûngkuo ang peia kum tina hunbi ruota Dân bu ziek anga, Lalpa kan Pathien maichâma raw ding thing inhlân kan Pathien ina inkhâwmtu ding hrietna dingin thiempuhai leh, Levi mihai leh, mipuihai leh ṭhum kan vâwr a;

INPÂKNA HLABU 81:3

Thla thara chun tawtawrâwt mût unla, Thla lir laia ei ruoiṭhe hun lai leh.

FESUOKNA 23:15

Chawl ṭhanglo bei ruoi i nei ding a na, ni sari sûng chawl ṭhanglo bei fâng i ta, thu ka pêk ang chea, Abib thlaa hun ka ruotpêk che huna khan (chu thla chun Aiguptaa inthawkin i hung suok a ni si a) chun, tukhawm ka hmaah kut ruokin an hung inlang ding an nawh.

FESUOKNA 29:18

berâmchal chu a pumin maichâm chunga chun rawng i tih: Lalpa kuoma pumrawhmang thilinhlân a na, Lalpa kuoma meia thil inhlân riminhnik a nih.

EZEKIEL 16:19

ka bei ka ipêk che, beiphit indîtak, hriek le khuoizu leh, ka châwmna che chu, an hmaa chun riminhnika dingin i sie ve bawk a, chuong chu a nih, Lalpa Pathien chun a tih.

EZEKIEL 20:41

Hnamhai laia inthawka ka hung ṭhuoi suok pha cheu a, sukdara in umna ramhaia inthawka ka kei khâwm pha cheu chun riminhnik angin lâwm tâng ka ti cheu a, hnamhai mithmua ngei chun nangni chu sukthieng tâng ka ti cheu.

EZEKIEL 45:17

Chun, ruoiṭhenahaia le, thla tharhaia le, châwlnihaia le, Israel sûngkuo ruoiṭhena hunbi neihaia chun, pumrawhmang thilinhlânhai, bu thilinhlânhai, dâwnmi thilinhlânhai inhlân chu lal chan chu ni ve thung a tih; Israel sûngkuo ta dinga intlanna siemna dingin, suol thilinhlânhai, bu thilinhlânhai, pumrawhmang thilinhlânhai, inremna thilinhlânhai chu a buotsai ding a nih.

LEVI DÂN 1:13

a sûnghai le a kehai ruok chu tuiin sâwp a ta, a pumin thiempu chun inhlân a ta, maichâma chun a raw ding a nih; Lalpa ta dinga riminhniktak, mei hmanga pumrawhmang thilinhlân a nih.

LEVI DÂN 1:17

A thla le a thla inkârah thlêr a ta, a puma thlêr suok ruok chu ni lovin; chun, thiempu chun maichâmah, mei chunga thinga chun a raw ding a nih; chu chu Lalpa ta dinga riminhniktak, mei hmanga thilinhlân, pumrawhmang thilinhlân a nih.

LEVI DÂN 1:9

a sûnghai le a kehai ruok chu tuiin sâwp an ta; thiempu chun Lalpa ta dinga rim inhniktak, mei hmanga thilinhlân pumrawhmang thilinhlân dingin a pum chun maichâma chun a raw ding a nih.

LEVI DÂN 21:6

An Pathien ta dingin mi inthieng nîng an ta, an Pathien hming an suksiet ding a ni bawk nawh; Lalpa kuoma mei hmanga thilinhlânhai le fâk ding dâm an inhlân hlak leiin; an inthieng ding a nih.

LEVI DÂN 21:8

Ama chu în hlân thieng ding a na, i Pathien ta dinga fâkmi thilinhlân chu ân hlân hlak si a. I ta dinga mi inthieng a ni ding a nih. Kei Lalpa a sukthiengtu cheu hi kân thieng si a.

LEVI DÂN 3:11

Thiempu chun chu chu Lalpa kuoma mei hmanga bu thilinhlân dingin, maichâma chun a raw ding a nih.

MALAKI 1:12

Amiruokchu, in bawsiet a, chutaka chun, ‘Lalpa dawkân chu sukpawrche a ni ta a, chutaka a theirahai khawm chu; chun, a buhai ngei khawm chu hmusitum a ni tah,’ in ta.

MALAKI 1:7

Ka maichâm chunga khan bei sukpawrche tah in inhlân a; chun, nangni chun, ‘Khâwlai am kan sukpawrche che a?’ in ti a. Chuong chun, Lalpa maichâm chu hmusitumah in siem a nih.

NAMBAR 15:24

pungkhâwmhaiin hre lova thawpal a ni chun, pungkhâwmhai po po chun pumrawhmang thilinhlân Lalpa ta dinga riminhnikah bâwng tuoi pakhat inhlân an ta, a dân pângngai angin beiphit thilinhlân le dâwnmi thilinhlân leh, suol thâwina dingin kêlchal pakhat an inhlân sa bawk ding a nih.

NAMBAR 15:3

Lalpa kuomah meia thilinhlân, pumrawhmang thilinhlân amanih, thutiem hlen dinga inthâwina amanih, mâni nuom thua thilinhlân amanih, in Fekân ruoiṭhe hunbia manih, ran ruol laia mi amanih, berâm ruol laia mi amania Lalpa ta dinga riminhnik siem ding amania an inhlân pha chun,

NAMBAR 15:7

Dâwnmi thilinhlân chun Lalpa ta dinga riminhnikah uoin hin hmun thuma ṭhea hmun khat in inhlân ding a nih.

NAMBAR 28:1

Lalpa chun Mosie a biek a,

NAMBAR 29:39

In thutiem dâm, nuomthua thilinhlân dâm, in pumrawhmang thilinhlân dâm, in beiphit thilinhlân dâm, in dâwnmi thilinhlân dâm, in inremna thilinhlân dâm bâka chun hieng hi in hunbi ruoiṭhe nei niin Lalpa kuomah in inhlân ding a nih,’ ti rawh,” tiin.

NAMBAR 9:13

Amiruokchu, thieng si, thanghmangna khawm nei chuong lova Fekân ruoiṭhea ṭhang lo chu a chipuihai laia inthawk sât thlâk nîng a ta; a hunbia Lalpa kuoma thilinhlân chu ân hlân naw leiin ama chun a suol maw chu phur a tih.

NAMBAR 9:7

Chuonghai chun a kuomah, “Mithi ruong leiin kan inthieng naw a ni ta a, iengleiin am Israel mihai laia a hunbia Lalpa kuoma thilinhlân kan inhlân ding in mi khap a na?” an ti a.

2 KORINTH 2:15

Sandam mêkhaia le, bohmang mêkhaia chun, Pathien ta dingin Krista rim inhnik kan ni si a,

EPHESI 5:2

Chun, Kristain a hmangai cheu a, riminhnik dinga Pathien kuoma thil inhlâna ding le, inthâwinaa ei aia ân pêk ang bawk khan, hmangainaah um ro.

PHILIPPI 4:18

Nisienlakhawm, iengkim ka nei a, ka hau a nih: Epaphrodita kuta in iengkhat hung inphurhai kha ka lo hmu a, ka phuiinsui tah. Chuongchu thil riminhnik rim, inthâwina dawn tlâk, Pathien lâwm zâwng a nih.