NAMBAR 28:1 - Pathien Lekhabu Inthieng (BSI)

¹ Lalpa chun Mosie a biek a,

NAMBAR 28:1 ပူးပေါင်းရင်းမြစ်များ

1 CHANCHIN SUINA 23:31

châwlnihai dâm, thlatharhai dâm, ruoiṭhena bi ruotahai dâma Lalpa hmaa chuong chungthua thaw rawp a ni ding dân ang peia Lalpa kuoma pumrawhmang thilinhlân chu inhlân ding dâmin;

2 CHANCHIN SUINA 2:4

Ngai ta, Lalpa ka Pathien hmingin ama kuoma inhlân ding le, riminhnikhai a hmaa râwna ding le, entirna bei sie zingna ding le, zîng le zâna le, châwlnia le, thla tharhaia le, Lalpa kan Pathien ruoiṭhe hunbihaia pumrawhmang thilinhlânna dingin in ka bâwl a. Hi hi Israel kuoma kumkhaw thuthlung a ni hrim a.

2 CHANCHIN SUINA 23:18

Chun, Jehoiada chun Lalpa ina sinthawnahai chu thiempu Levi mihai kuta chun a ruot ta a; chuonghai chu Mosie dâna ziek anga Lalpa kuoma pumrawhmang thilinhlânhai, David thu lo pêk ta anga hlimtak le hla sak puma inhlân dinga Lalpa ina Davidin a lo semdar tahai chu an nih.

2 CHANCHIN SUINA 31:3

Chun, pumrawhmang thilinhlâna lal chan ding khawm ran a ruot a, anih, Lalpa dâna ziek anga zîngtieng le zântienga pumrawhmang thilinhlânhai le, châwlnia pumrawhmang thilinhlânhaia le, thla tharhaia le, ruoiṭhe hunbi neihaia ding chun.

2 CHANCHIN SUINA 8:13

ni tinin vawi ieng zât pei amanih, châwlniahai, thla tharahai, ruoiṭhe hunahai Mosie thupêk ang peia inhlânin; kum khat sûngah vawi thum, chawl ṭhanglo bei ruoiṭhea le, hapta kâr ruoiṭhehaia le, bâwkte ruoiṭhehaia le chun.

EZRA 6:9

Chun, an pawimaw ang taphawtin, vân Pathien ta dinga pumrawhmang thilinhlân dinga bâwngchal tuoi ni leh, berâmchal ni leh, berâmtehai ni leh, Jerusalema um thiempuhai thu ang peiin, bu dâm, chi dâm, uoin dâm, hriek dâm insam hlek lova ni tin tina pêk ni raw se;

NEHEMIA 10:33

bei inhlân ding le, beiphit thil inhlân ding le, pumrawhmang thilinhlân rawp ding dâmin, châwlnia ding dâmin, thla thara ding dâmin, hunbi nei ruoiṭhea ding dâmin, thil inthienga ding dâmin, Israel mihai ta dinga inremna siemna dinga suol inthâwinaa ding le, kan Pathien in tienga thaw ding po po thawna ding dâmin.

ISAI 1:13

Thilpêk mei meihai chu hung chawi ta ngai naw ro; thil riminhnik khawm chu ka ta dingin thil tirdakumtak a nih; thla thar dâm, châwlni dâm inkhâwmpuia infiel khâwm dâm mei mei chu ka ngai thei naw tawp el; khawhlona mei mei a nih, inkhâwm ropuitak khawm hi.

EZEKIEL 44:24

Thubuoia chun rorêltuin an ngîr ding a na; keia rorêl dân dungzui peiin ro an rêl ding a nih; ka ruoiṭhe hunbi neihaia chun ka thuruothai, ka dânhai chu an zâwm ding a nih; chun, ka châwlni khawm chu an inser bawk ding a nih.

EZEKIEL 45:17

Chun, ruoiṭhenahaia le, thla tharhaia le, châwlnihaia le, Israel sûngkuo ruoiṭhena hunbi neihaia chun, pumrawhmang thilinhlânhai, bu thilinhlânhai, dâwnmi thilinhlânhai inhlân chu lal chan chu ni ve thung a tih; Israel sûngkuo ta dinga intlanna siemna dingin, suol thilinhlânhai, bu thilinhlânhai, pumrawhmang thilinhlânhai, inremna thilinhlânhai chu a buotsai ding a nih.

EZEKIEL 46:11

Ruoiṭhenahaia le, ruoiṭhe hun- bi neihaia chun bu thilinhlân chu bâwngchal pakhatah epha khat nîng a ta, berâmchal dingin epha khat bawk, chun, berâmtehai ta ding chun a pêk thei zât zât le, epha khata chun hriek hin khat pei leh.

LEVI DÂN 9:15

Chun, mipuihai thilinhlân chu ân hlân a; mipuihai ta dinga suol inthâwina kêl chu a kei a, a that a, a hmaa mi ang bawk khan suol inthâwina ding chun ân hlân a.

NAMBAR 27:23

chun, a chungah kut ân nghat a, Mosie hmanga Lalpain a hril ang khan thuneina a pêk ta a.

NAMBAR 28:2

“Israel mihai chu thu pe la, an kuomah, ‘Ka bu ka ta dinga riminhnik meia thilinhlân, ka kuoma thilinhlân chu a hun tak peiah in inhlân ding a nih,’ ti la.

NAMBAR 7:15

pumrawhmang thilinhlâna dingin bâwngchal tuoi pakhat, berâmchal pakhat, berâmte a chal kum khat mi pakhat;

GALATI 4:10

Nihai, thlahai, hunhai, kumhai in inser hlak.

KOLOSSA 2:16

Chuongchun, fâk thua manih, dâwn thua manih, ruoiṭhe ni thua manih, thla thar thua manih, châwlni thua manih tûkhawmin sawisêl naw raw hai se cheu;