NAMBAR 27:11 - Pathien Lekhabu Inthieng (BSI)

¹¹ Chun, a pain unaupahai a nei naw chun a ro chu a laibung inhnaipui tak pêng in ta, ama chun inkhâwm a tih, chun, Lalpain Mosie thu a pêk angin Israel mihai ta dingin dân thupêk nghet nîng a tih,’ tiin hril rawh,” tiin.

NAMBAR 27:11 ပူးပေါင်းရင်းမြစ်များ

JEREMIA 32:8

Chuongchun, ka pami naupa Hanamel chu vêngtu kulbînga chun Lalpa thu ang pei chun ka kuomah a hung a, ka kuoma chun, ‘Ka ngên che, ka lo Anathotha um, Benjamin rama um chu inchaw rawh; rohluona thuneina chu nangma ta a ni si a, intlansuokna khawm chu nangma ta bawk a na, i ta dingin inchaw el rawh,’ a hung ti a.

LEVI DÂN 25:25

“I unau chu hung pasein, a ram ṭhenkhat lo zawr sienla, a laibung bul takin a unauin a lo zawr chu a hung intlan ding a nih.

LEVI DÂN 25:49

A pamiin amanih, a pami naupân amanih intlan thei a tih; a chihai laia a laibung hnaiin amani khawm intlan thei a tih; chun, ama khawm a hung hausa chun ama le ama chu intlan thei a tih.

NAMBAR 27:10

Unaupahai khawm a nei naw chun a ro chu a pa unaupahai in pêk ding a nih.

NAMBAR 35:29

Hieng thil hi in thlahai chena in umna taphawta in rorêl dân ding chu nîng a tih.

1 SAMUEL 30:25

Chuongchun, chu nia inthawk tu chen hin Israelhai ta dinga thupêk le dâna nei dingin a siem ta a.