NAMBAR 26:10 - Pathien Lekhabu Inthieng (BSI)

¹⁰ Chu pâwl chu an thi lai chun hnuoiin a bâu a ka a, Kora hai le chun a lem ta a; Kora rawihai meiin mi za hni le sâwmnga a kâng hlum ṭum khan; chuonghai chu, inchikna a hung ni ta a.

NAMBAR 26:10 ပူးပေါင်းရင်းမြစ်များ

FESUOKNA 16:35

Israel mihai chun mi umna ram an hung tlung hma po kum sawmli sûng chu manna chu an fâk ta a. Kanaan ram ramrihai an hung tlung chen chun an fâk a.

JEREMIA 29:22

Babulona Juda sal intânghai po po chun, “Zedekia le Ahab, Babulon lalin a rawhai ang chun Lalpa chun siem raw se che,” tiin, anni chungthua chun ṭawngse inphurna takah hmang an tih:

EZEKIEL 14:8

chu mipa chunga chun ka hmai innghat ka ta, thuvara inchikna dingin thilmakah siem ka ta, ka mihaia inthawk chun ama chu sât thlâng ka tih; chun, Lalpa chu ka ni ti mi hre tâng in tih.

NAMBAR 16:2

Israel mi, mi inlâr deu deu mipui laia hotu, rorêltu thlanghai laia mi za hni le sâwmngahai leh Mosie hmaah an va fe a.

NAMBAR 16:38

mei lâknahai chu hieng thilsuol thawtuhaiin thi pha hiela an inhlân a ni si a. Chuleiin, maichâm inkhumna phêk dinga sut ni raw se. Lalpa hmaa inhlân an na, chuleiin, an inthieng a nih; chu chu Israel mihai ta dinga inchikna nîng a tih,” tiin.

NAMBAR 17:3

Levi hmawla chun Aron hming ziek la, an sûngkuo tina dingin hmawl pakhat pei a ni ding a nih.

NAMBAR 27:3

“Thlalêra khan kan pa a thi a, Lalpa thaw dinga pungkhâwm pâwl, Kora pâwla khan a ṭhang ve naw a, nisienlakhawm, ama suol leiin a thi a, naupasal khawm a nei naw a.

DÂN PAHNINA 11:6

Reuben naupa Eliab naupa Dathan le Abiram hai chunga a thaw dân dâm; hnuoiin a bâu a ka a, Israel mi po po lai anni le an sûnghai le an puon inhai le an ran ṭhuoi po po a lem vawng dân dâm hre lo in thlahai kuoma hril ka ni naw a,

DÂN PAHNINA 28:46

in chunga le in thlahai chunga kumkhuoa inchikna ding le makti dingin la um a tih.

2 PETER 2:6

Sodom le Gomorra khuohai chu ama ngaisak naw la hung um dinghai inentirna dingin a hmang a, vuta inchangtirin, sukbohmangin thiemnaw ân changtir ta a.

JUDA 1:7

Sodom le Gomorra, an kâwl vêla khuohai leh, chuong ang bawka inditnaa inpumpêkin, tisa danglam châka an hnawt ve ta leiin chatuona meia hremna tuora, inhriettirna dinga târ suoka an um ang khan.

1 SAMUEL 2:34

Chun, hi hi, i naupasalhai pahni Hophni le Phinehas chunga thil hung tlung ding chu i ta dingin inchikna nîng a tih; ni khat sûngin an pahniin thi ve vêng an tih.