NAMBAR 25:3 - Pathien Lekhabu Inthieng (BSI)

³ Israelhai chun Baal-peor an pawm ve ta a, chuongchun, Israelhai chunga chun Lalpa lung chu a chawk ta a.

NAMBAR 25:3 ပူးပေါင်းရင်းမြစ်များ

INPÂKNA HLABU 90:11

Tuin am i lunginsenna thilthawtheizie hrea, Nangma ṭi dingzie anga i lunginsenna hrie le?

JEREMIA 17:4

Nang khawm, nang ngei khawm, i rochan dinga, ka pêk chea chun um zing naw ti ni a, ram i hriet ngai lova chun i hmêlmahai rawng inbâwltir ka ti che a; ka lunginsennain mei, kumkhuoa chawk ding chu i lo sêm ta si a.

HOSEA 4:14

In naunuhmeihaiin nawchi an zawr a, In mohaiin uiret an chîng khawma hrem naw ning, Anni ngei khawm nawchizawrhai leh an fe pêt a, Nawchizawrhai leh an inthâwi hmunkhat si a; Chuong chun, hrietthiemna nei lo mipuihai chu tlusieng an tih..

HOSEA 9:10

Israel chu thlalêra grêp ra ang elin ka hmu a, In pahai chu, theichang hun hmasaa a hmin hmasa angin ka hmu. Nisienlakhawm, anni chu Baalpeor hmunah an hung a. Thil inzakumtaka chun an inpumpêk ta a; An ingainat tak ang bawk chun tirdak an um ve ta a nih.

NAMBAR 25:5

Chun, Mosie chun Israel rorêltuhai kuoma chun, “Baal-peor pawmtuhai po po chu sukhlum vawng ro,” a ta.

NAMBAR 31:16

Ngai ta u, Balaam remruot chun Peor chungchâng thuah Israel mihai chu Lalpa chunga bawsietna suktlungtuhai hieng hi an nih, Lalpa mi pungkhâwmhai chunga khan hri ân lêng ta kha.

JOSUA 22:17

Peor hmuna bawsietnahai kha ei ta dinga chîn taluoa ngai thei am a nih? Tu chen khawm hin khâng ei suolhai kha ei lân silfai zo naw a na, kha lei khan Lalpa mipuihai chunga khan hri kha ân lêng a na,

RORELTUHAI 2:11

Chun, Israel thlahai chun Lalpa mithmuhah thil suol chu an lo thaw a, Baalhai rawng an bâwl ta a.

RORELTUHAI 2:13

Lalpa chu an nghatsan a, Baal le Astaroth rawng an bâwl ta a.

RORELTUHAI 2:14

Chuongchun, Lalpa chu Israelhai chungah a lunginsen ta a; anni rawk hlaktuhai kuta chun a pêk tâwl ta a; an hmêlma an kâwl vêla umhai kuoma chun a zawr a: chuongchun, an hmêlmahai chu an dang zo ta naw a.

RORELTUHAI 2:20

Chun, Lalpa chu Israelhai chunga chun a lunginsen ta a; chuongchun, “Hi hnamhai hin an thlatuhai thu ka ipêk, ka thuthlung chu an bawsiet a, ka râwl khawm an ngai ta si naw a;