NAMBAR 25:2 - Pathien Lekhabu Inthieng (BSI)

² an pathienhai kuoma an inthâwinahaia chun an fiel tâwl a; Chuongchun, an fâk a, an pathienhai chu chibai an bûk ve ta a.

NAMBAR 25:2 ပူးပေါင်းရင်းမြစ်များ

1 LALHAI 19:18

Nisienlakhawm, Israel rama hin Baal hmaa la dingṭhaṭhuon ngailo le, la fâwp ngailo mi sâng sari ka ta dingin ka hum ding a nih,” a ta.

INPÂKNA HLABU 106:28

Baal-peor tieng chun an kawp a, Mithi kuoma thilinhlânhai chu an fâk ve ta a.

FESUOKNA 20:5

an kuoma chun kûnin an rawng i bâwl ding a ni nawh: Lalpa i Pathien hi Pathien thîkthusetak, pahai khawhlona chu nauhai chunga hung intlungtir hlaktu, a mi theidatuhai chu an thla suon thum le suon li chen chunga khawm, hremna intlungtir hlaktu le

FESUOKNA 22:20

“Lalpa ti chau lo pathien dang hrim hrim kuoma inthâwi chu sukbohmang dêr nîng a tih.

FESUOKNA 23:24

An pathienhai kuoma chun i kûn ding a ni naw a, an rawng khawm i bâwl ding a ni naw a, an sin i thaw ding a ni bawk nawh; anni chu peithla letdêr i ta, an milimhai chu suknâwi vawng i tih.

FESUOKNA 32:6

A zînga chun inhmatakin an tho a, pumrawhmang thilinhlânhai chu an inhlân a, inremna thilinhlânhai chu an hung lâk ta a: chuongchun, mipui chu fa ding le dâwn dingin an ṭhung a, inhnel dingin an tho ta a.

JEREMIA 40:11

Chuong ang bawk chun Moab rama Juda chênghai po po le, Ammon thlahai laia chêng le, Edoma mihai le, ram po poa chênghai chun, Babulon lal chun hlâbîk Juda rama chun mâksan a la nei a, Saphan naupa, Ahikam naupa Gedalia chu an chunga chun a sie ti an hriet chun,

HOSEA 9:10

Israel chu thlalêra grêp ra ang elin ka hmu a, In pahai chu, theichang hun hmasaa a hmin hmasa angin ka hmu. Nisienlakhawm, anni chu Baalpeor hmunah an hung a. Thil inzakumtaka chun an inpumpêk ta a; An ingainat tak ang bawk chun tirdak an um ve ta a nih.

MIKA 6:5

Aw ka mihai, Lalpa thilthaw fel chu in hriet theina dingin, Moab lal Balak thu rawt le Beor naupa Balaamin a dawn dân, Sittima inthawka Gilgal chenin thil umziehai kha, tuhin hre zing ro.”

1 KORINTH 10:20

Jentailhai inthâwina chu Pathien kuomah ni lovin, khawhrihai kuomah an inthâwi hlak ti ka hril lem a nih; nangnirawi chu khawhrihai in inṭawmpui ka nuompêk naw cheu a ni hi.

DÂN PAHNINA 32:38

An inthawina thâu fatu, An dâwn ding thilinhlân uoin dâwntuhai chu tuhâm an na? Hung thoin hung ṭhangpui hai sienla cheu, Nangni humtu ni raw hai se chu!

JOSUA 22:17

Peor hmuna bawsietnahai kha ei ta dinga chîn taluoa ngai thei am a nih? Tu chen khawm hin khâng ei suolhai kha ei lân silfai zo naw a na, kha lei khan Lalpa mipuihai chunga khan hri kha ân lêng a na,

JOSUA 23:16

Lalpa in Pathienin thuthlung a pêk cheu hi in bawsiet a, pathien danghai rawng inbâwl a, kûna chibai inbûk vai chun Lalpa lunginsenna chu in chungah inling a ta, ram ṭhatak a pêk cheua inthawk hi bohmang nghâl el in tih,” a ta.

JOSUA 23:7

hieng hnam nangni laia la umhai le hin inchekpawl lovin an pathienhai hming khawm lam hlek lova, an hming sâla ṭawng khawm inkhâm lova an rawng khawm bâwl lova, kûna chibai inbûk nawna dingin,

THUPUONGSUO 2:14

Nisienlakhawm, tlâwmin demna che ka nei: Balaam inchûktirna pawmtu mi ṭhenkhat i kawl a, ama chun Balak chu Israel mipuihai sukthlû a, milim biekna sa infâktir ding le, inditna suola intlûktir dingin ân chûktir a nih..