NAMBAR 24:7 - Pathien Lekhabu Inthieng (BSI)

⁷ A bâlṭina inthawkin tui luong suok a ta, A chi chu tui tamtakahai chun um a ta, A lal chu Agag nêkin ropui lem a ta, A ram chu chawimawiin um a tih.

NAMBAR 24:7 ပူးပေါင်းရင်းမြစ်များ

2 SAMUEL 5:12

Chun, David chun Lalpain Israelhai chungah lalah ama chu a sukdet a, a mi Israelhai leiin a ram chu a chawimawi a nih ti a hriet ta a.

1 LALHAI 4:21

Chuongchun, Solomon chun Vadunga inthawkin Philistin mihai ram le Aigupta ramri chenin ram po po chunga chun ro a rêl a; lâwmmanhai an hung chawi hlak a, Solomon dam sûng po chun a rawng an bâwl hlak a.

1 LALHAI 5:1

Chun, Tura lal Hiram chun Solomon kuoma chun a siehlawhai a tir a, a pa aia lal dingin hriek an nâl ti a lo hriet si a; Hiram chu David ngainatu a ni rawp hlak hrim a.

1 CHANCHIN SUINA 14:2

David chun Lalpain ama chu Israelhai chunga lalah a siem a nih ti a hriet a; a ram chu a mi Israelhai leiin insângtaka chawisângin a um ti a hriet a.

EZRA 4:20

Vadung râl ram po po chunga rorêltu, Jerusalem vêla khan lal thilthawtheitak takhai an um a; an kuoma chun leiman dâm, ram man dâm, sie dâm pêk a ni hlak a.

ESTHER 3:1

Hieng thil hnunga hin lal Ahasuer chun Agag mi Hammedatha naupa Haman chu ân kaisângtir a, ama chu a siesâng a, a ṭhunghmun chu ama ruolpui milienhai po po chunga chun a sie a.

INPÂKNA HLABU 18:43

Nangin mihai insuolnaa inthawk chun i mi sanhim ta a, Hnam tinhai lua chun i mi siem ta a. Ka hriet ngailo mihai chun ka rawng bâwl tâng an tih.

INPÂKNA HLABU 68:26

Inkhâwmnaahai hin Pathien inpâk unla, Israel tuihnâra suokhai, Lalpa chu inpâk ro.

INPÂKNA HLABU 72:11

Anih, lal po po chu a hmaah bawkkhup an ta, Hnam tinrêngin a rawng bâwl an tih.

INPÂKNA HLABU 89:27

Chun, keiin ama chu nau lutîrah siem ka ta, Hnuoia lalhai lai chun a chunghnungtakah siem ka tih.

ISAI 2:2

Ni nuhnungahai chun Lalpa in umna tlâng chu tlâng lien chungahai chun sukdetin um a ta, tlâng chînhai chunga chun dawm sângin um bawk a ta, chutaka chun hnam tinrênghai chu fe nguoi nguoi an tih.

ISAI 30:25

Chun, inthatna nasatak nia râl vêng inhai chu a chim ni chun, tlâng insâng tina le muol pâwng insâng tina chun vadungpuihai le vadungtê tui luonghai hung um a tih.

ISAI 48:1

Aw Jakob sûng, Israel hming inṭâwmpuia, Juda tuihaia inthawk suok a, thutakah ni si lova, felnaa khawm ni bawk si lo, Lalpa hming sâla ṭawng inkhâma, Israelhai Pathien hming lam hlaktuhai, hi hi lo ngai ro.

ISAI 9:7

David lalṭhungpha chunga le a ram chungah a rorêlna pungzie le inremnain tâwpintai nei naw nih, sukdet ding le tuta inthawka chatuon chen khawma rorêlna le felnaa tungding dingin. Sipaihai Lalpa ṭhahnemngaina chun chuong chu thâwng a tih.

JEREMIA 51:13

Aw nang tui tamtakhai chunga chêng, hausaknaa bit, i tâwpna a hung tlung mêk a, i hringna hrui ân tan tah.

DANIEL 2:44

Chun, chuong lalhai huna chun vâna Pathien chun suksieta um ta ngailo ding le, lal nina chu mi dang kuoma pêka um ta ngai lo ding ram pakhat hung siem suok a ta; chuongchun, chuong ramhai chu kawi tamtaka hung sukkawiin, hung kânghmang a ta, kumkhuoin ama chu um ta lem a tih.

NAMBAR 24:20

Chun, Amalek tieng chu a ngha a, thu a hril a, “Amalek chu hnam bultak a ni nâk a chu, A tâwpna chu bohmangna a nih,” a ta.

JOHAN 1:49

Nathanaelin a kuomah, “Rabbi, Pathien Naupa i nih, Israelhai Laltak i nih,” tiin a dawn a.

THUPUONGSUO 11:15

Chun, vântirko pasarina chun a hang mût a, chuongchun, “Khawvêl ram chu ei Lalpa le a Krista ram a hung ni tah, ama chun chatuonin ro rêl a tih,” tiin vâna chun rawl inringtakin a hung suok nghâl ta a.

THUPUONGSUO 17:1

Chun, vântirko pasari berbu pasari chawihai laia pakhat chun a mi biek a. “Hung ta, tui tamtaka ṭhung, nawchizawr ropuitak hremna chu inentir ka ti che.

THUPUONGSUO 17:15

Chun, ama bawk chun ka kuomah, “Nawchizawr ṭhungna tui i hmuhai kha, mi dâm, mipui dâm, hnam dâm, ṭawng dâm a nih.

THUPUONGSUO 19:16

Chun, a puona le a êlpuia chun, “Lalhai Lal le hotuhai Hotu,” tia hming ziek a um.