Chun, ama chun, “Israelhai po po vêngtu neilo berâm angin tlânga an indar vawng ka hmu a, Lalpain, ‘Hienghai hin hotu an nei ta naw a, mi tin mâni in tieng seng lungmuongtakin fe diel el ta raw hai se,’ a ti a nih,” a ta.
Chun, Mikaia chun, “Chuleiin, Lalpa thu hi lo ngai ta u, Lalpa chu a lalṭhungphaa ṭhung ka hmu a, vâna mipuihai po po, a changtieng le vawitienga ngîrhai leh.
Chun, Lalpain Balaam mit chu a sukvarpêk a, chuongchun, Lalpa vântirko kâwlhnâm chawia lampuia ngîr chu a hmu ta a, a kûn a, a hmaia hnuoi sikin a bawkkhup a.
Chun thu chu a hril ta a, “Aram rama inthawkin Balak chun a mi ṭhuoi a, Saktieng tlânga Moab lal chun; ‘La hung la, Jakob rawihai ṭawngsie mîn phurpêk rawh, Hung la Israelhai hi mi hung vaukhâwngpêk ta!’ a ta.