NAMBAR 24:13 - Pathien Lekhabu Inthieng (BSI)

¹³ ‘Balak hin a in chu tangka le rângkachaka sipin mi pe ding ni sien khawm, a ṭha tieng amanih, a se tieng amanih, keia lungril puoksuok chun Lalpa thu bâk chu iengkhawm ka thaw thei nawh; Lalpain a hril ta phawt chu hril ka tih,’ tiin.

NAMBAR 24:13 ပူးပေါင်းရင်းမြစ်များ

1 LALHAI 13:8

Chun, Pathien mi chun lal kuomah, “I insûng zâtve khawm mi pe ding ni la, i kuoma chun hung chuong naw ning ah, hi hmuna hin bei ka fâkin tui hrim hrim khawm ka dâwn ding a ni nawh;

1 LALHAI 22:14

Mikaia ruok chun, “Lalpa hringna sâlin ka hril a nih, Lalpain ka kuoma a hril chu a nih ka hang hril ding chu,” a ta.

NAMBAR 16:28

Chun, Mosiein, “Keia lungril puoksuoka thaw a ni naw a, hieng thil thaw ding hin Lalpain a mi tir a nih ti hienga hin hrieng in tih.

NAMBAR 22:18

Balaam ruok chun Balak mihai chu a dawn a, an kuomah, “Balak chun a in tangka le rângkachaka sip hi mi pe ding ni sienkhawm, ieng iengkhawm Lalpa ka Pathien thu bawsein ka thaw thei nawh.

NAMBAR 22:20

Chun, zâna chun Pathien chu Balaam kuoma chun a hung a, a kuomah, “Hieng mihai hi nanga koa hung an ni chun tho la, anni zui rawh, amiruokchu, i kuoma ka hril chau che hi i thaw ding a nih,” a ta.

NAMBAR 22:8

Ama chun an kuomah, “Vawizân chu hitaka hin riek unla, Lalpain a mi hril ang angin in kuomah thu hung intlun ka tih,” a ta: chuongchun, Moab mi lienhai chu Balaam kuoma chun an riek ta a.