NAMBAR 23:23 - Pathien Lekhabu Inthieng (BSI)

²³ Jakob chungah dawi invêtna a um naw a. Israelhai chunga sietna ding hrillâwkna a um bawk nawh. Jakob le Israelhai chanchin an hril zâtin, “Pathien thilthaw chu a va mak de!” tîng an tih.

NAMBAR 23:23 ပူးပေါင်းရင်းမြစ်များ

INṬANNA 3:15

nang le nuhmei hi indotir ka ti cheu a, i thlahai le a thlahai khawm lân dotir bawk ka tih; ama chun i lu la sukthitling a ta, nangin a kekhawng la sukthitling i tih,” a ta.

INPÂKNA HLABU 31:19

Aw i ṭhatna, nangma ṭituhai ta dinga în khâwl chu a va nasa de; Mihriem nauhai mithmuha nangmaa ringna innghattuhai ta dinga i thawpêk chu.

INPÂKNA HLABU 64:9

Chuongchun, mi po poin ṭîng an ta, Pathien sinthaw chu hril an tih; A thilthaw khawm chu vartakin ngaituong an tih.

ISAI 41:4

A tira inthawkin suon po po koin, tuin am thaw a, thaw zo? Kei Lalpa, a hmasa tak le a nuhnung tak kuoma um hi, a thawtu chu ka nih.

ISAI 44:25

Kei hi khêlhliphai inchiknahai chu teplova siem a, aisânthiemhai invêta siemtu, mi varhai innghat kîrtir a, an hrietna invêtthlâka siemtu,

EZEKIEL 21:21

Babulon lal chu lampui inṭhena lai, lampui pahnihai inchinna taka chun, dawi hmang dingin a ngîr zing si a; hnungtieng hmatieng thalhai chu a hêm vêl a, milimhai chu a râwn a, sathin chu a en bawk a.

DANIEL 9:15

Tuhin, aw Lalpa kan Pathien, Aigupta rama inthawka i mihai kut hrâttak leh hung ṭhuoi suoka, vawisûn ni chena hming inthangna changtu, kan lo suksuol ta a, rilotakin kan lo thaw tah a nih.

MIKA 7:15

Aigupta rama inthawka i fe suok lai ang khan a kuomah thil maktakhai inentir ka tih.

NAMBAR 24:1

Chuongchun, Israelhai mal sâwmpêk chu Lalpa dit zâwng a nih ti Balaam chun a hrietin ni danga a thaw ang khan dawi invêt tieng thaw dinga fe lovin thlalêr tieng a pan ta lem a.

MATTHAI 12:25

Chun, Isûn an ngaituohai chu a lo hriet a, an kuomah, “Khâwlai ram khawm mâni indo taphawt chu an bo hlak; khâwlai khuo khawm sûngkhat khawm, mâni indo taphawt chu ngîr suok naw ni hai.

MATTHAI 12:27

Kei Beelzebub leia khawhrihai hnawt dawk hlak ka lo ni chun, in nauhaiin tu leiin am an lo hnawt dawk hlak lie? Chuleiin, anni chu nangni ngaituotu dinghai nîng an tih.

MATTHAI 16:18

Chun, nang Peter i nih ti ka hril che; hi lungpui chunga hin ka kohran rem ka ta, mithi khuo kul kawtkhârhai chun chu chu ngam naw ni hai.

JOHAN 11:47

Chuongchun, thiempu lalhai le Pharisaihai chun rorêltuhai an ko khâwm a, “Iengtin am thâwng ei ta? Hi mipa hin thilmak tamtak a thaw si a.

THILTHAWHAI 10:38

Nazareth Isu chungchâng thu kha, khânga ama chu Pathienin Thlarau Inthieng le thilthawtheinaa a vurzie kha; ama chun mi chunga thawṭhain le diebol suknawmnat po po sukdamin a fang vêl hlak, Pathien a kuoma a um leiin.

THILTHAWHAI 15:12

Chuongchun, mipui po po an to zing a, Barnaba le Paula Pathienin anni hmanga Jentailhai laia inchiknahai le thilmakhai a thaw thu kha an hril sûng po chu an ngai a.

THILTHAWHAI 4:16

“Hieng mihai hi iengtin am thâwng ei ta? Thilmak inthangtak an thaw ti Jerusalema um po poin an hriet ta hi; eini khawmin ei sêl thei si naw a.

THILTHAWHAI 5:12

Chun, mi lai Pathienin tirkohai kutin inchikna le thilmak tamtak a thaw hlak a. Annirawi chu an rêngin lungril hmunkhatin Solomon Tuolpûka chun an inkhâwm hlak a.

THILTHAWHAI 5:14

Chun, a ring tharhai nuhmei le pasal tamtakin Lalpa kuoma chun an hung belsa nâwk zuol hlak a.

ROM MIHAI KUOMA TIRKO PAULA LEKHATHAWN (THE LETTER OF PAUL TO THE ROMANS) 16:20

Chun, Remna Pathien chun, in kepha hnuoiah um dingin Setan chu hung suknawi vak a tih. Lalpa Isu Krista lunginsietna chu in kuomah um raw se.

DÂN PAHNINA 3:24

‘Aw Lalpa PATHIEN, i siehlaw kuoma hin i ropuizie le i kut hrâttak chu în langtir phawt chu a ni ta a; vâna manih, hnuoia hin amanih, i thilthaw ang le i thilthaw ropuitak ang hi thaw thei pathien tu am an um a?

JOSUA 13:22

Beor naupa Balaam aisânthiem khawm Israel mihaiin mi dang an thathai laia chun kâwlhnâmin an that sa ve a.

THUPUONGSUO 12:9

Chun, dragon lientak, Rûlpui tar, Diebol le Setan an ti, khawvêl po po hlêmtu chu, an pei thlâk ta a; hnuoiah an pei a, a tirkohai khawm an pei thlâk sa ve a.