NAMBAR 23:14 - Pathien Lekhabu Inthieng (BSI)

¹⁴ Chuongchun, Zophimhai umna Pisga sîpa chun a hang ṭhuoi a, maichâm pasari a siem a, maichâm tina chun bâwngchal pakhat le berâmchal pakhat ân hlân a.

NAMBAR 23:14 ပူးပေါင်းရင်းမြစ်များ

ISAI 46:6

Mansaa inthawka rângkachak bun suok hlak a, tangka bûknaa bûk hlakhai chun rângkachak suttu an ruoi a, ama chun pathienah a siem hlak a; chuongchun, an bawkkhup a, anih, chibai an bûk hlak.

HOSEA 12:11

Gilead chu rîtlona a ni naw am a nih? Teplo el an ni annâwm; Gilgala chun bâwngchal an inhlân hlak a. Anih, an maichâmhai chu leilet changkuonga Lung dêng khâwm ang el an nih.

NAMBAR 21:20

Bamoth-a inthawk chun Moab ram phairuom, pisga tlâng ṭhut an tlung a, chu tlâng sîpa inthawk chun Jeshimon thlalêr chu ân lang vawng a nih.

NAMBAR 23:13

Chun, Balak chun a kuomah, “Hmun dangah fe nâwk ei tih khai; chutaka inthawk chu hmu thei tâwl i ta; a hmatâwng pâwl takhai chu hmûng i ta, an rêng ruok chun hmu vawng kher naw ti ni a; chutaka inthawk chun ṭawngsie mîn phurpêk rawh,” a ta.

NAMBAR 23:15

Chun, Balak kuoma chun, “Saw laia Lalpa ka va biek kâr i pumrawhmang thilinhlân bula hin lo ngîr zing rawh,” a ta.

NAMBAR 23:29

Chun, Balaam chun Balak kuomah, “Hitaka hin maichâm pasari mi siempêk la, bâwngchal pasari le berâmchal pasari mi buotsaipêk rawh,” a ta.

DÂN PAHNINA 3:27

Pisga tlâng sîpah hang chuong la, thlangtienga dâm, hmârtienga dâm, simtienga dâm i mit hang inlên la, hang thlîr rawh; Jordan hi i kân naw ding a ni si a.

DÂN PAHNINA 34:1

Chun, Mosie chu Moab phaia inthawkin Jeriko zâwna Nebo tlâng, Pisga tlâng sîpa chun a hang lâwn a. Lalpa chun Gilead ram po po, Dan chenin ân entir a;

DÂN PAHNINA 4:49

Jordan râl saktieng pang Araba po po, Pisga pangpêr hnuoia Araba tuipui chenin.