NAMBAR 23:10 - Pathien Lekhabu Inthieng (BSI)

¹⁰ Jakobrawi pilvut zât hiel chu tuin am tiem thei a ta? Israelhai hmun lia ṭhea hmun khat chu tuin am tiem thei a ta? Mi fel thi angin thi ve thei lang, Ka tâwpna chu a tâwpna ang ni sien,” a ta.

NAMBAR 23:10 ပူးပေါင်းရင်းမြစ်များ

INṬANNA 13:16

Chun, i thlahai chu hnuoia pilvut ang elin la siem ka tih: chuongchun, mîn hnuoia pilvut hi an tiem sêng chun i thlahai khawm chu tiem sêng ni bawk an tih.

INṬANNA 22:17

mal sâwm ngei ngei ka ti che a, vâna arasi zât le tuisuoriet panga phaiphin zâtin i thlahai chu la sukpung ngei ngei ka ta, i thlahai chun an dohai kul kawtkhâr chu neipêk an ta, ka thu i âwi ta leiin,

INṬANNA 28:14

i thlahai chu hnuoia pilvut zâtin la um an ta, thlangtieng dâm, saktieng dâm, hmârtieng dâm, simtieng dâm indar lien i ta, nangma le i thlahaia chun khawvêla hnam tin la thawveng an tih.

INPÂKNA HLABU 116:15

A mi inthienghai thina chu, Lalpa ngai chun hlutak a nih.

INPÂKNA HLABU 37:37

Mi demkailo inchik la, mi indiktak chu en rawh, Chuong ang mi tâwpna ding chu lungmuongna a ni ding a ni si a.

THUVARHAI 14:32

Mi khawhlo chu a thilthaw rilova chun sukthlûkin a um a, Mi fel ruok chun a thinaa chun beiseina a nei hlak.

NAMBAR 2:16

Reuben mihai tamzie chu nuoi khat sîng nga sâng khat za li sâwmnga an nih. Anni hi an dawta suok ding an nih.

NAMBAR 2:24

Chun, Ephraim mihai tamzie chu nuoi khat sâng riet le za khat an nih. Chun, a dawttu dawt nâwktuah an suok ding a nih.

NAMBAR 2:31

Dan mihai tamzie chu nuoi khat sîng nga sâng sari le za ruk an nih. Chun, anni hin a pâwl pâwla suokin hnung an dâl pei ding a nih,” tiin.

NAMBAR 2:9

An pâwl tam dân izir peia Juda mihai an tiemhai chu nuoi khat sîng riet sâng ruk le za li an nih; anni rawi hin hma an ṭhuoi pei ding a nih.

NAMBAR 31:8

An mi thathai laia chun Midian mihai lalhai khawm an ṭhang ve a; Midian mihai lal panga Evi, Rekem, Zur, Hur le Reba hai, Beor naupa Balaam khawm kâwlhnâmin an that a.

2 KORINTH 5:1

Ei umna hnuoia in hi ṭiek sien khawm, vânah, in kuta bawl lo, kumkhuoa um zing ding, Pathien kuoma in nghet chu ei nei ti ei hriet si a.

THUPUONGSUO 14:13

Chun, vâna inthawkin rawlin, “Hienghin ziek rawh: Tuta hnung chu mithi, Lalpaa thihai chu, an hamṭha. Thlarau chun, ‘Anih, an sininrimnahai chu châwl san tâng an tih; an thilthawhai chun a hung zui ve ding a ni si a,’ a tih,” a ti ka hriet a.