NAMBAR 22:6 - Pathien Lekhabu Inthieng (BSI)

⁶ lunginsiettakin hung la, hieng mihai hi ṭawngsie mi vân phur pêk ta khai; keia ta ding chun an hrât taluo a nih, kan that theiin, kan hne theiin, kan rama inthawk hi kan hnawt suok thei khiet rawi mawh; mal i sâwm taphawthai chu malsâwmin an um a; ṭawngsie în phur taphawthai chu ṭawngsephurin an um ti ka hriet si a,” tiin a vân ko tir a.

NAMBAR 22:6 ပူးပေါင်းရင်းမြစ်များ

INṬANNA 12:3

Chun, malsâwmtu che taphawt chu malsâwm ka ta, ṭawngsie inphurtu che chu ṭawngsie inphur ka tih: nangmaa chun hnam tin la thawveng an tih,” a ta.

INṬANNA 27:29

Mi chi tum tumin i rawng bâwl hai sienla, Hnam tum tumin chibai bûk raw hai se che. I unauhai lai lalah um la, I nu nauhaiin chibai bûk raw hai se che. Ṭawngsie inphurtu che taphawt chu ṭawngsephurin um sienla, Malsâwmtu che chu malsâwmin um raw se,” a ti a.

1 LALHAI 22:13

Chun, Mikaia va ko dinga an tir chun a kuomah, “Ngai ta khai, zâwlneihai hin thu inang vawngin a ṭha tiengin lal kuoma hin thu an hril seng a, an hril ta ang seng chun hang hril ve la, a ṭha tiengin hang hril ve raw aw,” tiin a hril a.

1 LALHAI 22:6

Chuongchun, Israel lal chun zâwlneihai mi za li lai a ko khâwm a, an kuomah, “Ramoth-gilead khuo hi thaw dingin ka hang inthawk ding am inthawk lo ding?” a ta. Anni chun, “Hang inthawk rawh, Lalpain lal kuta hin a pêk ding a nih,” an ta.

1 LALHAI 22:8

Chun, Israel lal chun Jehosaphat kuoma chun, “Lalpa mi râwnpêk ding Imla naupa Mikaia kha chu a la um kha maw, nisienlakhawm, ama hi chu ka theida zâwngtak a nih; ka chungchâng thu hi a se tieng ngawt naw chu a ṭha tieng a hril hrim hrim ngai nawh,” a ta. Chun, Jehosaphat chun, “Lal hin chuong ang chun chu ti naw raw se khai,” a ta.

NEHEMIA 13:2

Israel thlahai bei le tuia tuok lo a, anni ṭawngsie inphur dinga Balaam an ruoi lei khan; nisienlakhawm, ei Pathien chun ṭawngsie chu malsâwmnaah ân changtir ta lem a.

INPÂKNA HLABU 109:28

Anni chun ṭawngsie inphur raw hai se, nang ruok chun malsâwm lem rawh, An tho phingleh muolpho an ta, i siehlaw ruok chu hlim a tih.

THUVARHAI 26:2

Chawngzawng ân vâk ân vâk ang le, peleu a vuong lai angin, A san boa ṭawngse inphurna chu a fu ngai nawh.

EZEKIEL 13:6

An hmulawkna chu ân diknaw a, Ai sâna an hril lâwkhai chu khêl vawng a nih. Lalpain anni chu a tir naw sain, tiin an thu chu sukdet ni ngei dingin mihai an inbeiseitir a.

MIKA 6:5

Aw ka mihai, Lalpa thilthaw fel chu in hriet theina dingin, Moab lal Balak thu rawt le Beor naupa Balaamin a dawn dân, Sittima inthawka Gilgal chenin thil umziehai kha, tuhin hre zing ro.”

NAMBAR 22:12

Pathien chun Balaam kuomah, “An kuoma chun i fe ding a ni nawh. Chuong mihai chu ṭawngsie în phur ding a ni nawh, mi hamṭha an nih,” a ta.

NAMBAR 22:17

Mi ropuitakah siem ka ti che a, ka kuoma i hril taphawt chu thaw pei ka tih; chuleiin, hung hrâm la, hieng mihai hi ṭawngsie mi vân phurpêk hrâm ta khai,’ a ti a,” an ta.

NAMBAR 23:13

Chun, Balak chun a kuomah, “Hmun dangah fe nâwk ei tih khai; chutaka inthawk chu hmu thei tâwl i ta; a hmatâwng pâwl takhai chu hmûng i ta, an rêng ruok chun hmu vawng kher naw ti ni a; chutaka inthawk chun ṭawngsie mîn phurpêk rawh,” a ta.

NAMBAR 23:27

Chun, Balak chun Balaam kuomah, “Hung ta, hmun dangah ṭhuoi phawt ka ti che. Chutaka inthawk chun ṭawngsie i mîn phûrpêk Pathien chun a phal khiet rawi mawh,” a ta.

NAMBAR 24:9

An kûn a, sakeibaknei angin an bawk a. Sakeibakneihai ang elin, tuin am chawktho a ta? Malsâwmtu taphawt cheu chu malsâwmin um sienla, Ṭawngsie inphurtu taphawt cheu chu ṭawngsephurin um raw hai se,” tiin.

THILTHAWHAI 16:16

Chun, ṭawngṭaina hmuna kan fe lai chun suok nunghâk tû amanih, khawhrizâwl aisânthiemin a mîn tuokpui a, ama chun a aisân lei chun a puhai chu sum tamtak ân hmutir hlak a.

DÂN PAHNINA 23:4

Aigupta rama inthawka in hung suok laia bei le tuia an lo tuok naw cheu leiin le, ṭawngsie inphur ding cheua Mesopotamia rama Pethor khuoa Beor naupa Balaam an ruoi lei khan.

JOSUA 24:9

Chun, Moab lal Zippor naupa Balak a hung inthawk a, Israel mihai chu a lo do a, chun, Beor naupa Balaam kha ṭawngsie inphurtir ding cheuin ân kotir a,

1 SAMUEL 17:43

Chun, Philistin mi chun David kuoma chun, “Ui am ka nia hmawl le dâm i mi hung pan chu le?” a ta. Chuongchun, Philistin mi chun a pathienhai sâlin David chu ṭawngsie ân phur ta a.