NAMBAR 22:34 - Pathien Lekhabu Inthieng (BSI)

³⁴ Balaam chun Lalpa vântirko kuomah, “Ka lo suol a ni ta chu, mi dang dingin lampuiah i ngîr ti ka hriet si naw a; chuleiin, i lâwm naw chun kîr nâwk el ka tih,” a ta.

NAMBAR 22:34 ပူးပေါင်းရင်းမြစ်များ

2 SAMUEL 12:13

Chun, David chun Nathan kuomah, “Lalpa chungah thil ka lo suksuol tah a nih,” a ta. Chun, Nathan chun David kuomah, “Lalpa khawma i suol chu a sie hmang ve ta a; thi naw ti nih.

1 CHANCHIN SUINA 21:7

Chun, hi thila hin Pathien chu a lâwm ta naw hle el a; chuleiin, Israel ram chu a hung hrem ta a.

INPÂKNA HLABU 78:34

Anni a that poleh ama chu an zawng hlak a, An kîr nâwk a, zîngkâr Pathien an zawng hlak.

FESUOKNA 9:27

Chun, Pharao chun mi a tir a, Aron le Mosie chu ân kotir a, an kuomah, “Tuta ṭum chu ka lo suol takzet a nih, ka mihai le kei chu kan khawhlo a, Lalpa ruok chu a fel a nih.

THUVARHAI 24:18

Lalpa chun hung hmûng a ta, ama suklungawinaw rawi a ta, A lunginsenna chu amaa inthawk chun her hmang rawi a tih.

NAMBAR 11:1

Mipuihai chun Lalpa na hrieta chun mi chier hmang angin thil ṭha naw takhai an hril hlak a; chu chu Lalpa chun a lo hriet chun a lung a chawk ta a; chuongchun, Lalpa mei chu anni lai chun a hung chawk a, an riebûk hmawr tieng chu a kâng ta dur dur el a.

NAMBAR 14:40

Chuongchun, zîngkâr an tho a, tlâng sîpa chun an hang fe a, “Ngai ta, hi kan hung a nih, Lalpain a mi tiemna hmuna chun fêng kan tih, kan lo suol tah a nih,” an ta.

NAMBAR 22:12

Pathien chun Balaam kuomah, “An kuoma chun i fe ding a ni nawh. Chuong mihai chu ṭawngsie în phur ding a ni nawh, mi hamṭha an nih,” a ta.

NAMBAR 22:33

chun, sabengtung chun a mi hmu a, ka hmaa chun vawi thum a pêt a ni kha, pêt naw sienla chu ama chu sukhlum si lovin, nang sukhlum hiel naw ning che,” a ta.

1 SAMUEL 15:24

Chun, Saula chun Samuel kuoma chun, “Thil ka suksuol dêr a ni chu, Lalpa thupêk le i thu chu ka lo bawsiet a ni zing chu tie; mipuihai ka ṭia an râwl ka lo ngai leiin.

1 SAMUEL 15:30

Chuongchun, ama chun, “Ka lo suol a ni ta a, nisienlakhawm, ka mihai upa le, Israelhai hmaa hin mi chawimawi dingin ka ngên che a nih; chun, Lalpa i Pathien ka biek theina dingin mi fepui hrâm bawk la,” a ta.

1 SAMUEL 24:17

David kuoma chun, “Keia nêk chun i fel lem êm êm a nih, nang chun chu ka chungah thil ṭha i thaw a, kei ruok chun chu thil ṭha naw ka thaw a nih.

1 SAMUEL 26:21

Chuongchun, Saula chun, “Thil ka lo thaw suol dêr el a nih, ka naupa David, hung kîr nâwk rawh, i mithmuah ka hringna hi vawisûn hin a hlut êm leiin iengkhawm law ta naw hrim hrim ka ti che, ngai ta, thil invêtthlâktak ka lo thaw ta a, ka lo thaw suol dêr el a ni ta hi,” a ta.