NAMBAR 21:9 - Pathien Lekhabu Inthieng (BSI)

⁹ Chuongchun, Mosiein dâr rûl a siem a, banah a khai a, rûl chuk taphawtin dâr rûl chu an enin an dam pei a.

NAMBAR 21:9 ပူးပေါင်းရင်းမြစ်များ

2 LALHAI 18:4

Bâwlhmunhai a sukbo a, lungphunhai a sukchim a, Asera dâm a phûr a; chun, Mosie dâr rûl siemhai chu a suknâwi vawng a; chuong lai hun chen chun Israel mipuihai chun a kuomah riminhnik an la raw rawp hlak a nih; chu chu Nehustan an ti hlak a.

ISAI 45:22

Kâwlkawdawnga mi po pohai, keia tieng hung ngha unla, sandamin um ro; kei hi Pathien ka ni si a, a dang hrim hrim an um nawh.

ZEKARIA 12:10

Chun, David sûngkaw chunga le, Jerusalem hluotuhai chunga chun zângaina le hni châkna thlarau buok ka ta, kei an mi sun tahnung chu mi en an tih; miin a nau khât ta dinga an sûn hlak angin ama chu sûn an ta, miin a nau lutîr chu nasataka a tuorpui hlak angin nasatakin tuorpui an tih.

JOHAN 1:29

Chun, a zînga chun Johanin Isu a kuoma hung ding a hmu a. Chun, a hril a, “En ta u, Pathien Berâmte khawvêl suol fepuitu ding saw!

JOHAN 12:32

Chun, kei hnuoia inthawka khaikânga ka um chun, mi po po keia tieng hîp ka tih,” a ta.

JOHAN 6:40

Chun, hi hi ka Pa dit zâwng a nih, tûkhawm Nau hmua ring taphawt chun chatuona hringna nei sienla; chun, keiin ni kin nia chun ama chu kei tho lang,” a ta.

ROM MIHAI KUOMA TIRKO PAULA LEKHATHAWN (THE LETTER OF PAUL TO THE ROMANS) 1:17

Chutaka chun awi nâwkzuolna dingin, ringnain Pathien felzie chu a hung inlang a, “Ringna leia mifel chu hring a tih” tia ziek ang khan.

ROM MIHAI KUOMA TIRKO PAULA LEKHATHAWN (THE LETTER OF PAUL TO THE ROMANS) 8:3

Tisa leiin Dân chu a hrât naw a, a thaw thei ruol naw chu Pathienin ama Naupa ngei tisa suol ang putin suol thawina dinga hung tirin, tisaa suolna um chu thiemnaw ân changtir tah a nih,

2 KORINTH 5:21

Amaa chun Pathien felna ei hung ni theina dingin suol hrim hrim hre lo chu Pathienin eini leiin suolah a siem a.

HEBRAIHAI 12:2

Isu ei ringna siemtu le sukfamkimtu tieng chu en zingin; ama chun a hmaa hlimna um lei chun muolphona chu ngainêpin, kraws chu a tuor a, Pathien lalṭhungpha changtieng khin a hang ṭhung ta a.

1 JOHAN 3:8

Thil suksuoltu chu Diebola suok a nih; Diebol chun a tîra inthawkin thil a suksuol si a, Pathien Naupa hung inlang san tak chu Diebol sinthawhai a sukbohmang theina dingin a nih.