NAMBAR 21:7 - Pathien Lekhabu Inthieng (BSI)

⁷ Chun, mihai chu Mosie kuomah an fe a, “Lalpa le nangma kala kan lo ṭawng ta hi kan lo suol tah a nih; keini laia rûlhai hi sukbo dingin Lalpa kuomah ṭawngṭai raw khai,” an ti a; chuongchun, mihai chu Mosie chun a ṭawngṭaipêk a.

NAMBAR 21:7 ပူးပေါင်းရင်းမြစ်များ

INṬANNA 20:17

Chuongchun, Abraham chu Pathien kuomah a ṭawngṭai a; chun Pathienin Abimelek le a nuhmei le a suoknuhai chu a sukdam nâwk a; chuongchun, nauhai an hung nei nâwk ta a.

INṬANNA 20:7

Chuongchun, tuhin mi nuhmei kha pe kîr nâwk rawh; ama chu zâwlnei a ni si a, ṭawngṭaipêk a ti che a; chun, dam el i tih: i pêk kîr nâwk naw chun i thi ngei ding a nih ti hre rawh, nang le i nei po pohai leh,” a ti a.

1 LALHAI 13:6

Chun, lal chun a dawn a, Pathien mi kuoma chun, “Ka kut hi a hung dam nâwk theina dingin Lalpa i Pathien ngên la, mi ṭawngṭaipêk ta khai,” a ta. Chun, Pathien mi chun Lalpa kuoma chun a ngên a; chun, lal kut chu a hung dam nâwk ta a, a hma ang bawkin a hung um nâwk ta a.

2 LALHAI 13:4

Chun, Jehoahaz chun Lalpa kuomah a ngên a ngên a; chun, Lalpain a thu chu a lo ngaipêk a, Israelhai nêksâwra an um a, Suria lalin anni a nêksâwrzie chu a hmu zing si a.

JOB LEKHABU (THE BOOK OF JOB) 42:10

Chun, Lalpa chun Job chu a ruolhai ta dinga a ṭawngṭai lai chun a chan chu a sukṭha ta a; Job chu Lalpa chun a hmaa a nei lêt hni chu a pêk ta a.

JOB LEKHABU (THE BOOK OF JOB) 42:8

Chuleiin, tuhin bâwngchal pasari le berâmchal pasari kei unla; ka siehlaw Job kuoma chun fe unla, nangni ta ngei dingin pumrawhmang thilinhlân chu inhlân ro; chun, ka siehlaw Job chun ṭawngṭaipêk a ti cheu a, ama a ni leiin, kei khawma pawm ka tih, in invêtna ang peia ka thaw nawna ding cheu in. Ka siehlaw Job angin keima chungthua thil indik chu in mi hrilpêk ta si naw a,” tiin.

INPÂKNA HLABU 106:23

Chuleiin, sukbohmang rawi a tih, tia, a lunginsen sukkîr dingin, A mi thlang Mosie chu a lûtna dinga chun a hmaah ngîr naw sien lem chu, Sukbohmang a tih, ti a hril a.

INPÂKNA HLABU 78:34

Anni a that poleh ama chu an zawng hlak a, An kîr nâwk a, zîngkâr Pathien an zawng hlak.

FESUOKNA 10:17

Tuhin ka ngên che hi, ka suol hi vawikhat bak mi ngaidam nâwk phawt la, hi thina hi keimaa inthawka a lâkhmang theina dingin Lalpa chu mi hnipêk rawh,” a ti a.

FESUOKNA 32:11

Mosie ruok chun Lalpa a Pathien chu a ngên a, “Lalpa, Aigupta rama inthawka kut thahrât le thilthawtheina nasatak le i hung ṭhuoi suok hieng i mihai chunga hin iengdingin am i lunginsenna chu lum el a ta?

FESUOKNA 32:30

A zînga chun Mosie chun mipui kuoma chun, “Thil suol nasatak in thaw ta chu a ni a, chuleiin, Lalpa kuomah tuhin hang fêng ka tih, in suolna ta dingin intlanna ka siem thei tâkduoiin,” a ti a.

FESUOKNA 8:28

Pharao chun, “Lalpa in Pathien kuoma chun thlalêra in inthâwi theina dingin infetir ka ti cheu, amiruokchu, hlatakah fe naw unla, ka ta ding khawmin mi ngênpêk rawh,”a ti a.

FESUOKNA 8:4

Chuong uṭawkhai chu nanga chunga le i mihai chunga le, i siehlawhai chungah hung ṭuong seng an tih,’ tiin hril rawh,” a ti a.

FESUOKNA 8:8

Pharao chun Mosie le Aron a ko a, “Lalpa chu ngên ro, ka mihai le ka kuoma inthawkin uṭawkhai hi lahmang sienla; chun, Lalpa kuoma an inthâwi theina dingin mipui chu infetir ka tih,” a ti a.

ISAI 26:16

“Lalpa, an lunginzîng lai chun an sir hlak che a, i hremna chu an chunga a tlâk lai chun an ṭawngṭai zawmzawt a.

JEREMIA 15:1

Chun, Lalpa chun ka kuomah, “Mosie le Samuel chu ka hmaah ngîr ta hai sienla khawm, ka lungril chu hi hnam tienga hin ân hêm thei nawh; ka mithmua inthawkin hnawt suok la, anni chu infe suoktir rawh.

JEREMIA 37:3

Chun, lal Zedekia chun Selemaia naupa Jehukal le, thiempu Maaseia naupa Zephania chu zâwlnei Jeremia kuomah, “Tuhin keini ta dingin, Lalpa kan Pathien kuoma chun ṭawngṭai rawh”, ti dingin a tir ta a.

HOSEA 5:15

An thiemnawzie an inhriet a, ka hmêl an zawng hma chun, Fêng ka ta, ka hmunah kîr nâwk ka tih; An tuornaa chun mi zawng an ta, hieng hin tîng an tih:

NAMBAR 11:2

Chuongchun, mipuihai chun Mosie an ko a; Mosie chu Lalpa kuomah a ṭawngṭai a, mei chu a rêm ta a.

MATTHAI 27:4

“Mi thiem thisen kân mantir kha thil ka suksuol a nih,” a ta. Anni ruok chun, “Chu chu kan ta dingin ieng am pawi a ta? Nangin i thaw thawin thaw rawh,” an ti san a.

THILTHAWHAI 8:24

Chun, Simonin, “In thil hril hi ka chunga iengkhawm a tlung nawna dingin nangnîn Lalpa kuomah mi ṭawngṭaipêk ro,” a ta, a dawn a.

ROM MIHAI KUOMA TIRKO PAULA LEKHATHAWN (THE LETTER OF PAUL TO THE ROMANS) 10:1

Unauhai, ka lung nuom zâwng le, anni ta dinga Pathien kuoma ka ṭawngṭaina san tak hi, sandam an hung ni theina ding a nih.

DÂN PAHNINA 9:20

Chun, Lalpa chu, Aron chunga chun a lunginsen hle a, sukbohmang a nuom hiel a; nisienlakhawm, chu huna chun Aron ta ding khawmin ka ṭawngṭai nghâl a.

JAKOB 5:16

Chuongchun, sukdama in um theina dingin in suolhai thupha inchawi tuo unla, in ṭawngṭaipêk tuo hlak ro.

1 SAMUEL 15:24

Chun, Saula chun Samuel kuoma chun, “Thil ka suksuol dêr a ni chu, Lalpa thupêk le i thu chu ka lo bawsiet a ni zing chu tie; mipuihai ka ṭia an râwl ka lo ngai leiin.

1 SAMUEL 15:30

Chuongchun, ama chun, “Ka lo suol a ni ta a, nisienlakhawm, ka mihai upa le, Israelhai hmaa hin mi chawimawi dingin ka ngên che a nih; chun, Lalpa i Pathien ka biek theina dingin mi fepui hrâm bawk la,” a ta.