NAMBAR 21:34 - Pathien Lekhabu Inthieng (BSI)

³⁴ Chun, Lalpain Mosie kuomah, “Ama chu ṭi naw, ama khawm, a mi po pohai khawm, a ram khawm i kutah ka pêk ta a nih; Hesbona um Amor mihai lal Sihon chunga i thaw angin i thaw ding a nih,” a ta.

NAMBAR 21:34 ပူးပေါင်းရင်းမြစ်များ

2 SAMUEL 5:19

Chun, David chun, “Philistin mihai thaw dingin kan hang fe ding am a nih? ka kuta hin anni chu pêng i ti?” tiin Lalpa a râwn a. Lalpa chun David kuoma chun, “Hang fe rawh, Philistin mihai chu i kutah ka pêk ngei ngei ding a nih,” a ta.

1 LALHAI 20:13

Chun, ngai ta, zâwlnei pakhat hin Israel lal Ahab chu a va hnai a, “Lalpain hieng ang hin a tih, ‘Hieng mipui tamtak hi i hmu am? ngai ta, vawisûn hin i kutah ka pêk ding a nih; chuongchun, kei hi Lalpa chu ka nih ti hrieng i tih,’ tiin,” a ta.

1 LALHAI 20:28

Chun, Pathien mi chun Israel lal chu a va hnai a, a va biek a, a kuomah, “Lalpain hieng ang hin a tih, ‘Suria mihaiin Lalpa chu tlânghai pathien a na, ruom pathien chu a ni naw an ti a nih; chuleiin, hieng mipui tamtakhai hi i kutah ka pêk ding a nih; chuongchun, kei hi Lalpa chu ka nih ti hrieng in tih,’ tiin,” a ta.

2 LALHAI 3:18

Chun, hi thil hi Lalpa mithmua chun thil chitê a na, chun, Moab mihai khawm chu in kutah pe bawk a ti cheu.

ISAI 41:13

Kei Lalpa in Pathien hin, “Ṭi naw ro, ka ṭhangpui ding cheu a nih,” tiin, in kut changtieng chu ka chel ding a ni si a.

NAMBAR 14:9

Lalpa chungah hel naw phawt el unla, chu rama mihai khawm chu ṭi hlek naw ro, ei bu ding an ni el annâwm, an inhumhimna chu teplo mei mei a nih; Lalpa chu ei kuomah a um annâwm; anni chu ṭi naw ro,” tiin an hril a.

NAMBAR 32:4

Israel pungkhâwmhai hmaa Lalpain a suktlâwm ramhai chu ran ta dinga ṭhatak ram a na; chun, i siehlawhai hin ran kan nei a,

DÂN PAHNINA 2:30

Nisienlakhawm, Hesbon lal Sihon chun a rama chun a mîn fe thlengtir phal naw a; Lalpa in Pathien chun vawisûna anga in kuta a pêk theina ding cheuin a lungril a sukngarpêk a, a suklulul a nih.

DÂN PAHNINA 20:3

an kuomah, ‘Aw Israel mihai, hre ro khai, tuhin chu in hmêlmahai in do ding a ni ta a, zâm naw unla, ṭi naw unla, inthin bawk naw ro, anni chu ṭi dêr naw ro;

DÂN PAHNINA 3:1

“Chuongchun, ei insawn a, Basan lampuiah ei fe a, Basan lal Og le a mihai po po chu Edreia mi thaw dingin an hung inthawk a.

DÂN PAHNINA 3:11

(Basan lal Og chau a nih, Repha mihai laia la um sun chu; a khum chu thîr a na, Ammon thlahai khuo Rabaa chun a la um zing a ni naw am a nih? Mihriem tawnga inkhiin a dungtieng tawng kuo, a khangtieng tawng li a nih.)

DÂN PAHNINA 31:6

Hrâttak le huoitakin um unla, ṭi naw ro, anni chu ṭi bawk naw ro; in kuoma fe ve chu Lalpa in Pathien a ni si a; inhlâwsamtir naw ni cheu, mâk khawm mâksan naw tawp a ti cheu,” tiin.

DÂN PAHNINA 7:17

“In lungrilah ‘Hieng hnamhai hi ei ni nêkin an tam si a, iengtin am hnawt suok thei ei ta?’ in ti a ni chun anni chu ṭi naw ro.

DÂN PAHNINA 7:18

Lalpa in Pathienin Pharao le Aigupta mi po po chunga thil a thawhai kha hre zing ro,

DÂN PAHNINA 7:21

Anni chu in ṭi ding a ni nawh; Lalpa in Pathien nangni lai a um chu, Pathien ropuitak le ṭiumtak a ni si a.

DÂN PAHNINA 7:24

An lalhai chu in kutah pêng a ta, an hming chu vânkhuphnuoia inthawk hin in thaihmang dai ding a nih; in sukbohmang dêr chenin in hmaa ngîr thei tukhawm um hrim hrim naw ni hai.

JOSUA 10:25

Josua chun an kuomah, “Ṭi naw unla, zâm bawk naw ro, hrâttak le huoitakin um lem ro; in hmêlmahai po po in dohai chungah Lalpa chun hieng ang hin a thaw pei ding a nih,” a ta.

JOSUA 10:8

Chun, Lalpain Josua kuomah, “Anni chu ṭi dêr naw rawh, i kutah ka pêk vawng tah a nih; anni laia mi tukhawm i hmaah ngîr thei ding hrim hrim an um nawh,” a ti a.

JOSUA 8:7

Chun, inchânrûknaa inthawk chun hung suok in ta, khawpui chu la el in tih; Lalpa in Pathienin in kutah a pêk ding a nih.

RORELTUHAI 11:30

Chun, Jepthah chun Lalpa kuomah ṭawng ân khâm a, “Ammon mihai hi ka kuta i mi pêk takmeu chun,

1 SAMUEL 23:4

Chuongchun, David chun Lalpa chu a râwn nâwk ta a. Chun, Lalpa chun a dawn a, a kuomah, “Tho la, Keila khuoah zu fe thla rawh, Philistin mihai chu i kutah pêng ka tih,” a ta.