NAMBAR 21:29 - Pathien Lekhabu Inthieng (BSI)

²⁹ Arnon hmun insâng lalhai chu, I chung a rik de, Moab! I bohmang a ni tah, aw Kemos chibai bûktuhai, A naupasalhai chu tlânse ding le, A naunuhmeihai chu sala um dingin a pêk a, Amor mihai lal Sihon kuomah.

NAMBAR 21:29 ပူးပေါင်းရင်းမြစ်များ

JEREMIA 48:46

Aw Moab, i chung a va rik de! Kemosa mihai chu hmanglo an nih, i naupasalhai chu sala ṭhuoiin an um a, i naunuhmeihai khawm chu salah an intâng si a.

2 LALHAI 23:13

Chun, Jerusalem bul sietna tlâng changtieng panga Zidonhai pathien tirdakumtak Astoreth ta ding dâm, Moabhai pathien tirdakumtak Kemos ta ding dâm, Ammon thlahai pathien tirdakumtak Milkom ta ding dâm, Israel lal Solomonin bâwlhmun a siemhai chu lal chun a sukbo vawng a.

RORELTUHAI 11:24

I pathien Kemos-in i puola a lo ruotpêk che chu i nei el ding a ni naw am a nih? Chun, Lalpa kan Pathienin kan hmaa a lâkpêkhai chu kan nei ding a nih.

JEREMIA 48:7

I sinthawhaia le i roa chun i ringna în nghat leiin, nang khawm man nîng i ta; Kemos khawm chu sala intâng dingin fêng a ta, a thiempuhai le a rorêltuhai leh.

1 LALHAI 11:33

ama chun a mi mâksan a, Zidon mi pathiennu Astoreth hai, Moabhai pathien Kemos hai, Ammonhai thlahai pathien Milkom hai dâm a biek lei le ka mithmua thilṭha thaw ding le ka thuruothai le ka rorêlhai hi pawm dinga a pa David anga ka lampuihai a hraw naw leiin.

1 LALHAI 11:7

Chuongchun, Solomon chun Jerusalem bula tlângah Moab mihai pathien tirdakumtak Kemos ta dingin le, Ammon mihai pathien tirdakumtak Molek ta dingin bâwlhmun a lo siem ta a.

JEREMIA 48:13

An ringtak Bethel chu Israel sûngkaw ta dinga inzapuium a ni ang khan, Moab chu Kemos chun inzapui a tih.

ISAI 16:2

Chuongchun, Moab naunuhai chu vate a bua inthawka rau dara vuong vuonghai angin Arnon vadung kaia chun an um ding annâwm.

ISAI 15:5

Moabhai leiin ka lungril chu a khêk a; an mi ṭhahai chu Zoar khuoa le Eglath-selisijah-ah an tlân a, Luhith lam tunga chun ṭap pumin an fe a nih; Horonaim lampuia chun sietna khêkin an khêk suok a nih.

NAMBAR 24:17

‘Ama chu ka hmu a, tuta a um ang ni lo hi, Ka thlîr a, hnaitea mi ang ni lovin; Jakoba inthawk chun arasi hung suok a ta, Israela inthawk chun lalhmawl hung suok a ta, Moab ram tluonin sun thleng a ta, Buoina nauhai po po suktlâwm a tih.

JEREMIA 48:45

Chuong a tlân hmanghai chu hrâtna nei lovin, Hesbon hlima chun an ngîr a, mei chu Hesbona inthawk chun a fe suok a, meichawk chu Sihona inthawkin a fe suok a, Moab ram sîr le, chawkbuoituhai lua lallukhum chu a kâng hmang ta a.