NAMBAR 21:24 - Pathien Lekhabu Inthieng (BSI)

²⁴ Chun, Israel mihai chun kâwlhnâm leh an lo thaw a, a ram chu Arnona inthawka Jabbok chenin, Ammon mihai ramri Jazer chenin an neipêk a; Ammon thlahai ram chu a khir hle a nih.

NAMBAR 21:24 ပူးပေါင်းရင်းမြစ်များ

INṬANNA 32:22

Chu zân chun a tho a, a nuhmeihai pahni le, a suoknuhai pahni le, a nau sâwm le pakhathai chu a ṭhuoi a, Jabbok vadung kaia chun a kai ta a.

NEHEMIA 9:22

Chun, ram le hnamhai i pêk a, chuonghai chu an chanpuol i sempêk seng a; chuongchun, Sihon ram Hesbon lal ram le, Basan lal Og ram chu an hluo a.

INPÂKNA HLABU 136:19

Amorhai lal Sihon le, A ngilneina chu kumkhawtluongin a um ding a ni si a.

AMOS 2:9

“Nisienlakhawm, anni hmaah Amor mihai sidar thing anga insâng le thingsaisuo anga hrât khawm kha ka sukbohmang ta a; a chungtienga a ra le, a hnuoitienga a zung khawm ka sukbo a.

NAMBAR 21:13

Chutaka inthawk chun an fe nâwk a. Amor mihai ramria inthawka hung filawr thlalêra Arnon khingtieng pangah umhmun an khuor a; Arnon chu Moab ramri, Moab le Amor mihai inkâra um a nih.

DÂN PAHNINA 1:4

Chu chu Hesbona um Amor mihai lal Sihon le Edrei le Astaroth-a um Basan lal Og a that hnungin a nih.

DÂN PAHNINA 29:7

Chun, hi hmun in hung tlung hin Hesbon lal Sihon le Basan lal Og chu a mi do dingin an hung inthawk a, anni chu ei lo hne ta a.

DÂN PAHNINA 3:16

Chun, Reuben mihai le Gad mihai chu Gileada inthawka Arnon ruom, ruom laitak chenin an ram chin dingin ka pêk a, Ammon thlahai ramri, Jabbok vadung chenin;

DÂN PAHNINA 31:4

Lalpain Amor mihai lal hai, Sihon le Og le an ram a sukbohmang laia an chunga a thaw ang khan an chungah thâwng a tih.

DÂN PAHNINA 4:46

Jordan râla Mosie le Israel thlahaiin Aigupta rama inthawka an hung suok laia an that, Hesbona um Ammon mihai lal Sihon rama Beth-peor zâwn ruoma khan:

JOSUA 13:12

Astaroth le Edrei khuoa lala inṭhung Basan lal Og ram po po leh (ama chu Rephaim hnama la um sun chu a nih); chuonghai chu Mosie khan a lo thaw a, a lo hnawt suok tah a nih.

JOSUA 24:8

Chun, Jordan vadung râla um Amor mihai rama chun ka ṭhuoi cheu a; an lo do cheu a; chuongchun, in kutah ka pêk a, an ram chu in hluo ta a; chun, anni chu ka sukbohmang pêk cheu a.

JOSUA 9:10

Jordan vadung râla Amor mihai lal pahnihai Hesbon ram lal Sihon hai dâm, Basan ram lal Astaroth khuoa um Og hai dâm chunga a thilthaw po pohai kha kan hriet si a.

RORELTUHAI 10:11

Lalpa chun Israel mihai kuoma chun, “Aigupta mihaia inthawk, Amor mihaia inthawk, Ammon mihaia inthawk le, Philistin mihaia inthawk dâmin ka sansuok cheu ni lo am a nih?

RORELTUHAI 11:13

Ammon mihai lal chun, “Israelhai Aigupta rama inthawka an hung suok lai khan ka ram an lâk leiin a nih, Arnona inthawka Jabbok le Jordan chenin; chuleiin, chu ramhai chu sêl lovin mi hung pe nâwk el rawh,” tiin, Jepthah palaihai chu a lo dawn a.

RORELTUHAI 21:8

Chun, anni chun, “Israel pahnam laia mi a tu hnam tak am a na Mizpaa Lalpa hmaa hang inlang ve naw hi?” an ti a. Chun, pungkhâwmhai umnaa chun Jabes-gilead mi chu pakhat khawm an hung ve nawh ti an hmu ta a.