NAMBAR 20:8 - Pathien Lekhabu Inthieng (BSI)

⁸ Chuongchun, Lalpain Mosie chu, “Hmawl la la, pungkhâwmhai chu inumkhâwmtir la, nang le i unau Aron leh, an mithmuah lungpui chu a tui suksuok dingin hril la, lungpuia inthawk chun tui la suokpêk i ta; chuongchun, pungkhâwmhai le an ranhai chu în dâwntir ding annâwm,” tiin a biek a.

NAMBAR 20:8 ပူးပေါင်းရင်းမြစ်များ

INṬANNA 18:14

Lalpa ta dingin thil hrim hrim intak taluo a um am a nih? Hun ruotah, hun a tlung tiktik chun, i kuomah hung nâwk ka tih, chun Sara chun naupasal nei a tih,” a ta.

NEHEMIA 9:15

an phîngṭam sukrena dingin vâna inthawkin bei i pêk a, an dangchâr sukrêna dingin lungpuia inthawkin tui i suksuokpêk a, i bân phar meua, ‘Pêng ka tih,’ i ti ram hluo ding thu i pêk a.

INPÂKNA HLABU 105:41

Lungpui chu a hawng a; chuongchun, tui a hung suok zur zur a, Hmun ṭâwlahai chun vadung ang el hin a luong ta a.

INPÂKNA HLABU 114:8

Ama chun lungpui chu dîlah ân changtir a, Meitâwklung chu tuihnârah ân changtir bawk a.

INPÂKNA HLABU 33:9

Ama chun a hril a, a hung um ta a, Thu a pêk a, a hung det ta si a.

FESUOKNA 14:16

I hmawl kha chawi sâng la, i kut kha tuipui chungah phar suok la, tuipui chu ṭhe rawh, Israel mihai chu tuipui inkâra chun hnuoi hula an fe theina dingin.

FESUOKNA 17:9

Mosie chun Joshua kuomah, “Eini lai pasalhai thlang suok la, fe unla, Amalekhai chu va do ro; zîngah Pathien hmawl chu ka kuta chawiin tlâng sîpah ngîr ka tih,” a ti a.

FESUOKNA 4:17

Hi hmawl hi i kutin chawi pei i ta, chu chun inchiknahai chu thâwng i tih,” a ti a.

FESUOKNA 4:2

Lalpa chun a kuomah, “Kha i kuta kha ieng am a na?” a ti a. Ama chun “Hmawl,” a ti a.

FESUOKNA 4:20

Mosie chun a naupasalhai le a nuhmei a ṭhuoi a, sabengtung chungah anni ân chuongtir a, Aigupta ramah a kîr nâwk ta a. Mosie chun Pathien hmawl chu a kutin a chawi pei a.

FESUOKNA 7:20

Mosie le Aron chun Lalpa thupêk ang tak chun an thaw ta a. Aron chun a hmawl chu ân let a, Pharao le a siehlawhai mithmu ngeia chun vadunga tui chu a vuok a, vadunga tui po po chu thisenah a hung inchang ta vawng a.

ISAI 43:20

Ka mi, ka ithlanghai chu dâwn ding ka pêk theina dingin thlalêra chun tuihai kân umtir leiin ramsahai chun mi chawimawi an ta, sihalhai le vate rîngsei chen khawmin;

ISAI 48:21

Thlalêrahai chun a ṭhuoi lai khan an dang a châr naw a; lungpuia inthawk chun an ta dingin tuihai ân luong suoktir a; lungpui chu a sukkawi a, chuongchun, tuihai chu a hung suok ta zur zur a.

NAMBAR 20:11

Mosie chun a bân a phar a, lungpui chu a hmawl chun vawi hni a hang vuok a; chuongchun, tui a hung suok ta zur zur el a, pungkhâwmhai le an ranhai chun an dâwn ta a.

NAMBAR 20:7

chun, Lalpa ropuina an kuomah a hung inlang a.

NAMBAR 21:15

Ar khaw bul chena inzam, Moab ramri depa Ruom pangpêrhai chu,” tia hril a nih.

NAMBAR 21:18

An lal hmawl le an hembâwka, Mipuihai mi lienhai icho chu.” Chun, thlalêra inthawk chun Mattanaah an fe a.

MATTHAI 21:21

Chun, Isûn an kuomah, “Titakzetin ka hril cheu hi, ringna in nei a, in ringhla naw chun, theichang chunga thaw ang chau hi thaw naw ti niu a, hi tlâng kuoma khawm hin, ‘Lo insawn la tuisuorietah lo inpei rawh,’ in ti chun, in ti ang chun lo um a tih.

LUKA 11:13

Chuongchun, nangni mi suol hmanin in nauhai thil ṭha pêk nachâng in hriet chun, in Pa vâna mi chun a hnituhai chu Thlarau Inthieng a va pêk âwm ngei de e!” a ta.

JOHAN 16:24

Tu chen hin keia hmingin iengkhawm in la hni nawh; hni ro, chuongchun hmûng in tih, in lâwm a kimna dingin.

THILTHAWHAI 1:14

Chuonghai po po chun nuhmei tuhai amani le Isu nu Mari leh, Isu unauhai leh, lungril hmunkhata ṭhahnemngaitaka ṭawngṭaiin an um a.

JOSUA 6:20

Chuongchun, mipuihai chu an khêk a, tawtawrâwthai mût an ni a. Tawtawrâwt ri an hang hriet phingleh, an khêk ta dur dur a, kul chu a chim hmât vawng a; chuongchun, mi tin chu mâni hma zawn senga chun an fe a, khawpuia chun an lût a, khawpui chu an lâk ta a.

JOSUA 6:5

Chun, berâmchal ki an mût rik ruoi ruoi a, tawtawrâwt ri in hriet pha chun, mipui po po chu inringtakin khêk dur dur raw se; chuongchun, khawpui kul chu chim rup a ta, mipui chu mâni hma zâwn sengah chun hang fêng an tih,” a ta.

THUPUONGSUO 22:1

Chun, ama chun, a khawlai taka, hringna tui vadung, krustal lung anga tle, Pathien le Berâmte lalṭhungphaa inthawka hung suok, a mîn entir a.

THUPUONGSUO 22:17

Thlarau le mo chun, “Hung rawh,” an ti a. A hre taphawt chun, “Hung rawh,” ti raw se. Dangchâr taphawt hung raw se; a nuom taphawtin hringna tui hi a thlâwnin la raw se.