NAMBAR 20:6 - Pathien Lekhabu Inthieng (BSI)

⁶ Chun, Mosie le Aron chu mipuihai laia inthawk chu intuokna puon in kawtkhâra chun an va fe a; an bawkkhup a;

NAMBAR 20:6 ပူးပေါင်းရင်းမြစ်များ

1 CHANCHIN SUINA 21:16

Chun, David chu a hung dâk suok a, Lalpa vântirko hnuoi le vân kâra ngîr chu a hang hmu ta a; a kâwlhnâm phawi sain, Jerusalem tienga bân pharin a hmu a. Chun, David le upahai chu saiip puon an sil a, an hmaia hnuoi sikin an bawk tâwl ta a.

FESUOKNA 16:10

Chun, Israel mipui pungkhâwm po po kuoma Aronin a hril phingleh, thlalêr tieng chu an en a, sûm laia Pathien ropuina hung inlang chu an hmu a.

FESUOKNA 17:4

Mosie chun Lalpa a ko a, “Hi mipui hi iengtin am thâwng ka ta? Lunga mi dêng dingin an intûng el a ni si a,” tiin.

NAMBAR 12:5

Puon in kawtkhârah a lo ngîr a, Aron le Miriam chu a ko a, an pahni chun an hung suok a.

NAMBAR 14:10

Nisienlakhawm, a pungkhâwmhai po po chun lunga dêng an rawt a. Chuongchun, Lalpa ropuina chu intuokna puon inah Israel mi po po hmaa chun a hung inlang a.

NAMBAR 14:5

Chuongchun, Mosie le Aron chu Israel mipui pungkhâwm po pohai hmaa chun an bawkkhup a.

NAMBAR 16:19

Chun, Kora chun mipui po po chu anni kalin intuokna puon in kawtkhâra chun ân umkhâwmtir a; chun, mipuihai po po chunga chun Lalpa ropuina a hung inlang a.

NAMBAR 16:22

Chuongchun, anni chu an bawkkhup a, “Aw Pathien, tisa po pohai thlarau Pathien, mi pakhat suol leiin mipui po po chungah i lunginsen ding am a nih?” an ti a.

NAMBAR 16:4

Chu chu Mosiein a hang hriet chun a bawkkhup a.

NAMBAR 16:42

Chun, Mosie le Aron chunga mipui an pungkhâwm lai chun intuokna puon in tieng an ngha a; sûmin a hung inkhum le Lalpa ropuina hung inlang chu an hmu a.

NAMBAR 16:45

“Hieng mipuihaia inthawk hin insiekieng ro, ka hung sukbohmang thut theina dingin,” tiin. Chun, anni chu an bawkkhup a.

NAMBAR 20:7

chun, Lalpa ropuina an kuomah a hung inlang a.

MATTHAI 26:39

Chun, tlâwmtên hma tieng a va fe dep a, a bawkkhup a, “Aw Pa, a thei chun, hi no hin mi khêl hrâm raw se; nisienlakhawm, keima thu ni lovin, nangma thu thu ni lem raw se,” tiin a ṭawngṭai a.

JOSUA 7:6

Josua chun a puonhai a keithlêr a, ama le Israel upahai chu Lalpa bâwm hmaa chun an hmaia hnuoi sikin zântieng chenin an bawkkhup a; an luah pilvut an inphul a.