NAMBAR 20:29 - Pathien Lekhabu Inthieng (BSI)

²⁹ Chun, mipui po poin Aron a thi ti an hriet chun Israel mihai po po chun ni sâwmthum an sûn a.

NAMBAR 20:29 ပူးပေါင်းရင်းမြစ်များ

INṬANNA 1:10

Pathienin khawmuol chu “Hnuoi” ân bûk a, tui um khâwmhai chu “Tuipuihai” ân bûk a: Pathienin chu chu a en a, ṭha a ti hle a.

INṬANNA 1:5

Pathienin var chu “Sûn” ân bûk a, inthim chu “Zân” ân bûk a. Chuongchun, zântieng a um a, zîngtieng a um bawk a; chu chu ni khatna.

INṬANNA 23:2

Sara chu Kanaan rama Kiriath-arbaa chun a thi a (chu chu Hebron khuo a nih): chun Abraham chu Sara chunga ṭap ding le sûn dingin a hung a.

INṬANNA 50:10

Chun, Jordan râla Atad hrizâwl chu an tlung a, chutaka chun nasatakin an ṭa a, ni sari a pa sûnna a siem a.

INṬANNA 50:3

A ruong siemna dingin ni sâwmli an aw a, hmawntheilova siemna chun ni chuong zât chu a aw hlak hrim a nih; chun, ni sâwmsari sûng zet Aigupta mihai chun ama sûnin an ṭap a.

THILTHAWHAI 8:2

Chun, Pathien ngaisak tuhaiin amanih Stephan chu an phûm a, nasatakin an ṭap a.

DÂN PAHNINA 34:8

Israel mihai chun Mosie chu Moab phaia chun ni sâwmthum an sûn a; chuongchun, Mosie sûna ṭap nihai chu a hung tâwp ta a.

1 SAMUEL 25:1

Chun, Samuel chu a thi ta a; chun, Israel mihai po po chu an inko khâwm a, an sûn a; Rama khuoa a ina chun an phûm ta a. Chun, David chu a tho a, Paran thlalêrah a zu fe a.